Хөвсгөлд 1245 удаагийн газар хөдлөлт бүртгэгджээ | News.MN

Хөвсгөлд 1245 удаагийн газар хөдлөлт бүртгэгджээ

Хөвсгөлд 1245 удаагийн газар хөдлөлт бүртгэгджээ

Хөвсгөлд 1245 удаагийн газар хөдлөлт бүртгэгджээ

Одон орон геофизикийн хүрээлэнгийн Хатгал дахь салбарын эрхлэгч Ц.Даваадалайгийн мэдээлснээр, Хөвсгөл аймагт энэ сарын 14-ны өглөөний 06.00 цагийн байдлаар 1245 удаагийн газар хөдлөлт бүртгэгдсэнээс 3,5 магнитудаас дээш нийт 89 газар хөдлөлт иргэдэд мэдрэгджээ. Өчигдөр (2021.01.14) өглөөний 09.02 цагт 3,6 магнитуд, 15.38 цагт 3,9 магнитудын газар хөдөлсөн байна.

Өнөөдрийн байдлаар Хөвсгөл аймгийн Засаг даргын захирамжаар тус аймгийн Онцгой байдлын газрын Гамшгаас хамгаалах улсын хяналтын ахлах байцаагч Л.Бямбасүрэнгээр ахлуулсан Гамшгийн эрсдэлийг бууруулах зөвлөлийн ажлын баг Ханх суманд үргэлжлүүлэн ажиллаж байгаа ажээ. Тус ажлын баг Ханх сумын иргэд, байгууллага, аж ахуйн нэгжид газар хөдлөлтийн улмаас учирсан хохирлыг тогтоох, гамшгийн хохирол, хэрэгцээний үнэлгээ хийх юм байна.

Ажлын багт Хөвсгөл аймгийн ИТХ-ын дарга Г.Мөнгөнхуяг, Мэргэжлийн хяналтын газар, Онцгой байдлын газар, Газрын харилцаа барилга, хот байгуулалтын газрын мэргэжилтэн, байцаагч нар багтжээ. Иргэдээс тус багт Ханх сумын Хороо багийн Ходон гэдэг газарт газар хөдлөлтийн улмаас айлын байшингийн  доороос ус гарсан гэсэн мэдээлэл ирсний дагуу газар дээр нь очиж танилцсан байна.

Дашрамд дурдахад, Хөвсгөл аймгийн Ханх сумын төвөөс баруун өмнө зүгт 26 км-т төвтэй, 6.5 магнитудын хүчтэй газар хөдөлсний улмаас Хөвсгөл далайн мөсний хар, цагаан хилд хөдөлгөөн орж, өөрчлөгджээ.

Иргэд ихээр зорчдог Ханхын замын чиглэлд Хадан хүй орчимд хар, цагаан хил гарсан байна. Цагаан хил гэдэг нь мөс хагарч хоорондоо мөргөлдөн овоорч, барааны газраас мөсөн уул мэт харагддаг бол хар хил гэдэг нь хагарсан мөс хоёр тийш ангайн завсар гарч, дундуур нь ус мэлтэлзэхийг хэлдэг аж.

Хар хилийн хэмжээ бүр өөр өөр байдаг бөгөөд гарсан хилийн нэг нь 1 метр хүртэл өргөнтэй байгаа учраас иргэдийг Хөвсгөл нуурын мөсөн дээгүүр бус, баталгаат зам гүүрээр зорчихыг тус аймгийн Мэргэжлийн хяналтын газраас анхааруулжээ.

Б.ЖАРГАЛ

Энэ мэдээнд өгөх таны сэтгэгдэл?
2
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-15 185.220.101.203

— Шилдэг эротик клубт тавтай морилно уу — https://tinyurl.com/y9mh59ld

Avatar

ЗОЧИН 2021-01-15 64.119.25.168

АЦ МИНЬ НААД ЗУРГАА СОЛЬ

Avatar

Иргэн 2021-01-15 150.129.143.33

Оруулсан зураг чинь арай ч дээ. Хөгийн өөдгүй, хар энергитэй сайт байна. Амны бэлгээс ашдын бэлэг гэдэг монгол сайхан үг байдаг даа. Байгалийн гамшигийг сөрж дийлсэн улс байдаг билүү.

Avatar

Зочин 2021-01-15 192.82.75.241

Тасрахгүй хуримтлагдсан энергийг чөлөөлж өгөх гээд бага чичиргээ 1 сар орчим үргэлжилнэ.

NewsMN Гар утасны хувилбар Татах
NEWS.mn

Мэдээллийн эх сурвалж