БНСУ-ын Ерөнхийлөгч үрчилж авсан хүүхдээ "сольж" болно гэв | News.MN

БНСУ-ын Ерөнхийлөгч үрчилж авсан хүүхдээ "сольж" болно гэв

БНСУ-ын Ерөнхийлөгч үрчилж авсан хүүхдээ "сольж" болно гэв

БНСУ-ын Ерөнхийлөгч үрчилж авсан хүүхдээ "сольж" болно гэв

Энэ сарын эхээр Өмнөд Солонгосчуудыг сэрдхийлгэсэн нэгэн аймшигт хэрэг ил болсон нь асрамжийн газраас айлд үрчлэгдсэн нэг ой дөрвөн сартай Жон Ин Ян хэмээх охины эмгэнэлт үхэл байлаа. Жон Ин охин хойд эцэг эх болох Ан Мо, Ян Мо нарын гарт есөн сарын турш хүчирхийлүүлэн насанд хүрсэн хүний ч тэсч чадахааргүй асар ихээр өвдөж, шаналсаар эцэст нь өнгөрсөн оны аравдугаар сарын 13-нд өвчнөө даалгүй эмнэлэгт нас барсан билээ.

Болсон явдлыг нэгдүгээр сарын 2-нд SBS телевизийн эрэн сурвалжлах сэтгүүлчдийн багийнхны бэлдсэн “Хариултгүй асуултууд” нэвтрүүлгээр дамжуулан ард иргэд мэдсэн юм. Улмаар охины хойд эцэг эхийг баривчилж, иргэдийн бухимдал дээд цэгтээ хүрч, цахим орчинд болон гудамжинд эсэргүүцлийн хөдөлгөөн өрнөж эхэлсэн юм. зөвхөн солонгосчууд төдийгүй тус хэргийн талаар олж мэдсэн олон улсын ард иргэд цахим орчинд  #정인아미안해 Жон Инаа уучлаарай тодотгол бүхий аян өрнүүлж эхэлсэн билээ.

Хэдхэн сарын өмнө EBS телевизээр “Энгийн нэгэн гэр бүл” хэмээх нэвтрүүлэг цацагдаж, олны хайрыг татаж байв. Тус нэвтрүүлэгт Ан Мо, Ян Мо хэмээх хос ойролцоо насны хоёр охинтойгоо хамт оролцож, Өмнөд Солонгосын нэгэн жаргалтай гэр бүлийн амьдралыг харуулжээ. Охидын нэг нь хосын өөрсдийн төрүүлсэн хүүхэд бол нөгөөх нь Жон Ин буюу асрамжийн газраас өргөж авсан бяцхан охин байв. Тэд нэвтрүүлгээрээ дамжуулж “Зөвхөн алдартай, баян хүмүүс төдийгүй энгийн амьдралтай гэр бүл ч гэсэн хүүхэд үрчилж аваад аз жаргалтай, сайхан амьдрах боломж байдгийг харуулахыг зорьсон” хэмээн тайлбарлаж байсан юм.

Ан Мо, Ян Мо нар 2020 оны эхээр асрамжийн газраас таван сартай бяцхан охин Жон Инийг өргөн авч, хамтдаа амьдарч эхэлсэн байна. Гэвч тэд өргөж авсан охиноо өөрсдийн охин шиг хайрлах нь бүү хэл удаа дараа хүчирхийлсээр, сүүлдээ хэрээс хэтэрч, амь насанд нь халдсан аж.

БЯЦХАН ОХИНЫ ТАМД ӨНГӨРҮҮЛСЭН ЕСӨН САР

Жон Ин охин асрамжийн газарт байхдаа хэдий эцэг, эхгүй ч эрүүл саруул, цовоо сэргэлэн, аз, жаргалтай, инээд дүүрэн сахиусан тэнгэр байлаа. Гэвч гэмгүй царайлсан аймшигт хүчирхийлэгчдийн гэрт очсоноос хойш дөнгөж эхэлж байсан түүний амьдрал там болон хувирчээ. Яагаад зовж байгаагаа, хэнээс тусламж гуйхаа мэдэхгүй, өөрийгөө илэрхийлэхээр хэмжээний үг хэлж ч чадахааргүй дэндүү бяцхан Жон Ин охин тэрхүү араатнуудын гэрт хэний ч тэсч чадахааргүй өвдөлт болон сэтгэл зүйн дарамтанд тарчилж байсныг хүмүүс дэндүү хожимдож мэдсэн нь эмгэнэлтэй.

Хэргийн талаар баттай эх сурвалжуудын мэдээлсэн нотолгооноос үзвэл хойд эцэг эх нь Жон Инийг дор хаяж 15 удаа машинд болон гэрт нь 30 минутаас 4 цагийн хугацаатай ганцааранг нь орхиж байжээ. Мөн тэдний амьдардаг байрны цахилгаан шатны камерийг шалгаж үзтэл 2020 оны наймдугаар сард охины хойд эх Жон Инийг цахилгаан шатанд тэрэгтэй нь авч явахдаа асар хүнлэг бус авир гаргаж байсан нь илчлэгджээ. Цахилгаан шатны хаалга нээгдмэгц Ян Мо охиныг тэрэгтэй нь маш хүчтэй түлхснээс болж тэрэг цахилгаан шатны ханыг чанга мөргөж, охины хүзүү толгой нь ихээр доргиж, хойд эх өөрийн төрсөн охиноо хурдан хөдөлж цахилаан шатанд суухыг шаардан загнах аж. Цахилгаан шат нэгдүгээр давхарт очиж хаалга онгойход Ян Мо дахин тэргийг хүчтэй түлхэх бөгөөд улмаар Жон Ин охин тэрэгтэйгээ хамт газарт онхолдон унажээ. Тухайн үед Өмнөд Солнгост цар тахал хүчтэй тархаж байсан бөгөөд бичлэг дээр Ян Мо ганцаараа масктай, хоёр хүүхдэдээ сэргийлэх ямар ч арга хэмжээ аваагүй харагдана.

Харамсалтэй нь энэ бол Жон Ин охины энгийн нэг өдөр байлаа. Зарим өдрүүд үүнээс ч долоон дор өнгөрчээ. Хойд эцэг, эх нь түүнийг удаа дараа хүчирхийлж, тэр ч байтугай хүнд бэртсэн байхад нь хүртэл зодож байжээ. Тухайлбал, 2020 оны зургадугаар сарын эхээр хойд эцэг Ан Мо охиныг хүчтэй цохин зүүн далыг нь хугалсан аж. Зүүн дал нь хугарснаас болж маш их өвдөж шаналж байх үед нь ч гэсэн Ан Мо охиныг удаа дараа хүчирхийлсээр байв. Жишээлбэл, тэрбээр охины живхийг сольж байхдаа гэмтсэн мөрөн дээр нь хүчтэй дарж, өвчнийг нь улам хүндрүүлж байсан баримт олдсон аж. Түүнээс гадна охин газарт хүчтэй савж унасны улмаас дагз нь цөмрөх зэрэг хүнд гэмтлүүд үүссэн байна. Эх сурвалжуудын баталснаар хойд эцэг, эх нь ууртай байхдаа охиныг төрөл бүрийн хүнлэг бус аргаар шийтгэдэг байжээ.

Жон Ин охин нас барахаасаа өмнөх хэд хоногт сэтгэл санааны гүн хямрал болон биеийн гэмтлээсээ болоод хоол идэж чадалгүй, арайхийн багахан хэмжээний сүү ууж байсан гэдэг. Мөн нас барахынхаа өмнөх өдөр ямар ч тамиргүй болсноос болоод ганц ч алхаж чадахгүй байжээ. Амьд байхад нь хийсэн шинжилгээгээр охины ходоод цоорсноос болоод тэрбээр юу ч идэж чадахгүй байсан нь тогтоогдсон аж. Мөн түүний хэвлий цоорсноос болж амьсгалах бүрт агаар гадагшилж, насанд хүрсэн хүний ч тэсвэрлэхээргүй ихээр өвдөж байсан нь батлагдсан байна. Охиныг сэхээн амьдруулах тасагт ирэхэд нь аврахын тулд гурван ч удаа оролдлого хийсэн ч бүтээгүй юм.

ХУДАЛЧ, ХҮЧИРХИЙЛЭГЧ, МАНИАК ХОС

Охины хойд эцэг, эх эхлээд цагдаа нарт “Жон Инийг өдөр өнжүүлэх төвд аваачихаар бэлдэж байхад охин буйдан дээрээс унаад гэмтсэн” хэмээн мэдүүлэг өгчээ. Удалгүй өгсөн мэдүүлэг нь худлаа болох нь батлагдахад тэд дахин мэдүүлэг өгөхдөө “Охиныг үгэнд орохгүй болохоор нь уурандаа өргөөд сэгсэрсэн, гэвч санаандгүй алдаад унагахад тэр ширээ мөргөөд гэмтчихсэн” хэмээн мэдүүлжээ. Гэвч гар дээрээс унаж ширээ мөргөхөд үхэлд хүргэх гэмтэл үүсэхгүй гэдгийг сэтгүүлчид туршилтаар нотолсон юм.

Охины үхлээс өмнө Ян Мо, Ан Мо нар гурван ч удаа хүчирхийллийн хэрэгт сэжиглэгдэж байжээ. Гэвч тэр бүрт нь цагдаагийн байгууллагаас дорвитой арга хэмжээ авалгүй өнгөрөөсөн гэнэ. Түүнчлэн хойд эцэг Ан Могийн гар утсан дээрээс Жон Инийг зодож буй 800 гаруй дүрс бичлэг олдсон аж.

ҮХЛИЙН ШАЛТГААН

Охины үхлийн шалтгаануудын нэг нь гадна нөлөөгөөр үүссэн нойр булчирхай болон гэдэсний цооролт хэмээн шүүх эмнэлэг задлан шинжилгээгээр тодорхойлжээ. Мэргэжлийн хүний мэдээлснээр гурван настай хүүхдэд энэ зэргийн гэмтэл учруулахад дор хаяж 3800-4200Н хүч шаардагдах аж. Үүнийг ойлгомжтой болгохын тулд эрэн сурвалжлах сэтгүүлчдийн баг Жон Иний хойд эхтэй төстэй жинтэй эмэгтэй болон охины биетэй төстэй хэмжээтэй туршилтын хүүхэлдэй ашиглаж туршилт хийсэн байна.

Эхлээд Ян Могийн мэдүүлсэнчлэн туршилтын хүүхэлдэйг ширээ мөргүүлэн унагаж үзэхэд 720-1433Н хүч үйлчлжээ. Түүний дараа 3800-4200Н хүргэхийн тулд туршилтын хүүхэлдэйг янз бүрийн хүчээр цохиж үзсэн байна. Жишээлбэл, мэргэжлийн таеквондочноор хүчтэй өшиглүүлэхэд цохилтын хүч 2713Н, мэргэжлийн боксчин хамаг хүчээрээ цохиж хананд савахад 4387Н хүрчээ.

Цаашлаад Ян Мотой төстэй биетэй хэмээн сонгож авсан эмэгтэй туршилтыг үргэлжлүүлж, хүүхэлдэй дээр дэвсэхэд 1778Н, дээр нь гарч зогсоход 1927Н буюу Жон Инд гэмтэл учруулсан хүчнээс хэд дахин бага хүч хүрч байв. Эцэст нь туршилтад оролцогч эмэгтэй буйдан дээрээс үсрэн хоёр хөлөөрөө хүүхэлдэй дээр буухад Жон Инд гэмтэл учруулсантай ойролцоо буюу 3869Н хүч үйлчилжээ.

Хожим шүүх эмнэлгийн дүгнэлт гарахад ил болсон мэдээллүүдээс харахад тэр их өвдөлтийг тийм жаахан байж бүтэн есөн сарын турш тэссээр ирсэн нь бахархмаар, бас гайхмаар ч юм шиг. Тухайлбал, Жон Ин охины дунд чөмөг, баруун, зүүн талын хэд хэдэн хавирга хугарч, зүүн дал, дагз, баруун нүдний хажуугийн яс цөмөрч, няцарсан бөгөөд нарийн, будүүн гэдэс урагдаж, цоорсон байжээ.

АРД ТҮМНИЙ БУХИМДАЛ ДЭЭД ЦЭГТЭЭ ХҮРСЭН НЬ

Болсон явдал олонд ил болсноос хойш ард иргэд өргөн хүрээтэй эсэргүүцлийн хөдөлгөөн өрнүүлж, хүүхэд үрчилж авсан бүх гэр бүлүүдийг шалгах, үрчлэгдсэн хүүхдүүдэд тавих хараа хяналтыг сайжруулах, хүүхэд хамгаалах талаас хууль эрх зүйн орчноо сайжруулах, энэ төрлийн гэмт хэрэгтнүүдэд оноох ялыг хүндрүүлэх зэрэг арга хэмжээ авахыг шаардаж буй юм.

Мөн дээрх хэрэг ил болохын өмнөхөн Өмнөд Солонгосын түүхэн дэх хамгийн аймшигтай хүүхэд хүчирхийлэгч гэгдэх Чо Ду Сон үйлдсэн хэрэгтэйгээ харьцуулахад дэндүү бага буюу 12 жилийн ялаа эдлээд шоронгоос суллагдсан нь иргэдийн бухимдлыг төрүүлж, жагсаал, цуглаан хийхэд хүргээд байсан билээ.

ЭРХ БАРИГЧИД УУЧЛАЛ ГУЙСАН НЬ

Болсон явдлын талаар мэдээллүүд эрх баригчдын чихэнд хүрч, Өмнөд Солонгосын Ерөнхийлөгч Мүн Жэ Ин эмгэнэлт явдалд харамсаж буйгаа илэрхийлэн, цаашид ижил хэрэг давтагдахгүй байх тал дээр онцгой анхаарч, хууль эрхзүйн орчныг сайжруулахаа амласан байна. Мөн холбогдох хууль хяналтын байгууллагууд ч иргэдээс уучлал хүсч, цаашид иргэдийн гомдол, санал бүрийг нухацтай шалгаж байхаа мэдэгджээ.

Гэвч саяхан Ерөнхийлөгч Мүн Жэ Ин дахин мэдэгдэл хийхдээ хүүхэд үрчилж авсан эцэг эхчүүд хэрвээ хүүхэд нь таалагдахгүй бол өөр хүүхдээр сольж авч болно хэмээн хэлээд иргэдийн уурыг дахин хүргэсэн байна.

ХЭРЭГЖҮҮЛЖ БУЙ АРГА ХЭМЖЭЭНҮҮД

Хэрэг явдал олонд нууц биш болсноос хойш маш олон хүмүүс хүүхдийн асрамжийн газрууд болон асрагчийн сургуульд мөнгө хандивлаж, сайн дурын ажилд оролцох болжээ. Зарим хүмүүс боломжоороо их, бага хэмжээний мөнгө хандивлаж байгаа бол зарим нь гутал, хувцас, ном, тоглоом зэргийг цуглуулж, үлдсэн нь хүүхдийн төлөөх сайн дурын ажилд оролцож байгаа гэнэ.

Мөн Сөүл хотын цагдаагийн газар хотын захиргаатай хамтран энэ сарын 20-нд хүүхдийн хүчирхийллийн талаар мэдээллийг шалгаж, урьдчилан сэргийлэх зорилготой тасаг нээж байгаагаа зарлажээ. Улмаар шинээр байгуулагдсан хүүхдийн эмч, хуульч, цагдаа зэрэг мэргэжилтнүүдээс бүрдсэн ажлын хэсэг бүх шатны хүүхдийн хүчирхийлэлтэй холбоотой дуудлагыг хүлээн авч, болзошгүй аюулаас урьдчилан сэргийлэхийн тулд өргөмөл хүүхдүүдэд онцгой анхаарал хандуулан ажиллах боломжтой болсон гэнэ.

Түүнчлэн шинэ ажлын хэсэг дараа сараас эхлэн өөрсдөө тусламж хүсэх чадваргүй болон вакцинд хамрагдаагүй өргөмөл хүүхдүүдийн гэр бүлүүдийг шалгаж, цаашид тогтмол хяналт тавин ажиллаж эхлэх гэнэ. Өдгөө Солонгосын цагдаагийн хэлтэс бүрт дунджаар 2-3 цагдаа хүчирхийллээс сэргийлэх асуудалд анхааран ажилладаг бөгөөд энэ сараас эхлэн дээрх тоог нэмж, хүүхдийн хүчирхийллэс сэргийлэх боловсон хүчний сургалтыг сайжруулахаар болжээ.

Мөн улсын цагдаагийн коммисар Ким Чан Рён энэ сарын 20-нд “Хүүхдийн хүчирхийлэлтэй холбоотой бүх дуудлага, хэрэгт цагдаагийн удирдлагууд өөрсдөө онцгой анхаарал хандуулан, чанга хяналт тавьж ажиллахаар боллоо” хэмээн мэдэгджээ. Түүний мэдээлснээр 13-аас доош насны хүүхэд хүчирхийлэлд өртсөн талаар бүх мэдээллийг тусгай багийнхан шалгаж, нотлох баримт хангалтгүй байхаас үл хамааран хоёроос дээш гомдол ирсэн, эсвэл эмчийн дүгнэлт тухайн хүүхдэд тусламж хэрэгтэй хэмээн гарсан тохиолдолд хүүхдийг улсын хамгаалалтад шилжүүлэн шаардлагатай арга хэмжээнүүдийг хэрэгжүүлж байхаар болжээ. Түүнээс гадна эрүүл мэндийн салбараас ч бас тусгай мэргэжилтнүүдийн баг бүрдүүлж, засгийн газартай хамтран хүчирхийлэлд өртсөн хүүхдүүдийг оройтоогүй дээр нь илрүүлэхээр ажиллахаа мэдэгдсэн байна.

Ёнгин хотод хүүхдийн хүчирхийллийг анзаарах, мэдээлэх, сэргийлэх мэдлэг олгохоор 860 өдөр өнжүүлэх төвийн 7752 багш, ажилчдыг хамарсан сургалтыг дараа сарын 25-наас эхлүүлэхээр болжээ. Мөн цаашид тус сургалтыг улам олон хотуудад зохион байгуулахаар төлөлөж байгаа гэнэ.

ХАНГАЛТГҮЙ ШИЙТГЭЛ

Жон Ин охины хойд эцэг, эхийг баривчлан шалгаж, шүүх хурал үргэлжилж байгаа билээ. Аймшигт хэрэгт буруутай этгээдүүдэд хүнд ял оноохыг ард иргэд шаардаж байгаа юм. Гэвч Ян Мо, Ан Мо нар Жон Инийг удаа дараа зодож, хүчирхийлсэн хэргээ хүлээж, гэм буруутай нь тогтоогдсон ч хүн амины хэрэгт холбогдуулж, яллахад нотлох баримт дутмаг байгаа гэнэ. Мөн хэрэгтнүүд сэтгэцийн өөрчлөлттэй гэх шалтгаанаар ноогдох ялын хэмжээ хөнгөрч магадгүй болоод байгаа аж.

Эх сурвалж: BBC YONHAP KOREABOO SCMP DAILYNAVER TELEGRAPH

Энэ мэдээнд өгөх таны сэтгэгдэл?
140
ХарамсалтайХарамсалтай
121
БурууБуруу
17
ТэнэглэлТэнэглэл
13
ХахаХаха
8
ГайхмаарГайхмаар
5
ЗөвЗөв
5
ХөөрхөнХөөрхөн
Баярлалаа!

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-22 66.181.161.9

Aluuurchid viliiin vr chn ochin ewiiiiide nylx xvvvvxd ymr buruuutaim😰😱😓😪😪😪😪😪😭😭😭😭😡🤬🤬🤬

Avatar

Bell 2021-01-22 66.181.161.78

Ewii2 ter jaahan ohin yugaach medehgvi araatnuudad tamluulj zoduulj horwoog ohison baihad ene 2harigas araatanguud uhleech hangaltgvi bna 😭😭😭 vnheer emgeneltei

Avatar

Uka 2021-01-22 202.126.89.192

n**** ymdaa

Avatar

BB 2021-01-22 82.102.16.174

n**** MANAI MONGOLD CH ENEES CH DOR HOGIIN ZUIL GARAA BIZDEE. ORGOJ AWAAGUI TORSON ETSEG NI HOID EHTEI NI NIILEED HUUHDEE ALAA BIZDEE PIDNUUS HUN GEJ BJ BOLOH BUH HARAALIIG UURCH BAIMAAR USTAJ MOHWOL TAARAH MUU HORHOINUU

Avatar

Зочин 2021-01-22 192.82.67.51

Ymar muuhai hargis ym be unshhad hvrtel hetsvv oorin erhgvi nulims ursaj bn shde hertsgii gehed dendvv hertsgii hvmvvs ym osgoj chadahgvi bsin bol yh gj orgoj awdiin be ewii min daraa sain hvnii vr hvvhed bolj torood zondoon ih hairand osoj tom bolooroi um sain amgalan boltugai

Avatar

Х 2021-01-22 43.242.243.169

Зөндөө уйллаа, алуурчид шоронд зодуулж үхээсэй

Avatar

Зочин 2021-01-22 112.138.193.187

solongoschuud bs shijgiin humus yma aimar jujigchin yah gj huhed urchilj awsin zuger baisan huhdig tamlah gej uu !?? zawaan ulsuud yma burr durgui hurchihle

Avatar

Зочин 2021-01-22 192.82.67.126

ИХ-н эмэгтэй гишүүд бүгд огцор үе үеийн эмэгтэй гишүүд юу гийгүүлэв. Улам л дордуулсан даа ИХ-г маань

Avatar

Зочин 2021-01-22 66.181.161.73

Юу солиороод эмэгтэй гишүүд рүү орчиховоо мэдрэлтэх юмаа

Avatar

Зочин 2021-01-22 202.126.90.31

Хүрэлсүхийн засгийн газар хариуцлагаас зугтаж өөр том эрх ашгийг нуух зэрэг тун далд шалтгаанаар огцорсон шүү. Тэрнээс улс төрийн аймаар гоё соёл ёс суртахуунтайдаа ингээгүй. Сайд нар нь буцаад шинээр байгуулагдах засгийн газарт эргэн орж ажиллах болж байгаа нь тэгээд ёс суртахууны хариуцлагаа ухамсарласан явдал уу тэ. Үгүй л байхгүй юу. Энэ бол зүгээр л жүжиг. Монголчууд өөрсдөө жинхэнэ хариуцлага гээч зүйлийг нэхэж чаддаггүй болохоор биднээр ингэж хүссэнээрээ тоглож байгаа юм.

Avatar

9999 2021-01-22 43.242.243.62

Бузар булайгаар дуурсэн энэ хорвоо удахгуй соновол таарна. Зов сэтгэл зурхийг олж хунлэг болье гэвэл Есусийг дагах уед хуний сэтгэл огоомор оровч энэрэнгуй сэтгэлтэй болх боломжтой юм.

Avatar

Зочин 2021-01-22 66.181.161.121

Solongos ter chigeeree naad in esusd chini itgedeg yum

Avatar

Зочин 2021-01-22 64.119.26.202

kill…

Avatar

Зочин 2021-01-22 211.36.140.164

Buh nasaar ni yal ogoosei…manaih chbyalgaagui manaih bur tsochidoj serehchgu bga..manaih bol buur doloon dor..setgel ovdoj bna hoorhii ohin yaaj zovj tarchilsan boldo..nudend ni gunig todorood eviide

Avatar

Зочин 2021-01-22 203.91.115.52

Хүн төрлөхтөний шаар шавхруу үндэстэн!!!. Ийм мал адгуусанд цаазлах ял л өгөх хэрэгтэй!!!. Хүний хорвоод амьсгалах эрхгүй мал адгууснууд!!!.

Avatar

Мал 2021-01-22 59.153.115.46

Эргүү орк үхэр монгол Монголд ч ийм хэрэг өчнөөн гарсан Марисануу үхэрээ

Avatar

Зочин 2021-01-22 202.55.191.130

setgets zugeer esehiig shalgaj baij ugch bai udam sudriig ni sudlahad ch gemgui

Avatar

зочин 2021-01-22 103.229.122.36

нэршлийг зөв хэрэглэ. Хойд биш өргөсөн эцэг эх. Хүүхэд өргөж авсан эцэг эхүүдийг хойд гэдэггүй юм

Avatar

бйа 2021-01-22 103.11.195.34

Монголд хүүхдүүд зодуулж үхэж байхад ард түмэн төр засаг тоодог ч гүй . энэ улсаас сайныг нь суралцмаар байна. Хүн өнгөрхөөр худлаа гарч ирж хашгирдаг авгай хүүхнүүд бас больмоор. Урьдчилан сэргийлэх ажил сайн хийх ёстой. хүүхдийн байгууллага нь тоодоггүй эмч нар нь хүчирхийлүүлсэн хүүхэд очихоор тоодоггүй цагдаа нь тоодооггүй энэ бол манай улс

Avatar

МОНГОЛ ХҮН 2021-01-22 66.181.183.97

ОГЦРООЧ!! МАНАЙ УЛС ТӨРСӨН ЭМЭГТЭЙГ ХӨХӨӨ ӨВЛИЙН 9 ЭХЭЛСЭН ҮЕД ГАДАА НИМГЭН ХУВЦАСТАЙ АВЧ ГАРСАНЫ ТӨЛӨӨ ЗАСАГ МИНЬ ТЭР ЧИГЭЭРЭЭ ОГЦОРЧИХООД ИРГЭД БИД ХОЙРГҮЙ ХОНОЖ УЙЛЖ БАЙНА. ГАНЦХАН ЭНЭ ЗАСАГТАА ИТГЭЭД УРАМ ЗОРИГТОЙ АЖЛАА ХИЙЖ ИНЭЭД ДУУ ХАДААЖ БАЙСАН МИНТ ГАНЦХАН ХОРМЫН ТӨДИЙД АЛГА БОЛЛОО. ДЭЭР НЬ АВИЛГАЧИН ГАДНЫ ГАР ХӨЛ БОЛСОН ХҮНИЙ СЭГНҮҮДЭЭС БОЛЛОО___

Avatar

Зочин 2021-01-22 66.181.161.69

Ter chin hariutslagaas zugtaj bgaan, 1 jiremsen awgaigaas bolj ogtsorloo yu kkk hun uhcheed bhad yagaachgui baij

Avatar

Bim 2021-01-22 108.60.189.134

Iim hajun muuhai medeelel delgerengui bichih jereg bdgiim u

Avatar

Зочин 2021-01-22 203.91.115.55

Хэлээд юүхэв, уншихад хэцүү юм

Avatar

Зочин 2021-01-22 202.21.108.24

Мэдээг хүүрнэл зохиол шиг бичих юм. Хурдан гүйлгээд алгасаад дуусгав.

NewsMN Гар утасны хувилбар Татах
NEWS.mn

Мэдээллийн эх сурвалж