ШЕЗ-ийн дарга Н.Лүндэндорж Увс аймаг дахь шүүхүүдэд ажиллав | News.MN - Мэдээллийн эх сурвалж

ШЕЗ-ийн дарга Н.Лүндэндорж Увс аймаг дахь шүүхүүдэд ажиллав

Хуучирсан мэдээ: 2016.03.29-нд нийтлэгдсэн

ШЕЗ-ийн дарга Н.Лүндэндорж Увс аймаг дахь шүүхүүдэд ажиллав

Шүүхийн ерөнхий зөвлөлийн дарга, доктор, профессор Н.Лүндэндорж, Гүйцэтгэх нарийн бичгийн дарга, доктор Т.Мэндсайхан нарын томилолтын ажлын хэсэг 2016 оны 3 дугаар сарын 21-ний өдөр Увс аймаг дахь шүүхүүдэд ажиллаж, Монгол улсад өрнөөд 3 жил болж буй шүүхийн шинэтгэл болон түүний үйл явц, бодит үр дүнгийн талаар иргэдтэй уулзалт хийлээ. Тус аймгийн шүүхийн байранд Баян-Өлгий, Увс, Ховд аймгийн эрүүгийн хэргийн давж заалдах шатны шүүх, Баян-Өлгий, Увс, Ховд аймгийн иргэний хэргийн давж заалдах шатны шүүх, Увс аймаг дахь Захиргааны хэргийн анхан шатны шүүх, Увс аймаг дахь Сум дундын эрүүгийн хэргийн анхан шатны шүүх, Увс аймаг дахь Сум дундын иргэний хэргийн анхан шатны шүүх, Увс аймаг дахь Шүүхийн тамгын газар, 6 дугаар тойргийн Тахарын албаны Увс аймаг дахь хэсэг тус тус үйл ажиллагаа явуулж байна.

Ажлын хэсгийг Шүүхийн тамгын газрын дарга Л.Баттулга, Увс аймаг дахь эрүүгийн хэргийн анхан шатны шүүхийн Ерөнхий шүүгч Л.Алтан, Увс аймаг дахь Захиргааны хэргийн анхан шатны шүүхийн Ерөнхий шүүгч Т.Оюунгэрэл болон шүүгч, ажилтнууд угтан авснаар 2015 оны шүүн таслах ажлын мэдээ болон Шүүхийн тамгын газрын хийж хэрэгжүүлсэн ажлуудыг товч танилцуулав.

Тамгын газрын дарга Л.Баттулга " Увс аймаг дахь анхан шатны эрүү, иргэн, захиргааны хэргийн шүүхүүд аймгийнхаа 19 сум, 92 баг, 500 гаруй аж ахуйн нэгж байгууллага, 75737 иргэнд шүүх эрх мэдлийн үйлчилгээг хэрэгжүүлэн ажиллаж байна. Сум дундын эрүүгийн хэргийн анхан шатны шүүх нь 2015 онд 136 эрүүгийн хэрэг шийдвэрлаж, 2014 онтой харьцуулахад 16.9 хувиар өссөн үзүүлэлттэй байгаа бол Захиргааны хэргийн анхан шатны шүүх 2015 онд 26 захиргааны хэрэг шийдвэрлэж, өмнөх онтой харьцуулахад 27.7 хувиар буурсан үзүүлэлттэй байна. Увс аймгийн Сум дундын иргэний хэргийн анхан шатны шүүх 2015 онд 642 хэрэг шийдвэрлэсэн нь өмнөхөөс 21.2 хувиар буурсан үзүүлэлттэй байна. Энэ нь эвлэрүүлэн зуучлалын үр дүнтэй холбоотой бөгөөд иргэдийн хандах хандлага өссөнтэй холбоотой.Увс аймаг дахь анхан шатны шүүх төрийн санд 61 сая 722 мянган төгрөг төвлөрүүлсэн. Хүний нөөцийн хувьд Увс аймаг дахь Сум дундын эрүүгийн хэргийн анхан шатны шүүх 1, Сум дундын иргэний хэргийн анхан шатны шүүх 3, Увс аймаг дахь Захиргааны анхан шатны шүүх 3, нийт 7 шүүгч, Тамгын газрын 25 орон тоотойгоор үйл ажиллагаа явуулж байна” хэмээн танилцуулгадаа дурьдаад шүүгч, ажилтнуудын ажиллах орчин нөхцөл, шүүхийн байрыг танилцууллаа.

Үүний дараа Шүүхийн ерөнхий зөвлөлийн дарга Н.Лүндэндорж шүүгч, ажилтнуудтай "Миний бие анх удаа Увс аймагт ирж байна. Улаанбаатар, орон нутгийн шүүхээр явж ажиллахад байр, дэд бүтцийн маш хүнд нөхцөлд ажиллаж байна. Тэдгээртэй харьцуулахад танай шүүх байх ёстой хэвийн стандарттай харагдлаа. Бүгд шижигнэсэн залуус, ихэнх нь миний шавь нар байна. Энэ том эрх мэдлийн ажлыг ийм л залуус хийх ёстой. Монгол Улсын Ерөнхийлөгч намайг энэхүү албаа анх авахад Монголынхоо бүх шүүхээр явж ажиллахыг захисан ёсоор энэхүү томилолт маань дуусах шатандаа орж байна. Манай шүүгчид ямар харцтай, ажилтнууд нь ямар зорилготой ажиллаж байгаа нь бидэнд их тодорхой боллоо. Энэ удаад бид зөвхөн 2015 оны ажлын тайлан гэж явцууралгүйгээр Шүүхийн ерөнхий зөвлөлийн 3 жилийн ажлыг нэгтгэн дүгнэхээр ирлээ. Анхны мэдүүлэг хамгийн үнэн байдаг гэдэгчлэн танай шүүхэд ирсэн миний анхны сэтгэгдэл өндөр байна. Би аймаг бүрт иргэдтэй уулзаж явж байгаа. Жирийн иргэд боловсролоос илүү шүүхийг, шүүхэд ямар өөрчлөлт өрнөж байгааг мэдэх ёстой. Говь-Алтай аймагт иргэд намын харьяаллаас үүдэлтэй ажлаас халагдах үзэгдэл их болсноос шүүхийн шударга шийдвэрийг хэрэгжүүлэхгүй байгаа шийдвэр гүйцэтгэх байгууллагаа хамтад нь шинэтгэ гэж хүсэлт тавьж байна. Би одоо та бүхэнд баллах гэсэн ч балрахгүй, балтаар цохисон ч арилахгүй шинэтгэлийн үр дүнг танилцуулья” гэж мэндчилээд шүүхий эрх зүй, хэзээ ч шүүгчдийн амь нас, эрүүл мэндийг даатгаж байгаагүйгээс эхлээд нөлөөллийн мэдүүлэг шүүгчийн хараат бус байдлын баталгаа, эвлэрүүлэн зуучлал, шүүхийн эдийн засаг, дэд бүтэц, шүүхэд итгэх итгэл зэрэг үр дүнгүүдийг тайлбарлан ярилаа.

Шүүхийн ерөнхий зөвлөлийн дарга Н.Лүндэндорж Монгол Улсын Их сургуульд 20 гаруй жил багшилсан, төрийн онолын профессор, үгийг хүнд хүргэх илтгэх урлагийн мастер, эрдэмтэн хүн. Түүний Шүүхийн захиргааны бие даасан байгууллагыг удирдсан 3 жилд шүүх эрх мэдэлд гарсан бас нэгэн том ололт бол шүүгчдийн мэдлэг оюунд чиглэсэн хөрөнгө оруулалт гэдгийг явсан газар бүрт шүүгчид талархалтайгаар онцолж байв. Шүүгч Т.Оюунгэрэл, Л.Алтан,У.Бадамсүрэн, шүүгч Н.Гэрэлтуяа, Тамгын газрын дарга Л.Баттулга нар шүүхийн шинэтгэлийн үр дүнгийн талаарх талархлаа илэрхийлж, Шүүхийн ерөнхий зөвлөлийн даргад амжилт хүссэнээр шүүгч ажилтнуудтай хийсэн уулзалт өндөрлөв. Шүүхийн байран дахь уулзалт 3 цаг үргэлжилж, шүүгчид, ажилтнууд аймгийн хуулийн байгууллагын төлөөлөлд "Хууль тайлбарлах онол, арга зүй” лекц зааснаар Н.Лүндэндорж профессорын томилолт Увс аймагт үргэлжлэв.

Томилолтын хугацаанд Шүүхийн ерөнхий зөвлөлийн дарга шүүгч ажилтнуудтай 3 цаг, лекц 1 цаг 30 минут, иргэдийн уулзалт 3 цаг, орон нутгийн телевиз, хэвлэл мэдээллийн байгууллагуудад ярилцлага өгч, өндөр ачаалалтай урт замыг туулж ажиллалаа. Өмнө нь Монголыг тойрон шүүхээр ажиллаж, иргэдтэй уулзалт хийж, санаа бодлыг нь сонсч байсан хүн нэгээхэн ч үгүй. Уулзсан иргэд, саатсан газар бүрт баргийн хүний тархинд амархан буухгүй шүүх гэх "их айл”-д гарч буй өөрчлөлт шинэчлэлтийг хамгийн ойлгомжтой, хүртээмжтэй ярьж таниулж, харилцан санал солилцож яваа нь шүүхийн шинэтгэлийн автор, төр нийгмийн зүтгэлтний царааг нь эрхгүй илтгэж байлаа. Шүүхийн ерөнхий зөвлөлийн дарга Н.Лүндэндоржийн Увс аймгийн иргэдтэй хийсэн уулзалтын мэдээллийг үргэлжлүүлэн хүргэх болно.

ЭХ СУРВАЛЖ: ШҮҮХИЙН ЕРӨНХИЙ ЗӨВЛӨЛ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

зочин 2016-03-29 220.253.221.64

и урлагийн мастер, шинэтгэлийн автор гэнэ үү Шүүх шударга болно гэж үү дээ

Зочин 2016-03-29 182.160.32.170

She tegeed Hun dairch alsan shtee.zugeer ajilaa ogmoor yum ichixed yanaa

Зочин 2016-03-29 220.253.221.64

шинэтгэлтийн автор, урлогийн мастер гэн э үү

итгэхгүй 2016-03-29 103.26.193.133

жирэмсэн эмэгтэйг гарцаар зам хөндлөн гарч явахад нь согтуугаар машин барьж яваад дайр алсан гэж УИХ дээр яригдаж байсан хүн өөрөө эхлээд шударга шүүхээрээ шүүлгээчээ дараа нь үнэхээр шударга эсэхэд итгэнээ

Зочин 2016-03-29 202.9.41.130

Sogtuu baagii huulia meddeg boluu uuvdmuur amitan

Зочин 2016-03-29 202.179.31.242

Dahiad bitgii sogtooroi Taniig ertiid ireed yavahad mash ikh aisan shuu Doloolgonoo baga doloogooroi

Зочин 2016-03-29 103.229.123.134

Bi Nyamdorj gishuund bayarladag. Bi ch bish ard tumen ch bas. Ikh xural deer hun aminii gemt xergiig ni shuudxan ilchilsen. Minii oilgosnoor Ene nohor avarga deed surguuliin negen oyutan oxiniig zam xondlon garch yavahad ni zasgiin jeep mashinaar dairch alsan. Oxind amid garax bololtsoo ch baixgui baisan. Mashinaar hun dairch ***** yeddee bur shal sogtuu, neree ch helj chadxgui mal boltloo uusan baisan. Nyamkagiin heldgeer 2,7 buheltei sogtuu baisan. Getel xereg ni shuud xaagdsan. Tuxain yed zamaar garch yavsan oxin buruutai. Ene nohor mon doloognii xand l uusan baisan geed xaachihsan. Iim yum gej baij bolox uu? Uuniig shalgaj ogooch, Eruugiin tsagdaa naraa. Xereg xuuchirdaggui yum shuu, lundeen. Chi hunii ami eguutgeed sandaltaigaa zuuraldaad yavj bai. Mongoliin ard tumen xuchtei.

Зочин 2016-03-29 182.160.39.216

увсад согтуугаар дахин хүн дайрч ***** вий дээ.

Зочин 2016-03-29 202.179.31.107

Хүн алсан ***** гэж Нямдорж их хурал дээр хэлснийг санаж бна Энэ хүн тэгээд шүүхийг шударга болгох юм гэнэ Ийм байхад иргэд шүүхэд итгэх үү Нөгөө шүүгчийн ёс зүй энэ тэр хаа явна ерөннийлөгчөө