НЭМЭЛТ:

Дохагийн дэлхийн мастерсийн эрэгтэй -73 кг, -81 кг, эмэгтэй -63 кг, -70 кг-ын жингийн гуравдугаар тойргийн барилдаанууд явагдаж байна.

-81 кг-ын жинд Сайед Моллай гуравдугаар тойрогтоо Австрийн Шамил Борчашвилитай учраа тааран барилдаж, иппон үнэлгээгээр ялагдан тэмцээнээ өндөрлүүллээ. Ийнхүү Монголчуудын хувьд Дохагийн дэлхийн мастерсийн хоёр дахь өдөр дууслаа.

НЭМЭЛТ: 

Дохагийн дэлхийн мастерсийн эрэгтэй -73 кг, -81 кг, эмэгтэй -63 кг, -70 кг-ын жингийн гуравдугаар тойргийн барилдаанууд болж байна.

-73 кг-ын жинд зодоглож буй Ц.Цогтбаатар хоёрдугаар тойрогт Узбекстаны Хикматиллох Тураевтай учраа тааран барилдсан ч ялагдал хүлээн тэмцээнээ өндөрлүүллээ. Хэрэв Ц.Цогтбаатар ялсан бол D хэсгийн аваргын төлөө Өмнөд Солонгосын Ан Чанримтай барилдах байсан юм. Одоо удахгүй Сайед Моллай Австрийн Шамил Борчашвилитай барилдах болно.

Доха мастерс: О.Ууганбаатар тэмцээнээ өндөрлүүллээ

НЭМЭЛТ: 

Дохагийн дэлхийн мастерсийн эрэгтэй -70 кг, -81 кг, эмэгтэй -63 кг, -70 кг-ын жингийн гуравдугаар тойргийн барилдаанууд болж байна.

-81 кг-ын жинд О.Ууганбаатар гуравдугаар тойрогтоо Узбекстаны Шарофиддин Болтабоевтой тааран барилдаж, торгуулиар ялагдан тэмцээнээ өндөрлүүллээ. Ийнхүү Ц.Цогтбаатар, Сайед Моллай гэсэн Монгол бөхчүүд үлдлээ.

Сайед Моллай давж, Г.Одбаяр тэмцээнээ өндөрлүүллээ

НЭМЭЛТ: 

Дохагийн дэлхийн мастерсийн эрэгтэй -70 кг, -81 кг, эмэгтэй -63 кг, -70 кг-ын жингийн барилдаанууд эхэллээ. Энэхүү тэмцээний -73 кг-ын жинд барилдаж буй Г.Одбаяр хоёрдугаар тойрогтоо дэлхийн аварга Японы Соичи Хашимототой учраа таарч харамсалтайгаар ялагдаж, тэмцээнээ өндөрлүүллээ.

-81 кг-ын жинд Сайед Моллай хоёрдугаар тойрогтоо Гүржийн Лука Маисурдзетэй тааран барилдаж, ялалт байгууллаа. Тэрбээр дараагийн шатандаа Египетийн Абделрахман Мохамед болон Австрийн Шамил Борчашвили нарын ялсантай нь барилдана.

Б.Ганхайч тэмцээнээ өндөрлүүлж, Ц.Цогтбаатар яллаа

НЭМЭЛТ: 

Дохагийн дэлхийн мастерсийн эрэгтэй -70 кг, -81 кг, эмэгтэй -63 кг, -70 кг-ын жингийн барилдаанууд эхэллээ. Гэвч -63 кг-ын жинд зодоглосон Б.Ганхайч эхний тойрогтоо Дариа Давидоватай тааран барилдсан ч ялагдал хүлээн тэмцээнээ өндөрлүүллээ.

Харин -81 кг-ын жинд зодоглож буй О.Ууганбаатар хоёрдугаар тойрогтоо Канадын Антойн Валус-Фортьег ялж, дараагийн шатанд шалгарлаа. Түүний ээлжит өрсөлдөгч Казакстаны Дидар Хамза болон Узбекстаны Шарофиддин Болтабоев нарын хэн ялсантай барилдана.

73 кг-ын жинд зодоглож буй Ц.Цогтбаатар эхний тойрогтоо Германы Энтони Зинггийг ялж, дараагийн шатанд шалгарлаа. Түүний ээлжит өрсөлдөгч Узбекстаны Хикматиллох Тураев.

О.Ууганбаатар, Г.Одбаяр нар ялалт байгууллаа

НЭМЭЛТ: 

Дохагийн дэлхийн мастерсийн эрэгтэй -70 кг, -81 кг-ын жингийн барилдаанууд эхэллээ. тодруулбал, -81 кг-ын жинд зодоглосон О.Ууганбаатар эхний тойрогтоо олимпийн аварга Оросын Хасан Халмурзаевтай барилдаж, иппон үнэлгээгээр яллаа. Тэрбээр дараагийн шатандаа Канадын Антойн Валус-Фортьетэй таарлаа.

Мөн -73 кг-ын жинд зодоглож буй Г.Одбаяр эхний тойрогтоо Африк тивийн аварга Египетийн Мохамед Мохелдиныг ялж, дараагийн шатанд шалгарлаа. Тэрбээр хоёрдугаар тойрогт дэлхийн аварга Японы Соичи Хашимототой барилдах болно.

Сайед Моллай, Ц.Цогтбаатар нар өнөөдөр барилдана

IJF буюу Олон улсын жүдо бөхийн холбооноос зохион байгуулж буй энэ оны анхны тэмцээн Дохагийн дэлхийн мастерсийн хоёр дахь өдрийн барилдаанууд өнөөдөр (2021.01.12) эхэлж байна. Тэмцээний хоёр дахь өдөр эмэгтэй -63 кг, -70 кг, эрэгтэй -73 кг, -81 кг зэрэг жингийн барилдаанууд явагдах юм.

Хэсгийн барилдаанууд 15:00 цагаас эхэлнэ.

Монгол Улсаас өнөөдөр Б.Ганхайч, Г.Одбаяр, Ц.Цогтбаатар, О.Ууганбаатар, Сайед Моллай нар зодоглоно.

Хоёр дахь өдрийн сугалаа, оноолт:

• Эмэгтэй -73 кг

– Б.Ганхайч эхний тойрогтоо Оросын Дариа Давидоватай

• Эрэгтэй -73 кг

– Г.Одбаяр эхний тойрогтоо Египетийн Мохамед Мохелдинтой

– Ц.Цогтбаатар эхний тойрогтоо Германы Энтони Зингтэй

• Эрэгтэй -81 кг

– О.Ууганбаатар эхний тойрогтоо Оросын Хасан Халмурзаевтай

– Сайед Моллай эхний тойрогтоо гоц мөргөж, хоёрдугаар тойрогтоо Гүржийн Лука Маисурдзетэй