Дэлхий даяар тархаж, олон сая хүний эрүүл мэндийг хохироож буй Covid-19 цар тахал америкчуудын дундаж наслалтыг 1.13 жилээр богиносгосон байна.

Өдгөө АНУ-д нийт 388 мянга гаруй хүн цар тахлын улмаас амьсгал хураасан бөгөөд өмнөд Калифорнийн их сургуулийн эрдэмтдийн судалснаар америкчуудын дундаж наслалт өмнө нь 78.61 байснаас өдгөө 77.48 болон буурчээ. Энэ нь АНУ-ын хувьд сүүлийн 40 жилд байгаагүй нэг жилийн доторх хамгийн том зөрүү юм.

Мөн судлаачдын олж мэдсэнээр Африк болон Латин гаралтай америкчууд бусдаас илүү ихээр хохирсон аж. Тухайлбал,  Африк гаралтай америкчуудын дундаж наслалт 2.1 жилээр багасч, 72.78 болсон бол Латин гаралтай америкчуудын дундаж наслалт 3.05 жилээр богиносч 78.77 болжээ.

Үүнээс үзэхэд цагаан арьст болон хар арьст америкчуудын дундаж наслалтын зөрүү өнгөрсөн жил 40 хувиар нэмэгдсэн байсан аж. Өөрөөр хэлбэл, өмнө нь хар арьст америкчуудын дундаж наслалт цагаан арьстнуудынхаас 3.6 жилээр цөөн байсан бол өдгөө 5 жил болжээ.

Ийнхүү Африк гаралтай америкчуудын дундаж наслалт цагаан арьстнуудынхаас эрс бага байгааг эрдэмтэд 2006 онд анзаарч, зөрүүг арилгахын төлөө хичээл зүтгэл гарган ажилласаар, үр дүнд хүрсэн ч цар тахал насжилтыг богиносгоод байна.

Эх сурвалж: UNILAD