Covid-19 туссан хүмүүст багадаа 5 сарын дархлаа тогтож байна | News.MN

Covid-19 туссан хүмүүст багадаа 5 сарын дархлаа тогтож байна

COVID-19

Covid-19 туссан хүмүүст багадаа 5 сарын дархлаа тогтож байна

Covid-19 туссан хүмүүст багадаа 5 сарын дархлаа тогтож байна

Их Британийн эрүүл мэндийн яамны судлаачдын тогтоосноор covid-19 аваад эдгэрсэн хүнд доод тал нь таван сар дархлаа тогтдог байж магадгүй аж. Эдгэрсэн хүмүүсийн дахин халдвар авах магадлал өмнө өвдөж байгаагүй хүмүүсийнхээс 83 хувиар бага байгаа аж.

Судалгааны баг 2020 оны зургадугаар сараас арваннэгдүгээр сарын хооронд Британи даяар ажиллаж буй 21000 орчим эмнэлгийн ажилтны эрүүл мэндийн байдлыг ажиглажээ. Уг судалгаанд халдвар аваад эдгэрсэн 6614 ажилтан оролцсон бөгөөд дээрх хугацаанд 44 хүн л дахин халдвар авсан байна. Харин огт халдвар авч байгаагүй хүмүүсийн дотроос 318 халдварын тохиолдол шинээр илэрчээ.

Гэхдээ халдвар аваад эдгэрсэн хүмүүсийн хувьд дахин халдвар авч, бусдад халдвар тараах эрсдэл хэвээр байгаа учир хамгааллын дэглэмээ сайтар сахих нь чухал гэдгийг судлаачид онцлов.

Эрдэмтэд халдвар авсан хүмүүст хэр удаан хугацаанд дархлаа тогтож байгааг гүйцэд олж тогтоохын тулд доод тал нь 12 сар хүмүүсийг ажиглах шаардлагатайг мэдэгджээ. Мөн цаашлаад Их Британиас гаралтай covid-19-ийн хувьссан хэлбэрээр өвчилсөн хүмүүст хэрхэн дархлаа тогтохыг ч судлах юм байна.

Эх сурвалж: CNN

Энэ мэдээнд өгөх таны сэтгэгдэл?
3
ТэнэглэлТэнэглэл
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж