"Газар хөдлөлт дуут дохио дуугарах түвшинд хүрээгүй" | News.MN

"Газар хөдлөлт дуут дохио дуугарах түвшинд хүрээгүй"

"Газар хөдлөлт дуут дохио дуугарах түвшинд хүрээгүй"

Шууд:Газар хөдлөлтийн талаар хамтарсан мэдээлэл хийж байна

Posted by Онцгой байдлын ерөнхий газар on Monday, January 11, 2021

НЭМЭЛТ: 

Хөвсгөл аймгийн Ханх суманд өнөөдөр хэд, хэдэн удаагийн хүчтэй газар хөдлөлт болсон, энэхүү газар хөдлөлт Улаанбаатар хот болон Булган, Сэлэнгэ, Төв, Завхан аймагт мэдрэгдсэн тул Онцгой байдлын ерөнхий газар, Шинжлэх ухааны академийн Одон орон геофизикийн хүрээлэн, Барилга хот байгуулалтын яам хамтран мэдээлэл хийлээ.

Энэ үеэр Шинжлэх ухааны академийн Одон орон, геофизикийн хүрээлэнгийн захирал С.Дэмбэрэл:

2021 оны нэгдүгээр сарын 12-нд өглөө 05.32 цаг, 58 секундэд Ханх сумаас 27 км-ын зайд 6.5 магнитудын хүчтэй газар хөдөлсөн. Одоо ч давтан хөдлөлт болсоор байна. Хамгийн сүүлийн мэдээгээр 100 гаруй удаа давтан хөдлөлт болсон.  Үндсэн хөдлөлт нь 6.5 бөгөөд давтан хөдлөлтийн  магнитудын хүч нь харьцангуй бага. Гэхдээ магнитуд нь 5 хүрсэн хөдлөлт дөрвөн удаа, магнитуд нь дөрөв хүрсэн хөдлөлт 14 удаа бүртгэгдээд байна. Тухайн бүсэд ийм хүчтэй газар хөдлөлт 1991 онд Бүсийн гол орчимд 6.7 магнитуд хүрч байсан. Бид багажаар судалгаа хийснээс хойш тухайн бүс нутагт 6.5 магнитуд хүрсэн газар хөдлөлт анх удаа бүртгэгдэж байна. Газар хөдлөлтөд хамгийн ойр суурин газар бол Ханх сум. Газар хөдлөлтийн голомтод 7-8 баллын чичирхийлэл үүсгэсэн. Зайнаас хамаарч чичирхийллийн хүч замхарна. Улаанбаатар хот нь тухайн цэгээс 610 километрын зайд оршдог. Хүрэл тогоотын одон оргил дахь станцад бүртгэгдсэнээр Улаанбаатарын хадан хөрсөнд 3-4 баллын чичирхийллээр мэдрэгдсэн. Хотын сав газар, барилга байгууламжийн онцлог, ямар суурь хөрсөн дээр баригдсанаас шалтгаалан иргэдэд өөрөөр мэдрэгдсэн байна. Иргэдээс хүчтэй газар хөдлөлтийг урьдчилж мэдэгдсэнгүй гэх шүүмжлэл гарсан. Хүчтэй газар хөдлөлт болсны дараа албан тушаалтнуудын цахим шууданд мэдээлэл хүргэдэг. Миний цахим шууданд үндсэн газар хөдлөлт болсноос хойш 10 минутын дараа мэдэгдсэн. Ийм хүчтэй газар хөдлөлтийн дараа иргэдэд хэрхэн мэдээлэх тухайг бид цаашид боловсруулж, цаг тухайд өгөх талаар ажиллана" гэв.

Тэрбээр сэтгүүлчдийн асуултад хариулахдаа “Хүчтэй газар хөдлөлтийг урьдчилж богино хугацаанд таамаглах асуудал дэлхийн эрдэмтэн судлаачдын анхаарлын төвд байдаг. Болсон хүчтэй газар хөдлөлтийн аюулыг амжиж анхааруулах асуудал олон улсад хэрэглэгдэж байгаа. Улаанбаатар хотод хүчтэй газар хөдлөлтийг амжиж анхааруулах системийг байгуулсан. Үндсэндээ Улаанбаатар хотын эргэн тойронд оршдог гурван голомт болон Дундговь аймгийн Дэрэнгийн хагарал, Булган аймгийн Могод  сумын газар хөдлөлтийн идэвхтэй хагарал, Сэлэнгэ аймгийн Бүтээлийн нурууны голомтоос хэрвээ Улаанбаатар хотод аюул учирч болох хэмжээнд газар хөдөлбөл систем автоматаар ажиллаж, анхааруулах дуут дохио өгөх юм. Бид энэ дуут дохиоллын системийг газар хөдлөлтийн аюулын эрсдлийг бууруулах сургалтын үеэр ашигласан. Өнөөдрийн хүчтэй газар хөдлөлтийн тохиолдолд яагаад энэ систем дуугараагүй вэ гэхээр дуугарах түвшинд хүрээгүй. Дуут дохиоллын улаан, ногоон, шар түвшин байдаг бөгөөд Улаанбаатар хотын байшин барилга нурах түвшинд улаан гэрэл автоматаар ажилладаг. Бид олон улсын эрдэмтэдтэй хамтран газар хөдлөлтийг урьдчилан таамаглах чиглэлээр ажиллаж байгаа” гэлээ.

“Хөвсгөл аймагт 7 орон сууцны барилгад жижиг цууралт, цонх хаалганы орчим хагарсан”

Хэвлэлийн бага хуралд оролцсон Мэргэжлийн хяналтын ерөнхий газрын холбогдох албан тушаалтан дараах мэдээллийг хийв.

Монгол Улсын хэмжээнд 130 мянга орчим барилга ашиглаж байна. Жилд 1000-1500 барилга шинээр ашиглалтад ордог. Дээрх барилгууд дунд 1970 оноос өмнө буюу газар хөдлөлтийн стандарт гараагүй байхад барьсан нь ч бий. Ийм барилга Улаанбаатар хотод 8.7 хувь, орон нутагт 17.6 хувь нь байна. Газар хөдлөлтийн тэсвэржилт муу, шаардлага хангахгүй барилга орон нутагт 16.6 хувь, Улаанбаатарт 2.1 хувь  байгаа. Жил жилээр нь энэ шалгалтыг хийдэг. Ирэх жил үзвэр үйлчилгээний чиглэлээр үйл ажиллагаа эрхэлдэг барилгуудад хийнэ. Жил бүр мэргэжлийн хяналтын байгууллагаас шалгалт хийж, газар хөдлөлтийн тэсвэржилт, ашиглалтын төлөв байдлуудыг холбогдох яамдууд  руу явуулдаг. Өнгөрсөн 2006-2020 онд Улаанбаатар хотод 3820 барилга газар хөдлөлтийн тэсвэргүй гэдэг дүгнэлт гарсан. Эдгээр барилгыг буулгах, хүчитгэх, дахин төлөвлөлтөд оруулах дүгнэлтүүдийг гаргаж, хотыг Засаг даргад хүргүүлсэн.

Хөвсгөл аймаг болон зэргэлдээх аймгуудад холбогдох мэргэжлийн байгууллагынхан холбогдож, ажлын хэсгүүд ажиллаж байгаа. Ханх суманд цэцэрлэг, сургууль болон захиргааны байрны хананд цууралт өгсөн. Аймгийн төвд байрлах долоон орон сууцны барилгад жижиг цууралт, цонх хаалганы орчим хагарал үүссэн.  Бусад аймаг болон Улаанбаатар хотод ажлын хэсэг гараад ажиллаж байна. Орон нутгийн Онцгой комисс, мэргэжлийн байгууллагаас хамтарсан баг гарч, Ханх суманд ажиллаж байна. Одоогоор нарийвчилсан тоон мэдээлэл хараахан гараагүй байна. Өнөөдрийн хүчтэй газар хөдлөлтийн үеэр хүнгэнэсэн дуу чимээ гарсан ч том газрын хагарал үүсээгүй.


Ханх суманд дахин газар хөдөлж, ажиллах боломжгүй болов

НЭМЭЛТ:

Хөвсгөл аймгийн Ханх суманд 20 минутын өмнө дахин хүчтэй газар хөдөлсөн байна. Энэ талаар тус сумын Засаг даргын Тамгын газрын дарга, Шуурхай штабын дарга З.Баасансүрэн "Ханх суманд өнөөдөр 05.30 цагт хүчтэй газар хөдлөлт болж, бүх айл өрхөд мэдэгдсэн. Сумын тамгын газар, цэцэрлэг, сургуулийн барилгын хананд цууралт үүссэн. Өглөөнөөс хойш таван магнитудаас дээш найман удаагийн давтамжтай хүчтэй чичирхийлэл мэдрэгдлээ. Сумын Онцгой комиссоос ард иргэдэд аюулгүй байдлаа хангах талаас нь зөвлөмж өгч, албан хаагчдаа тараагаад байна.

Сумын Засаг даргын Тамгын газар энэ жил хоёр давхар шинэ байранд орсон байсан. Саяхан 20 минутын өмнө маш хүчтэй газар хөдлөлт мэдрэгдэж, алба хаагчид байрандаа ажиллах боломжгүй боллоо. Одоогийн байдлаар хоёр давхар сургууль, цэцэрлэгийн барилга, захиргааны байр гээд гурван объектын хана цуурсан. Тиймээс сумын удирдлагууд Шуурхай штабынханыг нэг давхар байр руу нүүлгэн шилжүүллээ.  Сумын иргэд айдастай байна. Ханх сумын зүгээс тодорхой давтамжтайгаар газар хөдлөлтийн талаарх мэдээллийг иргэдэд өгч байгаа. Гэхдээ иргэдийн сэтгэл санааг үймүүлэхгүй байх тал дээр сумын Шуурхай штаб ажиллаж байна. Яг одоо хүчтэй газар хөдлөлтийн улмаас эд материалын хохирол тооцох ажлыг эхлүүлээд байна” гэлээ.

НЭМЭЛТ: 

“Ханх суманд сургуулийн барилгад ан цав гарсан гэх дуудлага ирсэн”

Хөвсгөл аймгийн Хатгал тосгонд байрлах газар хөдлөлтийн станцын эрхлэгч П.Даваадалай газар хөдлөлтийн нөхцөл байдлын талаар мэдээлэл өглөө. Тэрбээр “Хөвсгөл аймагт өглөө 05.32 цагт 51:21:136  кординат дээр эхний газар хөдлөлт боллоо. Тэрнээс хойш таван удаагийн давтамжтай 5 магнитудын газар хөдлөлт мэдрэгдсэн. Ханх сумын иргэд айж эмээсэн байдалтай байна. Тус суманд чулуун барилга, сүүлд баригдсан сургуулийн барилгад ан цав гарсан дуудлага, мэдээллийн дагуу Онцгой байдлын газар, Шуурхай штабынхан үзлэг хийж байна. Одоогийн байдлаар Хөвсгөл аймагтай залгаа байрлах Булган, Сэлэнгэ, Төв, Завхан, Улаанбаатар хот гээд олон газруудад газар хөдлөлтийн чичиргээ мэдрэгдээд байгаа” гэлээ.

“Өнөөдөр өглөөний ийм хүчтэй газар хөдлөлт 1991 онд л болж байсан”

Хөвсгөл аймгийн Ханх сумаас 35 км газарт өнөө өглөө /2021.01.12/ 05.32 цагт 6.5 магнитудын газар хөдөлжээ. Хүчтэй газар хөдлөлтийн чичиргээ Улаанбаатар хотын зарим хэсэгт мэдрэгдээд байна.

Энэ талаар Одон орон, геофизикийн хүрээлэнгийн мэргэжилтэн Ч.Батсайханаас тодрууллаа. Тэрбээр “Хөвсгөл аймгийн Ханх сумаас 35 км газарт өглөө 05.32 цагт 6.5 магнитудын газар хөдөллөө. Хүчтэй газар хөдлөлтийн чичиргээ Улаанбаатар хотын олон газар мэдрэгдээд байна. Улаанбаатарт ойролцоогоор 3 балл газар хөдөллөө. Мөн Хөвсгөлтэй залгаа аймгуудад чичиргээ мэдрэгдсэн. Хөвсгөл аймгийн Их-Уул суманд гэхэд 4-5 магнитудын газар хөдлөлт мэдрэгдсэн байгаа.  Хөвсгөл аймагт одоогийн байдлаар 40 удаа хүчтэй газар хөдлөлт болоод байна. Өмнө нь ийм хүчтэй 6.5 магнитудын газар хөдлөлт 1991 оны арванхоёрдугаар сарын 27-нд Хөвсгөл аймгийн Цагааннуур сумын Бүсийн гол орчимд болж байсан. Энэ удаагийн газар хөдлөлт голомтдоо 9 баллаар мэдрэгдэх ёстой. Хэрэв тэр хэсэгт барилга байшин барьсан бол нурах аюултай” гэв.

Олон улсын газар хөдлөлтийн судалгааны байгууллагын мэдээллээр ОХУ-Монгол Улсын хилийн орчимд орон нутгийн цагаар 05:33 минутад М6.8-ийн хүчтэй газар хөдлөлт бүртгэгджээ.

 

Энэ мэдээнд өгөх таны сэтгэгдэл?
93
ГайхмаарГайхмаар
42
ХарамсалтайХарамсалтай
16
БурууБуруу
15
ХөөрхөнХөөрхөн
14
ХахаХаха
9
ЗөвЗөв
9
ТэнэглэлТэнэглэл
Баярлалаа!

Холбоотой мэдээ

95 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-12 64.119.26.254

Gazar hudlultiig uridchilj medeh arga technolog odoohondoo haana ch alga. Dohio digarlaa gehed gazar hudulsnii daraa l dugarna. Tegeed yahav. Bur sandargaj uimeen bolgono biz

Avatar

Эрдэнэ 2021-01-12 202.179.21.209

За яах вэ газар шилгээж.Ямар ч бсан Монголд супер байр байшин барьдаг юм байна.Удахгүй манай барилгын компаниудыг ЯПОНЧУУД уриад аваад явах юм б.

Avatar

Зочин 2021-01-12 66.181.179.133

Тувад энэ газар хөдлөлт мэдрэгдээд онц байдал заралчихсан байхад эд нарын ярьж бгаа юмыг ээ нүүрний арьсаа яаж хамгаалах юм л ярих өрөвдөлтэйч юм шиг хөөрхий

Avatar

h 2021-01-12 66.181.191.31

hogiin sait.setgegdel ustgaad bh yum

Avatar

w 2021-01-12 66.181.191.31

tesvergvi bairaa zarlaachee.il tod gargagaas aigaad nuugaad barilgiin huulindaa oruulsan yuu..nuraad olon hvn endsen hoino zarlah yimu.iim gazar bh hereg b.auu.bid hezee yahaa medehgvi bdald aimdarch bgaan b.adaa

Avatar

Зочин 2021-01-12 192.82.67.124

Baishin n nurj bj l duut dohio duugarch anhaaruulhiim bn daa. Uhsenii daraa l ontsgoi gamshigaas hamgaalah gazaruud n ajilj ehelnedeeee hoorhiii

Avatar

зочин 2021-01-12 61.115.65.216

Магнитуд ба балл гэдгээ ялгаж, тодотгож тайлбартайгаар хэлээч ээ, холиод яриад байна, энэ 2 нь хоорондоо ижил биш өөр өөр шүү дээ. Газар хөдлөлийн мэдээ, мэдээллийг ард иргэд шуурхай, үнэн зөвөөр авах боломжтой байнгын сайтыг ажиллуулаач аа. Газар хөдлөлийн үед арл иргэд хэрхэх ёстойг зааж сургаач ээ.

Avatar

зочин 2021-01-12 61.115.65.216

Магнитуд ба балл гэдгээ ялгаж, тодотгож хэлээч ээ, холиод яриад байх юм аа, хоорондоо ялгаатай өөр өөр шүү дээ. Газар хөдлөлийн мэдээ, мэдээллийг шууд харах боломжтой байнгын сайтыг ард иргэдэд нээлттэй зарлаж хүргээч ээ, ажиллуулаач ээ. Газар хөдлөлийн үед хэрхэх ёстойг ард иргэдэд зааж сургаач ээ.

Avatar

Зочин 2021-01-12 66.181.161.101

Барилгын хөгжлийн төв, Мэргэжлийн хяналтын газар зэргийг шалгаад татан буулгая бөөн авилгачид, газар хөдлөлтөд ямар ч тэсвэргүй овоолсон цемент шороогоор бүтсэн орон сууц, барилга нэртэй амбаарыг чанартай хэмээн худал акт гаргаж хүлээж авдаг авлигачид

Avatar

Зочин 2021-01-12 66.181.161.96

Японд байхад газар хөдөлсөн. Жорлонд сууж байтал суултуур нь аваад давхисан, булгиад сэрсэн чинь онгоцны буудалд байж билээ.

Avatar

Зочин 2021-01-12 66.181.187.228

бүх суурин газарт дохио дуугарагч тавьчих

Avatar

Иргэн 2021-01-12 202.126.88.148

Газар хөдлөлтөд тэсвэртэй барилга байшингийн статистик мэдээ хэр бодитой юм? Бодит байдалтай нийцэхгүй гэж дүгнэхээр байна. Зардал мөнгө хэмнэж, орлогоо хөөсөн маш олон барилга баригдсан, стандарт мөрдөгдөөгүй. Өнөөдрөөс эхлээд стандарт бус барилгыг олон нийтэд зарлавал олон хүний амь насыг урьдчилж аврах боломжтой. Авлигаар маш олон байшинд ашиглалтын зөвшөөрөл олгогдсон гэж таамаг дэвшүүлж байна. Бүх салбар авилгажсан. Газрын зөвшөөрөл, барилгын салбар мөн адил.

Avatar

Zochin 2021-01-12 66.181.191.110

Хүн өөрөө өөртөө л хайртай байх ёстой юм байна гэдгийг корона гарснаас хойш ойлгож авсан бол энэ үйл явдлаар хүн өөрөө өөрийгөө л хамгаалах хэрэгтэй юм байна гэж ойлгож авлаа. Газар хөдөллөө, чичирхийлэл мэдэрлээ л бол за улс дохио өгнө биз гэж бодохын оронд хамаг хувцсаа өмсөөд шүгэл амандаа хийгээд ширээ эсвэл төмөр орны доогуур эсбөгөөс хаалганы хавтас, даацын хананы доогуур орохынхоо өмнө гэрийн хаалгаа сайтар онгойлгож орхих естойг ойлгож авлаа. Өнөөдөр бол айсан бас сандарсан. Хэцүү2 улс..

Avatar

Зочин 2021-01-12 66.181.187.228

дуут дохио өх хэрэгсэл нь Ханхын орчимд байсан бол дохио өх л байсан байх тэнд хөдөлсөн хэмжээ 600 гаруй км -ын хол байгаа улаанбаатарт мэдрэндэхэд хүч нь суларсанаас дохио дугараагүй байх л даа ТВ -9 хэт буруутгаж ярих юм . түүний оронд бүх суурин газаруудад харин тэр мэдрэгчээ байралуулах нь хэрэгтэй байна гэсэн бол өөр хэрэг. хэт бага хэмжээнд мэдэрэгч тэр болгон дугараад байвл хүмүүст муугаар нөлөөлнө шүү дээ зарим нь дасна зарим нь сандрана ийм л байна

Avatar

Иргэн 2021-01-12 202.126.88.148

УБ 6.5 баллын газар хөдлөх юм бол ….

Avatar

Ханх сумын иргэн 2021-01-12 66.181.161.104

Үнэн гэвэл ханх суманд нөхцөл байдал тайван бус байна. Яг энийг уншаад сууж байхад л юм дүнгэнээд гэрийн тавилга шал чичрээд л байна. Онцгой байдлынхан биднийг баттай мэдээллээр хангахгүйд бухимдалтай л байна. Өглөө гэхэд л эмнэлэгт даралт нь ихссэн айж түгшсэн олон хүмүүс ирсэн.

Avatar

Зочин 2021-01-12 202.126.88.221

5 erguu

Avatar

Саран 2021-01-12 66.181.183.174

Байгалийн гамшгийн өмнө хүн хүчин мөхөс юм байна гэдэг мэдрэмжийг авсан шүү

Avatar

Зочин 2021-01-12 66.181.184.112

аль улсын хэмжих багаж нь үнэн зөв хэлээд байгаа юм бэ манайх бас нөгөө нуудаг дардаг аргаа хэрэглээд байгаа юм уу оросууд 8,7 гэсэн юм биш үү

Avatar

зочин 2021-01-12 202.126.89.193

балл, магнитут ѳѳр нэгж

Avatar

zochin 2021-01-12 122.201.23.84

нэх сүртэй дуут дохио нь дуугараагүй, одоо арьсаа хамгаалж байна

Avatar

Зочин 2021-01-12 66.181.187.228

тэр дохир өгдөг юм чинь УБ мэдрэгдсэн хэмжээнд л дуугарна шүү дээ гол цөмд нь тэр дохио байсан бол дуугарах л байсан байх даа хотод хүч нь сулраад ирсэн байх л даа

Avatar

Irgen 2021-01-12 202.131.225.229

za hudlaa hutsna biz, hvn bolgon medchihsen aich tsochirdson bhad yu yariad bgan

Avatar

Зочин 2021-01-12 122.201.21.18

Heden erguu yumnuud eronhii medeelel ogool suuj bn. Barilgiin yaam bol uneheer chadavhgui mergejliin bus boljee. Said darga naraasaa ehleed barilgiin salbariig bodoj bgaa hun alga bugd umhii heden avilgachid. Magnaisuren gej ih gariin avilgachin bgaa daa tend.

Avatar

Зочин 2021-01-12 122.201.22.193

Жишээ нь хамгийн их хүн ам нягтралтай УБ-т л гэхэд аль дүүргийн аль хорооны яг аль аль байшин газар хөдлөхөд хамгийн түрүүнд нурах эрсдэлтэй вэ гэдгийг маш тодорхой зарлах хэрэгтэй!! Зорилго нь: айлгах биш, харин оршин суугчид нь урьдаас бэлтгэлтэй, болгоомжтой байх ёстой!!!! Гэтэл одоо бол бид мэдэхгүй шдээ? Үгүй дээ л гэхэд байраа солих, өөр байшин савтай болохыг бодох г.м.

Avatar

хүннү 2021-01-12 202.55.188.43

Барилгын хийцээс болж зарим байр нь аймаар мэдэгдэж хүмүүс айж эмээсэн бол зарим байранд огт мэдэгдэлгүй өнгөрсөн байна.

Avatar

Зочин 2021-01-12 64.119.27.172

Бал гэж нэгж бол ажиглалтын үнэлгээ болохоос авсалют биш гэдгийг хүмүүс мэддэггүй. Манай гэрт мэдэгдээгүй тул 3 балаас бага байсан. Гэтэл хажуугийн байшинд гэлийн шил хөдлөж чичргээн их байсан тул 4 бал гэж хэлнэ. За тэгээд бал гэж нэгжээр ярих нь хүний мэдрэгдсэн үнэлгээ юм.

Avatar

Зочин 2021-01-12 103.212.119.92

дахиад хөдлөхгүй гэх баталгаа байхгүй гэж бодохоор хэцүү юмаа

Avatar

Зочин 2021-01-12 192.82.69.193

газар хөдлөлт болсон нь бас төр, засаг буруутай юм шиг болсон юм шиг. Үүнээс хийх ганц дүгнэлт: их олон хүн стресстэй, сэтгэл мэдрэлийн эмгэгтэй, буруутанг хайх гэсэн донтой болсон байна. Гарах арга зам: эрт эмчлэх

Avatar

Зочин 2021-01-12 124.158.67.127

Ygd dandaa ingej uursdiiguu umuurch bdg bnaa. Gazar huduldun l bol hudulsun. Dohio dugarah heregtei bsn.

Avatar

Зочин 2021-01-12 66.181.161.70

Үүнээс хүчтэй хөдөлвөл; Газар хөдлөлт хүчтэй байсан тул дуут дохио дуугарч амжилгүй нурсан, гэж ш*** юм бна

Avatar

иргэн 2021-01-12 64.119.20.3

Ганц УБ хотод биш Эрдэнэт Дархан Сэлэнгэ Булган аймгуудад хотоос илүү мэдрэгдсэн шүү дээ.Гэрлийн бүрхүүл юм юм дуу чимээ гаргаж хүний биенд эвгүй мэдрэмж төрдөг юм билээ.УОБГ ард иргэддээ эрсдэл яаж давна гарах өөрийгөө болон бусдыг гамшгаас хамгаалах аргачлал зааж өгөх сургалт явуулж байхгүй бол коронагаас аюултай бидэнд ирэх аюул ойрхон байна.

Avatar

CCC 2021-01-12 192.82.69.112

SOLONGOST 2 BALL HURSEN CH DOHIO OGCH MEDEGDEG SHDE. . MEDEHGUI CHADAHGUI BOL TATAN BUUGDAL DAA

Avatar

CCC 2021-01-12 192.82.69.112

SOLONGOST 2 BALL HURSEN CH DAGARDAG SHDE. MEDEHGUI CHADAHGUI BOL TATAN BUUGDAL DAA

Avatar

Зочин 2021-01-12 64.119.27.172

Газар хөдлөлтийг урьдчилан мэдэх боломж бий. Энд хамгийн гол мэдлэг бол оновчлол юм. Магадлалыг сайн оновчтой шийдэх шийдэл юм. Эйнштейны харьцангуй онол дээр үндэслэж газрын цэгүүдийг GPS ашиглан байрлал хөдөлгөөнийг нарийн хянаж явна. Маш их хэмжээний дата мэдээллийг оновчлол ашиглан боловсруулалт хийж, газар хөдлөх бүс нутгийг урьдчилан тогтоож болно. Шинжлэх ухаан гэж өвчигнөхөөс өмнө мэдээллийг хэрхэн зөв боловсруулалт хийж сурах вэ гэдэг чухал юм.

Avatar

Зочин 2021-01-12 66.181.185.98

Хаана тийм юм байна?

Avatar

Зочин 2021-01-12 64.119.27.172

Тийм байх боломж бий. Хүн бодож чадахгүй зүйл бол биш. Хамгийн энгийн жишээ бол амьтад урьдчилан сэргийлдэг зөн совин байгаа нь боломжтойн илрэл юм.

Avatar

Зочин 2021-01-12 182.232.63.179

Hehehe, haan tiim medeelel bn. gazar hudlul iin ued amitadd medregdej bga soronzon dolgion jinhene gazar hudluliin shok s erduu 60 sec orchin turuulj yvdag, teheer medreed daraa tohilt ireh hoorond minut orchim l bn gesen ug. Ymr amitan zuv sovingooroo turuulj medeed bn helj uguurei ajihlaj baimaar yum bn ter ni teed mongold baidag amitan baigaasai

Avatar

Зочин 2021-01-12 64.119.27.172

Энэ хорвоод эниргийг зөв тооцох чадвар байвал газар хөдлөл зэргийг урьдчилан хэлэх амархан байна. Амьдралд тооцоо тооцоо бас дахин тооцоо эцэст нь оновчлол чухал болно.

0 0
Avatar

Зочин 2021-01-12 64.119.20.156

Одоохондоо хаана ч чадаагүй л бн даа.

Avatar

Зочин 2021-01-12 202.9.47.7

Нураад дарагдаад үхсэн хойно л хүүpэн дээр нөгөө дохио нь чарлах болоотой.

Avatar

Зочин 2021-01-12 202.21.113.238

Яаж байхав дээ. Жартгар Жадмбаа багасгаад идцийн

Avatar

Иргэн 2021-01-12 66.181.178.220

Малуудаа оркууд байгалийн үзэгдэлд урьд мэдэгдэх ямарч боломж дэлхийд байхгүй хэдхэн секундэнд л болно.нохой гаслах мал хуйлрах залхуу хүрэх гм шинж илэрдэг гэж хөршүүд дээр үед ярьдаг байлаа. Гадаа гарч түмэн сав хавирдуулах чанга хашгирах хэрэгтэй гэж эмээ маань хэлж билээ.

Avatar

Батаа 2021-01-12 202.55.188.82

Юун 600км цаадах Хөвсгөл, уб-аас 50хан км зайд Хустайн нуруунд газар хөдлөлийн маш том идэвхт бүс бий. Тэнд хөдөлвөл уб-ын бүх байшингууд хатвгайрна. Гэр хорооллын хэд маань л амьд үлдэнэ дээ.

Avatar

Зочие 2021-01-12 202.179.25.180

Сумын захиргааны энэ жил шинээр орсон 2давхар барилгын хана цуурсан нь одоогийн барилгууд ямар чанартайн жишээ болжийн

Avatar

Зочин 2021-01-12 66.181.182.42

yanaaa nuur maani alga bolhiiiv deeeeee

Avatar

Зочин 2021-01-12 122.201.22.193

УБ хотын аль дүүрэгт, яг аль байшин барилгууд газар хөдлөлтөд хамгийн эрсдэлтэй (хамгийн амархан нурах) вэ гэдгийг маш тодорхой тогтоож мэдээлэх хэрэгтэй байна шүү!!! Айлгах зорилгоор биш, ач холбогдол нь: оршин суугчид нь бусдаас илүү бэлтгэлтэй байх ёстой!! Тийм биз дээ??

Avatar

Зочин 2021-01-12 202.9.40.59

Мэдэх боломжгүй шд, олон давхар орон сууцны барилга барисан копани тэдэн баллд тэсвэртэй гэж рекламдаж байгаа боловч чанарыг мэдэх аргагүй дээ. Хугацаа нь дууссан цемент,шаардлага хангахгүй арматур ашигласан, өвөл цутгалт хийсэн, цутгалтын бэхжих хугацааг баримтлахгүй дээр дээрээс нь цутгаад хийсэн бол чичиргээнд цуурна. УБ-т сүүлийн үед баригдсан барилгуудаас цуурсан хагарсан барилга зөндөө л бна.

Avatar

Зочин 2021-01-12 43.242.243.214

Ор хөдөлж сэрээд нөгөө дохио нь дуугарвал гарахаас гээд цонхоор харсан чинь цас орж байсан дохиолол нь дуугарахгүй болохоор нь буцаад унтаад өгсөн шүү

Avatar

Зочин 2021-01-12 64.119.16.119

Энэ ч сайн зүйл бишдээ, юу ёрлож байгаа болдоо…

Avatar

Зочин 2021-01-12 202.21.108.23

Үүрээр сэрлээ. Чичиргээ хэдэн минут мэдрэгдэж байлаа. Гайгүй болчих болохоор шээж аваад л буцаад унтчихлаа.

Avatar

Зочин 2021-01-12 64.119.25.47

Хөвсгөлд аль нам ялсан бэ сонгуулиар газар хөдөлгөхгүй гээд байсан

Avatar

Syr 2021-01-12 66.181.186.172

Za syrtei um uzeegui umnuud

Avatar

Зочин 2021-01-12 66.181.184.112

Хотод гол цөм хөдлөлт нь болсон бол одоо бид нар ингээд бичээд суухгүй байсан биз тэгээд ч УБ хотын газар газар хөдлөлийн идэвхтэй бүс гээд аль дээр үед тогтоогоод өндөр байшин барилга барьж болохгүй гэдгийг урьдчилаад мэдсэн байсан учраас 9-с дээш бариагүй биз харин угсармал орон сууцаа хэдэн балл д тэсэхээр тооцсон юм бол тухайн үед

Avatar

Зочин 2021-01-12 66.181.178.112

7-8 балл тооцсон. Хуучирсан учир бага баллд нурах боломжтой.

Avatar

Бат 2021-01-12 192.82.93.3

Голын эрэг гольдирол дагуу байрнууд хөрсний хувьд хамгын эрсдэлтэй байдаг юм шүү. Хөрсний бүтэцээсээ хамаарч дээш доош суулт өгдөг, хөрсний гулгалт шилжилт хамгын идэвхитэй явагддаг Болж өгвөл хадархаг суурьтай эрүүл өндөрлөг газарыг сонгож байр авахыг геофизикийн мэрэгжилтний хувьд зөвлөж байна

Avatar

Зочин 2021-01-12 64.119.23.125

Zamiin tsagdaagiin ariin bair.chiidengiin bolor
unjlaga baga zereg savlasan

Avatar

Зочин 2021-01-12 192.82.69.238

Төр засаг буруутай болж гадаас төлөвлөгөө гаргаж өгөх байхоо

Avatar

Улаанбаатар 2021-01-12 66.181.161.84

Газар хөдлөж байшин нурахын хажууд муу корона бол юу ч биш юм бна л гэж бодлоо доо

Avatar

Зочин 2021-01-12 103.212.119.92

корона ялгаагүй гамшиг шүү!!!

Avatar

zochin 2021-01-12 122.201.23.84

Манайхан дохио мэдээлэл өгнө гээд сүржигнээд байсан чинь нөгөө өндөр үнэтэй байгуулсан дохиолол дуугарсангүй шүү дээ

Avatar

Зочин 2021-01-12 66.181.178.112

Жижүүр нь унтаж байсан. Өглөө 7 цагт сэрсэн мэдээгээ бичсэн

Avatar

Зочин 2021-01-12 124.158.68.123

БЗД Сансард үүрээр 5:32 сугсрал займчаа тод мэдрэгдсэн их айлаа нөгөө цагаан хоолойгоор дохио өгөх юу болвоо?

Avatar

Зочин 2021-01-12 64.119.18.28

13-р хороололд мэдрэгдсэн, эвгүй, түгшүүртэй юм билээ

Avatar

mmm 2021-01-12 66.181.161.99

bible deer gerdeer ger dawhralj barisan hvmvvs hoorhiiloltei gaj baidag. gazar hodlol bol ugaasaal ert oroigvi boloh zvil tul bas l bodhol heregtei

Avatar

Зочин 2021-01-12 124.158.67.127

medeeelel msg ntr irdeggui ymuu baigaliin gamshig hariutssan alba odoo yugaa hiigeed bgn

Avatar

Зочин 2021-01-12 202.179.24.135

УРЬДЧИЛАН МЭДЭХ ЦОР ГАНЦ БҮДҮҮЛЭГ АРГА: ГЭРИЙН ГАДАА МАЛ СҮРЭГ ТАХИА ГАХАЙ НОХОЙ МУУР БАЙГААД ТЭДЭН ЛҮҮ ЧОНОН СҮРЭГ ДАЙРАХ МЭТ ҮЙМЭЭН ШУУГИАН ҮҮСЭХ. УЯАТАЙ МОРЬД ЯНЦГААЖ САНДРАХ НОХОЙН САНДАРЧ ТАВГҮЙТЭХ ГЭХ МЭТ ХАХА. ХОТЫНХОНД БОЛ МЭДЭХ АРГА БАЙХГҮЙ.

Avatar

Бат 2021-01-12 192.82.93.3

Бас л Хүрэлсүх буруутай юу…

Avatar

Зочин 2021-01-12 66.181.184.112

Жинхэнэ утгаараа гамшиг болчих гээд байнаа даа Сүржин биш сүсэгтэй бай гээд буддын шинжлэх ухаан хүмүүн гээч амьтдад хэлээд гуйгаад л байгаа юмсан

Avatar

Irgen 2021-01-12 66.181.176.17

Sansariin orchimd medegdsen gyi sonin yumaa

Avatar

зочин 2021-01-12 202.9.46.182

Хадан дэвсгэртэй тул Сансар орчмын барилгад аюул бага гэж үздэг юм билээ 6.5 м буюу 9 орчим балл маш хүчтэйд тооцогдоно.

Avatar

Зочин 2021-01-12 66.181.184.122

САНСАР ХОРООЛОЛД ЮУ Ч МЭДРЭГДЭЭГҮЙ ГАЗАРЫН БҮТЭЦЭЭСЭЭ БОЛДОГ БАЙХ ӨӨ .

Avatar

Зочин 2021-01-12 103.212.119.92

Жуков 15 дугаар хороолол газар хөдлөлийн тэг бүс

Avatar

Зочин 2021-01-12 103.229.122.7

Дарханд нэлээн мэдрэгдсэн. Ор хөдөлгөөд обжур шажигнаад…

Avatar

Зочин 2021-01-12 202.179.24.73

Хөрсний бүтэц. чулуулгийн тогтоц зэргээс болдог байх. 10-ын Хермес орчимд юуч мэдэгдээгүй өнгөрсөн. Гэтэл Голденпаркыхан гадаанаа гараад зогссон байсан.

Avatar

Зочин 2021-01-12 64.119.27.172

Өндөр давтамжийн чичирхийлэл Улаанбаатарт мэдрэгдсэн байна. Намхан байшингууд илүү дайваж хөдөлсөн тул өндөр давтамжтай чичирхийлэл гэж тодорхойлж болно.

Avatar

Зочин 2021-01-12 66.181.187.235

Зүрх өвдчихсөн, чих дүнгэнээд босч ирлээ. Яах вэ. Биед маш хүчтэй нөлөөлж бна.

Avatar

зочин 2021-01-12 202.179.25.180

Цэцэг төвийн орчимд байдаг манайд үүрээр ор чичигнээд сэрсэн

Avatar

иргэн 2021-01-12 66.181.185.73

их хучтэй чичиргээ мэдрэгдсэн ор шажигнаад л сэрсэн тоглоом наадам биш шуу

Avatar

Badarch taxar 2021-01-12 192.82.76.45

Buruutai hvnvvg ni olj shiitge gaigvi shiitgewel dahiad hodlohgvi

Avatar

zochin 2021-01-12 192.82.73.70

Battulga, Hurelsuh 2 gol buruutai yum uu MAN AN buruutai yu

Avatar

jahsj 2021-01-12 202.9.40.37

xa xa ontsgoi baidaliin Uugan bayar xelexgui yaj bainaa

Avatar

Зочин 2021-01-12 192.82.72.41

Tiim bhaa. Shono untj bhd gazar hudulj bn uu gj sersen. Avjuriin shilen bolor hoorondoo haviraldaad….

Avatar

зочин 2021-01-12 202.9.46.182

6.8 магнитуд буюу 9 балл нь маш хүчтэй газар хөдлөлт юм билээ. 1957 оны Баянхонгорын Их Богд ууланд болсон газар хөдлөлт 8.5 буюу 11- 12 балл байсан нь дэлхийд хамгийн хүчтэй нь .Улаанбаатараас 1000 орчим км хол боловч хотод чийдэнгийн бүрхүүл савлах, тавилга дээрх зүйл нурах зэргээр мэдрэгдсэн гэдэг.Эдүгээ аялагчдын очоод байгаа Оюу Номин нуур бол Хөвийн нуруу болон орчны оргилууд нь нурж суулт өгч Улиастай Битүүтийн хөндийгээ дарж голуудаа хааснаас үүссэн газар юм.

Avatar

Зочин 2021-01-12 103.212.119.108

Өглөө 6-20 -ийн үед төмөр замд жаазтай зураг хөдөлж мэдрэгдэв

Avatar

Зочин 2021-01-12 66.181.189.17

Hajuu ail chin saihan avaltsajdee. 5,20 – d gej baihad

Avatar

зочин 2021-01-12 103.26.193.30

хуучин тээврийн товчооны хавьд их мэдрэгдсэн 15 сек орчим хөдөлсөн. Чийдэн савлаад, ойрхон өрсөн аяга таваг хоорондоо харшилдаад байлаа. Дотор муухай оргиж байсан шүү. Урьдчилан мэдэх ямар ч аргагүй л дээ

Avatar

Зочин 2021-01-12 122.201.31.119

Tiim UB-d 5.36-d medregdsen. Uuunii gerliin burhuuluud bugd hudluud.

Avatar

Zochin 2021-01-12 64.119.26.125

Gazar хөдлөлтийг урдчилан мэддэг боломж байдаггүй юм. Тэнэгээ

Avatar

Uher 2021-01-12 66.181.161.80

Nirgesen hoini n hoshgirch bn daa haha

Avatar

Зочин 2021-01-12 202.9.40.157

Хэнийг бууртгах уу бас. Урьдчилаад сануулсан байх ёстой гээч. Байнга болдог асуудал биш бэлтгэлгүй байж болно, Юмыг наантай цаатай боддоггүй оркууд юмаа

Avatar

Зочин 2021-01-12 192.82.71.75

Нам л буруутай

Avatar

Зочин 2021-01-12 124.158.67.127

Gazar hudlultiin idevhtei bus nutagt orshdog bj iim beltgelgui bj bolohgui

Avatar

Зочин 2021-01-12 192.82.70.80

сайн юм уншиж мэдлэгээ дээшлүүл. юу ч мэдэхгүй байж хамгийн түрүү бусдыг буруутгаж бах таваа хангах гээд өөрийнхөө харанхуйг харуулах юм да. нирэгсэн хойн нь хашгирч байна да ха ха ч гэх шиг… газар хөдлөлтийг дэлхийд хэн, хаана урьдчилан мэдээд байна.? Мэдээд хөдлөхийг нь болиулчих уу? Эсвэл байшингаа үүрээд , малаа туугаад газар хаана хөдлөөгүй байна гээд зугтах уу? инээдэмтэйгээр цэцэрхэх юм да…

Avatar

Зочин 2021-01-12 202.9.46.22

Аль хол Хөвсгөлд газар хөдөлж байхад хэлэхгүй яасын . Хэлсэн бол сэрээд гараад хүйхгүй юу

NewsMN Гар утасны хувилбар Татах
NEWS.mn

Мэдээллийн эх сурвалж