АН-ын дарга нэр бүхийн хүмүүс нэр дэвшихээ илэрхийлсний нэг нь Ц.Оюунгэрэл. Тэрбээр мөн Ерөнхийлөгчийн сунгаанд нам дотроо хүч үзэхээ шинэ оны эхэнд мэдэгдсэн билээ. Ерөнхийлөгчийн сонгуулийн тов тодроогүй байхад нэр дэвшихээ зарласан нь түүний мэдэгдэл улс төрийн хүрээнд нэлээд талцал, маргаан хардлага дагуулсан.

Тэгвэл С.Эрдэнэ намын даргын сунгаа явуулж шинэ даргаа тодруулна гэдгээ зарласан. Харин хэзээ намын даргын сунгаа явуулах нь тодорхойгүй байгаа юм. Ямар ч байсан С.Эрдэнэ, Ц.Оюунгэрэлтэй гар барьсан гэх мэдээлэл ч байна. Учир нь, АН-ынхан Ерөнхийлөгч Х.Баттулгатай ил цагаан дайн зарлахгүй байгаа ч Д.Ганбат, Ц.Туваан, Д.Нүрзэд, С.Адъяасүрэн нараас өөрөөр түүнтэй ойртож, дотносох хүмүүс улам цөөрөх болсон гэх. Өөрөөр хэлбэл, АН дотор Ерөнхийлөгчийг эсэргүүцэгчид улам нэмэгдэж байгаа аж. Тэгэхээр Ерөнхийлөгчийн сонгуульд АН-аас энэ удаад Х.Баттулга биш Ц.Оюунгэрэл нэр дэвших магадлал өндөр байна.

Б.БАТ