“Зангараг” олон улсын наадамд өрсөлдөж байна | News.MN - Мэдээллийн эх сурвалж

“Зангараг” олон улсын наадамд өрсөлдөж байна

Хуучирсан мэдээ: 2016.03.28-нд нийтлэгдсэн

“Зангараг” олон улсын наадамд өрсөлдөж байна

Адал явдалт, тулаант шилдэг кино шалгаруулдаг “Детектив фест” олон улсын наадмыг энэ жил ОХУ-ын Москва хотод зохион байгуулах аж. 

18 дахь удаагаа зохион байгуулж буй уг наадамд анх удаа монгол кино өрсөлдөхөөр шалгарчээ. “Скай пирамид” продакшн, зохиолч, найруулагч А.Батбаатарын бүтээл “Зангараг” адал явдалт, уянгын кино 2015 онд үзэгчдийн хүртээл болсон билээ. Үзэн ядалт, өш хонзонд автахаараа хүн хамгийн эрхэм чанараа гээж мөхөл рүүгээ ойртож байгаагаа хэзээ ч ухаардаггүйг өгүүлэх эл кино тус наадмын хоёр номинацад өрсөлдөж буй гэнэ. Наадмын эхний шалгаруулалтад дэлхийн 57 орны 442 дэлгэцийн бүтээл ирүүлснээс 35 нь дараагийн шатанд шалгарч, оны шилдэг киноны төлөө өрсөлдөх юм. Мөн адал явдалт, тулаант киноны шилдэг эрэгтэй дүрийн жүжигчин шалгаруулах номинацад “Зангараг” кинонд Цэнгэлийн дүрийг бүтээсэн жүжигчин Б.Батбаатар нэр дэвших болзол хангажээ. Түүнтэй есөн орны уран бүтээл өрсөлдөх юм.  Сонирхуулахад, Б.Батбаатар нь “Үндэсний баялаг”, “Зүрхэнд дуссан нулимс” зэрэг бүтээлүүдэд тоглосон бөгөөд одоо ИЗИС-ийн Театр, урлагийн сургуульд багшилдаг аж.

Л.ХАЛИУ

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-28 122.201.31.250

"Зангарага" байлгүй дээ