Жэк Ма гурван сарын дараа олны өмнө гарлаа | News.MN

Жэк Ма гурван сарын дараа олны өмнө гарлаа

Жэк Ма гурван сарын дараа олны өмнө гарлаа

Жэк Ма гурван сарын дараа олны өмнө гарлаа

Хятадын тэрбумтан, “Alibaba” группыг үүсгэн байгуулагч Жэк Ма гурван сарын турш сураг чимээгүй байгаад өнөөдөр /2021.01.20/ өглөө анх удаа олон нийтийн нүдэнд ил гарсан байна. Тэрбээр Хятадын хөдөө орон нутгийн шилдэг 100 багштай цахимаар уулзжээ.

“Tianmu News” цахим сайтын мэдээлснээр цахим уулзалтын үеэр Жэк Ма өөрийн нэрэмжит шагналд тэнцсэн сурган хүмүүжүүлэгчдийг цар тахлын дараа Хайнань арлын Санья хотод цуглуулж, шагналыг нь гардуулахаа мэдэгдсэн гэнэ. Түүний санаачилсан “Jack Ma Foundation” сан жил бүр орон нутгийн шилдэг багш нарыг шагнадаг уламжлалтай билээ.

Жэк Ма олны өмнө гарч ирсэн талаар мэдээ гарсны дараа “Alibaba” группын хувьцааны ханш Хонгконгийн бирж дээр 11 хувиар огцом өссөн байна.

Тэрбээр хамгийн сүүлд өнгөрсөн аравдугаар сард сард улсынхаа удирдагч нар болон улсын банкуудыг хүчтэй шүүмжилж, Хятадын эрх баригчид ч түүний үгэнд ихэд эгдүүцэн, бизнесийг нь хааж боож эхэлсэн юм. Үүнээс хойш бараг хоёр сар гаруй олны өмнө гарч ирэлгүй, сураг тасраад байв. Жэк Ма өнгөрсөн оны арванхоёрдугаар сард телевизийн “Apprentice” шоутай төстэй “Africa’s Business heroes” нэвтрүүлгийн эцсийн шатны шалгаруулалтыг шүүх ёстой байсан ч мөн  шалтгаангүйгээр ирээгүй юм.

Хятадад эрх баригч Коммунист намтай тэрсэлдсэн хэн боловч хатуу шийтгүүлдэг жишээ олон байдаг бөгөөд олон нийт Жэк Ма ч мөн тэдгээр хүмүүсийн нэг болж байна гэж таамаглаж байв.

Эх сурвалж: SCMP

 

Энэ мэдээнд өгөх таны сэтгэгдэл?
11
ХарамсалтайХарамсалтай
5
ЗөвЗөв
5
ТэнэглэлТэнэглэл
2
ХахаХаха
2
ГайхмаарГайхмаар
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-20 202.131.225.197

ene hyatad garch irne uu dald orno uu hend hamaatai tsaanaas gargaj irsen utsan huuheldein neg

Avatar

Зочин 2021-01-20 192.82.71.247

Мөн биш нь чухал биш ээ. Матарын зулзага шиг гөлийгөөд алан хядагчдын өмнө сөгдөөд алуулах гэж байгаа золионы хүн шиг харагдаад байх юм

Avatar

Зочин 2021-01-20 64.119.24.212

ишш зайлуул…. сүр сүлд нь бүр зайлчихаж. нүднийх нь гал таг унтарчихаж. яг л ховорхон ч гэсэн мэр сэр нетээр үзэгдээд байдаг хойд солонгосын хоригдолын дүр төрхтэй болж. их зодуулж, бас сэтгэл зүйн дарамт зандалчлал үзэж туулсан байх. амьхандаа яс заах гэж үзээд цаадуул нь бүр ширүүлээд, эцэст нь бууж өгч, амь гуйж коммунист намын гөлөг байя гэсэн амлалт өгөөд салсан байх, хөөрхий. тэгээд сэтгэл санааны бие махбодын шаналал шархаа эдгээж тайвширч хэвэндээ орох гэж оролдож байх шиг.Амьдардаа

Avatar

Doesn't matter 2021-01-20 202.126.88.236

South China Morning Post is not a reliable source.

Avatar

Зочин 2021-01-20 202.9.46.240

энэ жинхэнэ нь биш байна, дуураймал нь байна,

Avatar

зочин 2021-01-20 66.181.178.62

нүд нь дэлгэц гүйлгэж уншаад байхыг бодоход биш л байна даа.

Avatar

/*-*/ 2021-01-20 49.0.142.40

Энэ дуураймал нь байна, учир гь жинхэнэ ЖэкМа өөрөө асар их царай муутай, ямарсайндаа "Янгцы мөрний матар"
гэдэг хочтой байхав дээ

Avatar

Зочин 2021-01-20 66.181.177.35

Дуурамал нь

NewsMN Гар утасны хувилбар Татах
NEWS.mn

Мэдээллийн эх сурвалж