Эрүүл мэндийн яамнаас өнөөдөр /2021.1.17/ Covid-19-т халдварын талаарх цаг үеийн мэдээллээ хийлээ.

ХӨСҮТ-ИЙН ТОМУУГИЙН НЭГЖИЙН ДАРГА А.БУРМАА:

-Сүүлийн 24 цагт таван тохиолдол шинээр бүртгэгдэж, 38 хүн эдгэрлээ.  Улсын нийт халдварын тоо 1517 болсноос 947 нь эдгэрээд байна. Өчигдөр /2020.1.16/ нийт 15 300 хүнд шинжилгээ хийснээс таван хүнд вирус илэрсэн. Тодруулбал, батлагдсан тохиолдлын ойрын хавьтал дөрвөн хүнд илэрсэн. Мөн Улсын нэгдүгээр төв эмнэлэг /УНТЭ/-т нэгдүгээр сарын 16-ны шөнө ирж хэвтсэн нэг хүний шинжилгээнд Covid-19 илэрсэн. Энэ хүний биеийн байдал нь хүнд байна. УНТЭ тус өвчтөнийг тусгаарлан авч шинжилгээ хийсэн бөгөөд тандалт судалгаа үргэлжилж байна.