200 жилийн түүхтэй сархинаг тоонотой бичгийн гэр | News.MN

200 жилийн түүхтэй сархинаг тоонотой бичгийн гэр

200 жилийн түүхтэй сархинаг тоонотой бичгийн гэр

200 жилийн түүхтэй сархинаг тоонотой бичгийн гэр

Уг гэр нь XIX зууны дунд үед Дарьганга нутагт амьдарч байсан Аагаа Лхарамба буюу Нацагдорж хэмээх ном судар орчуулдаг, бурхан зурдаг хүний бичгийн гэр ажээ. Гэрээ төрсөн дүү Дамбийбалжир хэмээх лам хүнд өвлүүлсэн боловч тэрээр шилийн сайн эрийн замаар орж уул хадаар орогнох болсон тул гэрийг байшинтын хийдийн амбаарт хадгалж байгаад, сүүлд хамаатан болох уран дархан Дугарсүрэнд шилжиж, дархны зориулалтаар ашиглаж байжээ.

Тэртээ 1940-өөд онд Өвөрмонголын Бандид гэгээний хийдэд шавилан сууж байсан хувилгаан гэлэг гүүш Дарьганга нутагт амьдрахаар цагаачилж ирсэн тэр үед Дугарсүрэн уг гэрээ түүнд өргөсөн ажээ. Ийнхүү 1960-д оны сүүл хүртэл Гэлэг гүүш амьдарч байсан түүхтэй гэр юм.

Бичгийн гэр нь хэлхээ тоонотой, дөрвөн ханатай, хойморын гэгээвчтэй хийгдсэн номын хүн бүтээлээ хийхэд зориулагдсан авсаархан бага орон зайтай юм. Дөрвөн тойруулга ширдэг, хойморын шүүгээтэй бөгөөд хойморт нь бурханы авдар, тахилын ширээ, шургуулга байхаас гадна номын болон цайны ширээтэй ажээ. Мөн бурхан тахилын хонх, очир болон бийр янтай, бичиг номын хэрэгслүүд дагалдан иржээ.

Энэ гэр нь XIX зууны дунд үед хийгдсэн бөгөөд 200 шахам жил эдлэгдсэн хэдий ч харьцангуй сайн хадгалагдсан байна. Гэвч он цагийн элэгдэлд орсныг хэрэглэх явцад сэргээн сайжруулж засаж сэлбэж өнөөг хүрчээ. Бичгийн гэр нь доторх хэрэглэлтэйгээ нэгэн иж болох бөгөөд тус музейд үзмэрийн зориулалтаар ашиглахад тохиромжтой, нэн ховордсон соёлын бүтээгдэхүүн гэж үзээд үзмэр баяжуулах ажлын хүрээнд 2017 оны 12-р сарын 15-ны өдрийн А/367 тушаалаар худалдан авчээ.

Л.Жаргал

Монголын Үндэсний музейн

Сан хөмрөгийн албаны дарга

 

 

 

 

Энэ мэдээнд өгөх таны сэтгэгдэл?
11
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2021-01-12 202.179.26.214

Сархинаг тооно гэж одоо л сонсож байна. Ийм тооныг хэлдэг байхнээ. Уньны толгой нь энэ саргар моднуудын завсраар орох юм байхдаа.

Avatar

Зочин 2021-01-12 103.10.22.98

сархинаг тоононд унь нь холбоотой байдаг?

Avatar

Зочин 2021-01-12 103.26.194.254

Монголчууд ийм тооныг сархинаг тооно гэдэг дээ

Avatar

Монгол 2021-01-12 192.82.73.12

Тус музей гэж хаана байдаг ямар музей юм бол оо? энэ тухай тодорхой мэдээлэл өгнө үү. Энэ гэрийг очиж үзэхийг хүсч байна…

NewsMN Гар утасны хувилбар Татах
NEWS.mn

Мэдээллийн эх сурвалж