Завхан аймгийн Дөрвөлжин сумын Тавантолгой багийн “Ловон” гэдэг газар /аймгийн төвөөс баруун зүгт 150 км, сумын төвөөс баруун зүгт 90 км-т/ нэгдүгээр сарын 15-ны өдрийн 13:00 цагт нэг иргэн гэрээсээ явган гараад сураггүй болсон тухай дуудлагыг нэгдүгээр сарын 16-ны өдрийн 21:20 цагт хүлээн авсан.

Тус сум дахь Цагдаагийн хэсгийн төлөөлөгчөөр ахлуулсан иргэд тус сумын харьяат иргэн Т/54 настай, эмэгтэй/ нь хүүхэдтэйгээ муудалцсны улмаас гэрээсээ гараад сураггүй болсон тул эрэн хайх ажиллагааг зохион байгуулж 23:40 цагт Буурал багийн “Бор-Үзүүр” гэдэг газар (гэрээс нь зүүн зүгт 40 км)-аас иргэн Ү-ийн гэрээс эсэн мэнд олсон.

ОНЦГОЙ БАЙДЛЫН ЕРӨНХИЙ ГАЗАР