СУРВАЛЖЛАГА: PCR шинжилгээ өгөхийн тулд өдөржин гадаа зогсч байна | News.MN

СУРВАЛЖЛАГА: PCR шинжилгээ өгөхийн тулд өдөржин гадаа зогсч байна

СУРВАЛЖЛАГА: PCR шинжилгээ өгөхийн тулд өдөржин гадаа зогсч байна

СУРВАЛЖЛАГА: PCR шинжилгээ өгөхийн тулд өдөржин гадаа зогсч байна

Хөл хорио суларснаар нийслэлийнхэн өчигдрөөс /2021.01.11/ хөл хөдөлгөөнд орж эхэллээ. Хорио нь тавигдсан аж ахуй нэгж, албан байгууллагууд үүдээ нээж, ажилчид цугларч, автомашины зорчих хөдөлгөөн ч нэмэгдэв.

Албан байгууллагуудын ажил эхэлсэн тул төр, хувийн хэвшлийнхэн ажилчиддаа шинжилгээ өгөхийг шаардах болсноор PCR шинжилгээ авах цэгүүдийн ачаалал ч эрс нэмэгджээ. Тодруулбал, Баянгол дүүрэгт байрлах ерөнхий боловсролын 20 дугаар сургуулийн гадаах талбайд өчигдөр /2021.01.11/10:00 цагийн орчимд шинжилгээ өгөх иргэдийн урт дараалал үүссэн  байв.  Иргэд 1.5 метрийн зай барьж зогсох ёстой боловч зарим нь тэврэлдэх шахам зогсоно.

Тэсгим хүйтнээр олон цаг дугаарласандаа залхав уу, эсвэл урт дарааллын ард зогсох амаргүй санагдсан уу, оочер дайрах нэгэнд бусад нь  шаардлага тавьснаар хэрүүл шуугиан үүссэнгүй, намжив.

Шинжилгээ өгөх иргэд хамгийн багадаа 1-4 цаг дугаарласнаас, эрүүл хүн ч өвчлөхөөр даарч байгааг шүүмжилсэн. 

Мөн шинжилгээ авах эмч нарын тоог нэмэгдүүлэх, 12:00-01:00 цагийн үед эмч нар ээлжилж цайгаа уух, дугаарлаж буй иргэдэд тодорхой мэдээлэл өгч, түргэн шуурхай үйлчлэх шаардлагатай байгааг иргэд хэлж байв.

ИРГЭД: ШИНЖИЛГЭЭ ӨГӨХӨӨСӨӨ ӨМНӨ ДААРЧ ӨВДӨХ БОЛОЛТОЙ

Иргэн Г.ЦЭНД-АЮУШ: 

-Өглөөний 09:00 цагаас хойш зогсч байна. Бид сургуулийн хаалганы гадаах хашаанаас эхлэн дугаарласаар 2 цаг зогссоны эцэст л шинжилгээ авах байрны үүд рүү дөхөж байна. Дахиад нэг цаг гадаа зогсох бололтой. Хэдийгээр урт дараалалтай байгаа ч ядаж эмч нар нь шинжилгээгээ хурдан  авч, цагдаа нар зохицуулах хэрэгтэй байна. Маш удаан хугацаагаар гадаа осгох нь холгүй зогсож байхад эмч нар нь цайндаа орсон гээд үйлчилгээ үзүүлэхгүй цаг алдах юм. Хүйтэнд даарч байгаа хүмүүсээ бодох хэрэгтэй. Энэ байдлаараа гадаа удаан зогсвол ханиад хүрэх шинжтэй. Шинжилгээ өгсөн хүмүүс ердөө ганц эмч шинжилгээ авч байна гэх юм. Ажлаас  PCR шинжилгээний бичиг шаардаж байгаа болохоор гүрийхээс өөр арга алга. Шинжилгээ авах ажил зохион байгуулалтгүй, маш муу байна.

Иргэн Л.НАРАНГАРАВ: 

-Би төмөр замд ажилладаг. Ажлынхаа чөлөөгөөр шинжилгээ өгөхөөр ирээд 2 цаг болж байна. Ажлаа ч алдаж байна. Бас даарсандаа өвдөж ч мэдэх нь. Маск цантаж, ууршаад хөлдөж байна. Гэтэл ийм ууршсан масктай гадаа дахиад хэчнээн цаг зогсох вэ. Өвдөхгүй байх баталгаагүй. Covid-19 биш гэхэд ханиад хүрч, бөөр өвдөхөөр байна. Цагдаа ч байхгүй, ямар ч зохион байгуулалт алга. Ажилтай хүмүүсийг ажлын байран дээр нь эсвэл ажилтай нь ойрхон шинжилгээнд хамруулах хэрэгтэй.

Иргэн А.ДАВААЖАВ: 

-Дөрөв дэх удаагаа PCR өгөхөөр дугаарлаж байна. Өглөө шинжилгээ өгөхөөр ирэхэд 100 гаруй хүн байсан. Гурван цаг гадаа зогссон ч шинжилгээгээ өгч чадаагүй л байна. Олон цаг гадаа зогсоно гэдэг тэсэхэд бэрх байна. Даарсандаа ханиад хүрч, өвдвөл шинжилгээ өгснөөсөө л дор юм болно. Дэг журам, зохион байгуулалт алга, хүмүүс ч зай барихгүй байна. Муугаар бодоход даарснаасаа болоод өвдөж, шинжилгээний хариу эерэг гарч, цаашлаад Сovid тусвал яах вэ. Миний хувьд, Багахангай дүүрэгт амьдардаг, манаачаар ажилладаг. Олон цаг хүлээж шинжилгээ өгөхөд хариу нь  3-4 хоног хүлээлгэж гарч байна. Шинжилгээний бичгээ үзүүлээд  явъя гэтэл хатуу хөл хорио тогтоосон.  Дахин, дахин шинжилгээ өгөхөөр гадаа зогсох үнэхээр хэцүү байна. PCR шинжилгээ авах ажил зохион байгуулалт алга. Дэг журам сахиулах цагдаа ч алга. Хүмүүс ч зай барихгүй юм. Шинжилгээний хариугаа хүлээж байх зуур дахиад хөл хорио тогтоож, хотоос гарах хөдөлгөөнийг хаачихвал яах вэ гэдэгт маш их санаа зовж байна.

Иргэн Ш.ЛУТБАЯР: 

-Иргэний үүргээ биелүүлж PCR шинжилгээ өгөхөөр өглөөнөөс хойш дугаарлалаа. Гэвч шинжилгээ өгөхөөсөө өмнө даарсандаа өвдөхөөр байна. Дөрвөн цаг гадаа зогссон болохоор хоолой сэрвэгнэж, толгой өвдөж байна. Шинжилгээ авах цагийг 09:00-18:00 цаг гэж заасан мөртлөө 15:00 цаг хүртэл л авч байгааг олон цаг дугаарласны эцэст сонслоо. Одоо 14:00 цаг болж байна. Би шинжилгээгээ өгч амжих боловч ард ээлжээ хүлээн зогсч байгаа өчнөөн хүн байна шүү дээ. Тэд дахиад маргааш ирэх болбол яах вэ. Хэрэв цагийн хуваариа богиносгосон бол эмч нар цайндаа оролгүй, хүмүүсээс шуурхай шинжилгээ авах хэрэгтэй. Шинжилгээ өгөх ээлж дөхсөн атал цаг орчим ямар ч хүнийг оруулсангүй. Гадаа даарч байгаа хүмүүсээ бодох хэрэгтэй. Нэгэнт л олон цаг гадаа зогссон болохоор гүрийгээд шинжилгээ өгөхөөр хүлээж байна. Иргэдээ хүйтэнд олон цагаар зогсоож PCR шинжилгээнд хамруулна гэвэл үнэхээр хүнд суртал, зохион байгуулалтгүйн л асуудал гэлээ.

ЭМЧ НАРЫН ХҮРЭЛЦЭЭГ НЭМЭГДҮҮЛЭХ ХЭРЭГТЭЙ ГЭВ

Шинжилгээ өгөх байранд ороход иргэдийг дөрөв дөрвөөр нь халууныг нь хэмжиж, ямар шалтгаанаар шинжилгээ өгч буй талаарх асуумж бөглүүлж байлаа. Тус цэгт 2 эмч ажиллаж буй харагдсан. Шинжилгээ авах өрөөнд хоёр эмч байх ба иргэдийг нэг, нэгээр нь оруулж PCR авч байв. Харин эмч мэргэжилтнүүд мэдээлэл өгөхөөс эрс татгалзсан ба албан ёсны зөвшөөрөлгүй мэдээлэл өгөхгүй гэлээ.

Бусад дүүрэгт ч иргэд хамгийн багадаа 2 цаг дугаарлаж, шинжилгээ өгч байгааг хэллээ. Мөн “Иргэдээ хүйтэнд гадаа зогсоох биш сургууль дотор нь 1.5 метрийн зай бариулж зогсоох, ахмад настан, жирэмсэн эмэгтэйчүүд гэрээсээ шинжилгээ өгөх боломжтой болох., эмч нарын тоог нэмэгдүүлэх шаардлагатай” гэж саналаа хэлэв. Шинжилгээ авах цэгт хоёр эмч ажиллаж байгаа нь хангалтгүй гэсэн юм.

АЖИЛ ОЛГОГЧ НАР ШИНЖИЛГЭЭНИЙ БИЧИГ ШААРДАЖ, ЗОХИОМОЛ АЧААЛАЛ ҮҮСГЭЖ БАЙНА

Covid-19 халдвараас урьдчилан сэргийлэх, тандалт судалгааны зорилгоор энэхүү сайн дурын үнэ төлбөргүй PCR шинжилгээнд иргэдийг хамруулаад багагүй хугацаа өнгөрч буй. Өнгөрсөн оны арваннэгдүгээр сараас хойш нийслэлийн хэмжээнд өнөөдрийг хүртэл 470 мянга гаруй иргэн PCR болон түргэвчилсэн оношлуурын шинжилгээнд хамрагджээ. Үүний маш бага хувь нь буюу 70 мянга орчим иргэн түргэвчилсэн оношлуураар шинжилгээ өгсөн байна. Тэгвэл өчигдөр гэхэд нийслэлийн хэмжээнд 30 цэгээр дамжуулан 16 мянган иргэн шинжилгээнд хамрагджээ.

Нийслэлийн эрүүл мэндийн газрын мэдээлснээр өндөржүүлсэн бэлэн байдлын зэрэгт шилжсэнээр шинжилгээ авах 30 цэгийн ачаалал эрс нэмэгджээ. Ингэхдээ аж ахуй нэгжүүд ажилчдаасаа шинжилгээний бичиг шаардаж байгаа нь зохиомол ачаалал үүсгэж байгааг онцлов.

Иргэдийн тухайд, албан байгууллагын шаардлагаар болон хөдөө орон нутаг руу зорчих зорилгоор дийлэнх нь сайн дурын шинжилгээнд хамрагдаж байгаа аж. Шинжилгээ авах цэгүүдэд ачаалал харилцан адилгүй ба нэг цэгт дунджаар өдөрт  500 гаруй иргэн үйлчлүүлдэг байна. Зарим цэгүүдэд нэг өдөрт  900 гаруй хүн шинжилгээ өгдөг байна.

ХҮН БҮР PCR ШИНЖИЛГЭЭ ӨГӨХ ШААРДЛАГАГҮЙ

Шинжилгээ өгөх иргэдийн урт дараалал үүсч буй асуудлыг ойрын хугацаанд шийдвэрлэж, иргэд дугаарлах шаардлагагүй цахимаар цаг авч, шинжилгээ өгөх боломжоор хангах зохицуулалт хийх юм байна. Энэ талаар Нийслэлийн Эрүүл мэндийн газрын мэргэжилтэн Б.Батцоожоос тодруулав.

-Нийслэлд шинжилгээ авах цэгүүдэд иргэдийн урт дараалал үүсч байна. Идэр ес дундаа орсон үед иргэд олон цагаар дугаарлаж буйг хэрхэн зохицуулах вэ. Шинжилгээ авах нэг цэгт хэчнээн эмч ажиллаж, иргэдээс шинжилгээ авч байна?

-Бүх нийтийн бэлэн байдлын зэрэг тогтоосныг нэг шат бууруулж өндөржүүлсэн бэлэн байдалд шилжсэнээр аж ахуй нэгжүүдийн үйл ажиллагаа эхэлж байна.Үүнтэй холбоотойгоор сайн дурын шинжилгээ авах цэгүүдийн ачаалал эрс нэмэгдэж урт дараалал үүсэх боллоо. Энэ асуудлыг зохицуулахаар бид судалж байна. Тун удахгүй цахимаар цаг авч, дугаарлах шаардлагагүй болно. Бид бүхэн Гэрэгэ.мн цахим сайтаас иргэд цаг авч, шинжилгээ өгдөг байх зохицуулалт хийхээр ажиллаж байна. Энэхүү сайт удахгүй ашиглалтад орно. Ингэснээр урт дараалал үүсэхгүй, иргэд цахимаар цаг авч, шинжилгээ өгнө. Мөн шинжилгээ авах цэгүүдэд 2-3 эмч ажиллаж, иргэдээс шинжилгээ авч байна.

-Эрүүл мэндийн яамнаас албан байгууллагын ажилчид шинжилгээ өгөх шаардлагагүй гэх мэдээллийг өгсөн. Гэтэл аж ахуй нэгжүүд шинжилгээний бичиг шаардаж байна. Covid-19 илрүүлэх PCR шинжилгээг хүн бүр өгөх шаардлагатай юу?

-Хөл хорионы дэглэмийг өчигдрөөс сулруулах болсноор аж ахуй нэгжүүд үйл ажиллагаагаа эхлүүлж байна.Үүнтэй холбоотой албан байгууллагууд ажилчдаасаа PCR шинжилгээ өгсөн байхыг шаардах болсон нь шинжилгээ авах цэгүүдэд зохиомол ачаалал үүсгэх боллоо. Гэтэл Эрүүл мэндийн яам, ХӨСҮТ-өөс албан байгууллагын ажилчид PCR шинжилгээ өгөх шаардлагагүй гэдгийг тодорхой хэлсэн. Аж ахуй нэгжүүд ажилчдаасаа шинжилгээний бичиг шаардаж, орон нутаг руу зорчих иргэд шинжилгээ өгөх гэсэн хоёр шалтгаанаар иргэд сайн дурын шинжилгээнд хамрагдаж байна.

Нийслэлийн хэмжээнд шинжилгээ авч буй цэгүүдэд батлагдсан тохиолдлуудын хавьтал болсон хүмүүс PCR шинжилгээ өгөх хэрэгтэй. Мөн батлагдсан болон хавьтал болсон хүмүүсийн зорчсон газраар санаандгүй дайрч өнгөрсөн, эрсдэлтэй нөхцөлд ажилладаг буюу банк, худалдааны салбарын ажилчид шинжилгээ өгөх хэрэгтэй.

Товчхондоо, PCR шинжилгээнд хүн бүр хамрагдах шаардлагагүй. Ердөө арван хүн тутмын нэг нь л шинжилгээ өгөх хэрэгтэй. Хэрэв албан байгууллага бүр ажилчдаасаа шинжилгээний бичиг шаардаж, хүн бүр сайн дураараа PCR шинжилгээ өгнө гэвэл шинжилгээ авах цэгүүд, лаборатори, эмч мэргэжилтнүүд хүрэлцэхгүй. Шинжилгээ авах цэгүүдэд урт дараалал үүсгэж буй хүмүүсийн 40 хувь нь албан байгууллагын шаардлагаар бол бусад нь сайн дурын болон орон нутаг руу зорчих иргэд байна.

Ер нь иргэдийн тухайд 30 шинжилгээний цэгт ямар хүмүүс шинжилгээ өгвөл зохих вэ гэхээр өөрт нь эмнэлзүйн шинж тэмдэг илэрсэн /халуурч хоолой нь өвдсөн/, халдвар илэрсэн газарт явсан, хавьтал байж болзошгүй гэж үзсэн үедээ шинжилгээ өгөх ёстой. Тиймээс хэн нэгэнтэй хавьтаагүй, гэртээ байдаг иргэд шинжилгээ өгөх шаардлагагүй. Хүмүүс онцын шаардлагагүй байхад PCR шинжилгээ өгч урт дараалал, зохиомол ачаалал  үүсгэж  байна.

-Шинжилгээ өгөх цэгт дугаарлаж буй иргэдийн зүгээс эмч нарын хүрэлцээг нэмэгдүүлэх. Цайны цагаар  эмч нар ээлжилж иргэдээс шинжилгээ авч болдоггүй юм уу гэдэг асуудлыг хөндөж байна. Мөн цагийн хуваариасаа эрт хаалгаа барьж байна гэх?

-Нийслэлийн хэмжээнд тодорхой заасан байршлуудад 09:00-17:00 цаг хүртэл шинжилгээ авч байна. Зарим цэгүүдэд шаардлагатай үед эрт хааж, хүн хүч хэрэгтэй цэгүүдэд эмч нарыг дайчлан ажиллаж байна. Тиймээс биш цагийн хуваариас эрт  шинжилгээ авахаа зогсоож, хаагаагүй.

Мөн цайны цагаар шинжилгээ авах байруудад ариутгал халдваргүйжүүлэлт хийдэг тул эмч нар ээлжилж иргэдэд үйлчлэх, шинжилгээ авах боломжгүй.

Халдваргүйжүүлэлт хийж буй үед хэн ч дотогш нэвтрэх боломжгүй байдаг. Энэ үед эмч нар хэсэг хугацаанд амарч, цайлдаг болохыг иргэд зөвөөр ойлгох хэрэгтэй. Хамгаалах хувцас хэрэгсэл өмссөн эмч, ажилтан  5-6 цаг ус балгах ,хувцас тайлах, бие засах эрхгүй. Битүү хөлөрдөг.  Харин ч олон цагаар ажиллаж байгаа. Ердөө л халдваргүйжүүлэлт хийх хугацаанд л эмч нар түр амьсгаа авдаг гэсэн үг.

Шинжилгээ өгөх цэгүүдэд зохион байгуулалтыг яаралтай хийхгүй бол эрүүл хүн өвчлөхөөр хүнд байна гэдгийг иргэд шүүмжилж байгаа бол холбогдох албаны хүмүүс “хүн бүр шинжилгээ өгөх шаардлагагүй” гэв.

Энэ мэдээнд өгөх таны сэтгэгдэл?
7
ХахаХаха
4
ХарамсалтайХарамсалтай
4
ТэнэглэлТэнэглэл
2
БурууБуруу
0
ЗөвЗөв
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

39 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-12 202.9.46.65

Өдөржин ажиллаж байгаа эмч цайгаа ууж болохгүй юм уу, би гэсэн хувиа бодсон бодлоо хая УОКЭМЯ ХӨСҮТ гэсэн зохион байгуулж чадахгүй эрх мэдэл бүхий байгууллагат нь хэл

Avatar

Зочин 2021-01-12 202.9.46.65

Эмч нар цайгаа ууж болохгүй юм уу тэгээд би л болж байвал гэдэг сэтгэхүйгээ хаях хэрэгтэй , нөхцөл байдлыг ойлгох хэрэгтэй , зохион байгуулж байгаа УОК ЭМЯ ХӨСҮТ зэрэг газарт хэлээч ажлаа хийж байгаа эмч ажилчдыг л буруутгах юм

Avatar

Zochin 2021-01-12 47.28.59.231

''Unkhaagui noyoni urgashgui albat'' gedeg l bolj

Avatar

Irgen narangaravt 2021-01-12 192.82.77.32

Ajliinhaa chuluuguur shinjilgee uguh gj bna gnuu eniig odoo yu gj oilgoh ve iimerhuu malnuud virus teecheed chuluut yavad bval haldvar hurdan tarhana bizdee mal chin shinjilgee ni eireg garch ahiad karantilahviidee

Avatar

Irgen 2021-01-12 64.119.24.86

Ajil olgogchid gechchee muusain malnuud mini bugdeeree gadaa zohsoj shinjilgee av. Uhsen elencegnii chin cainii cag. Muusain novshnuud.

Avatar

Hn 2021-01-12 98.204.176.20

Ingej shinjilgee avah bol dugaarlaj zogsohdoo haldvar avahiig uguisgehgui.holion bantan bno

Avatar

DURAK 2021-01-12 185.220.102.241

Teneg malnuudaa surguuliihaa deed davharuudaar oruulj zogsoogood tegee neg buland ni test ee avaachee tumen amitan hulduj uhlee naana chini

Avatar

Зочин 2021-01-12 64.119.19.192

GUMUDAN GUMUDANI GUMUDANIL

Avatar

Зочин 2021-01-12 64.119.19.192

GUMUDAN GUMUDAN NIHAL SEMPALTAN

Avatar

zochin 2021-01-12 66.181.161.106

Momgold buteh yum baihgui
Mongold butehgui yum baihgui

Avatar

Зочин 2021-01-12 64.119.25.153

УOК ажлаа муу зохион байгуулдаг, иргэд олон түмэнд хүндрэл учруулж байгаагийн тод жишээ. Аливаа ажлыг хийхийн өмнө бодож төлөвлөж, өөрийн боломж бололцоонд тулгуурлаж, гарах үр дагавар, цаашдын ашиг тус тооцож байх хэрэгтэй. Санаанд орсоноо хийх гэж зүтгэхээр бүтэл муутай л байх болно. Энийг манай дарга даамлууд хэзээ ойлгох болдоо.

Avatar

ЗОЧИН 2021-01-12 103.26.194.183

ЮУН ТЭНЭГ ЮМ БЭ?! ААН ӨӨРСДӨӨ ЗОХИОН БАЙГУУЛААД АЖИЛЧДАА ШИНЖИЛГЭЭНД ХАМРУУЛАХ ХЭРЭГТЭЙ Ш Д. ХЯТАД Л ГЭХЭД ДИДИ ТАКСИНЫ ҮЙЛЧИЛГЭЭНИЙ КОМПАНИЙН ЖОЛООЧДООС КОВИД ИЛЭРСЭН ГЭЭД КОМПАНИЙГ НЬ 1 САЯ ДОЛЛАРААР ТОРГОСОН БАЙНА.

Avatar

Зочин 2021-01-12 202.9.40.168

Завхарсан юм бэ, хэнд хэрэгтэй гэж хүмүүсийг хохироон шинжилгээ нэхдэг байна аа.

Avatar

Зочин 2021-01-12 192.82.70.167

abart orosn uhluut baiga ah min uhejj baihad uzelr dajignaj doromjolosn baij yunda miss enerel geed pildaga hidin bee.heden sar taiban hebteed ah mine degreh baisan gej heljina bid. amia nehjina eagle t .

Avatar

Зочин 2021-01-12 192.82.70.167

sehend uhluut egmteet aabrt orosn ah min enerj cahdahgui baij. bia sar gej helegui baina hedens ar atiban hebtuulj chadahgui baij yundaa miiss world enerel emdej suraldaa.

Avatar

Зочин 2021-01-12 192.82.70.167

seheend uhluut hebtej baiga hunig yaj iim muuhai doromjolod dajignadag baina. gert shilen gerel sablad unat teged shileni hagrhaid zusen gene . bitgi hudlaa hutsall daa enerel moijg arhini shileni hagarhaigar hutgalsan shdee. ii onigond hen itgehin boldoo.zuusen zurag shilen ram hagrsan tgeel gara zusen gene shaalhuu pizdala ter anha hutgalsan shdee.

Avatar

Зочин 2021-01-12 192.82.70.167

jiriin neg ard huna bart orood emnelgt hebetrher saidin huhed ireel muuhai dajignaj doromjilod toglod doog tohuu hiidin bainale. margah yumgui uzeler muuhai changa duugaral parjignal motor tomor duugaral tegsen onigoo chin ene gazar hodololt shono untaj baihad or der sablasan gene yunda iim lagaani onigoo yaridn boloo. bolil doo. emnelegt hun alsan hun yaj eagle TV mede unshaad suudin bee.obchtei hunig enerj cahdahgui baij a*******n geed helnee.

Avatar

Зочин 2021-01-12 192.82.70.167

ulaam tsaim gert haiju house dood aild uzeler changa yarigchar zlgaad muhai changa dugaral parjignaal chihni hengereg min hagalj alh gej baigam shige changa duugaral. tegsen MXEG en gazar hodolod or der sablasan gel yun onigoo yaridin bee. bolio

Avatar

иргэн 2021-01-12 64.119.21.84

Бэлэн байдлын зэргийг буулгахдаа л ажилдаа орохдоо PCR шинжилгээ өгөх шаардлгагүй гэж анхааруулсан ш дээ. Ямар байгууллага тэгж шаардаад байгааг нь олж мэдээд бичээч, сэтгүүлч ээ. Өөрөө ч ямар ч мэдээлэлгүй байж дандаа хүмүүсийн сэтгэл мэдрэлээр тоглоод байх юм.

Avatar

зочин 2021-01-12 150.129.142.186

Мангар бөх Сумтай базарын албатууд энэ ажлыг урьдчилаад яагаад төлөвлөж зохицуулахгүй юугаа хийж байсан юм бэ. Энэ мангар бөхийг Хүүк хурдан огцруулах хэрэгтэй байна. Томилж болсон юм огцруулж болно ш дээ. Нам энэ тэр гээд байлгүй 1.5 сая хүний эрх ашигийг хамгаалах хэрэгтэй ш дээ. Хүүк сайд энэ нөхөрт зодуулсандаа болоод айгаад байгаа юм уу хайшаа юм бэ.

Avatar

Зочин 2021-01-12 66.181.178.112

76 ковидоор үхэж хөдөлгөөнийг түргэтгээсэй гэж залбир даа хүмүүс ээ

Avatar

1 2021-01-12 66.181.181.120

Манай төр засгийн модон шийдвэр үйл ажиллагаа амьдралд ийм л байна.Өөрсдөө том том яриад л

Avatar

Буяа 2021-01-12 66.181.191.196

Цахимаар дугаар олгоод авч болмоор юм, одоо чинь 21-р зуун шүү дээ, алийн болгон 100 жилийн өмнөх шигээ жинхэнэ хашраалтанд орж эрүүл мэнд алтан цагаа үрэх болж байна а, ийм төр засагтай байдаг заяа ч үгүй ард түмэн юм а бид,

Avatar

zochin 2021-01-12 202.179.25.7

banknii gadaa zogsono, chinjilgeend bas zogsono, daarch ,ydarch zovj bna.ene tor zasag chereg alga

Avatar

Зочин 2021-01-12 202.55.188.90

Bankind yundaa zogsood baidgiin, buh uilchilgeeg internet bank, online app, ATM-r hiij baihad chin

Avatar

Зочин 2021-01-12 64.119.17.33

Дулаан газар шинжилгээгээ авчихаж болдлггүй юм уу

Avatar

Зочин 2021-01-12 122.201.24.241

torguuidn altan oboo geed helsen ih uraliin gishuun uurlal paah peeh iim muuhai geel zagnaal tsogzolmaa gishuun martagui biz gej oilgojinaa. odo bolhoor neeh baatra durd togloh demii uchral gishuunee. er hun iim pildaga baih muuhai ldaa. Torguudin altan oboo aminaas untei nutag gazar shoroo mine. bas dahiad helii yadiin bi helsiin bojinuu.

Avatar

Й 2021-01-12 66.181.161.78

Өрх бүр 1 гэсэн зарчмаар шинжилгээ өгсөн хүнтэй гэр бүлийн хүнээс шинжилгээ шаардана гэдэг тэнэг хэрэг шүү.

Avatar

Зочин 2021-01-12 202.21.108.23

Шүлсээр хурдан шинжилгээ авдаг болсон байна. Оруулж ирэх арга байхгүй юу. Барууны орнуудад Үйлчилгээний байгууллагууд долоо хоног бүр шүлсээр шинжилгээ авчихдаг юм байна.

Avatar

зочин 2021-01-12 203.91.118.150

Өвдсөн хүнтэй хавьтал болоогүй бол шинжилгээ өгөх хэрэггүй,,,,Яах гээд шинжилгээ өгнө гээд очерлоод байдаг юм бээ,,,УОК, НОК-руу чихэж хэрэггүй,,, хэрэгггүй хүн л шинжилгээ өгөхөө боьчих хэрэгтэй, тэгээд л асуудал шийдэгдэнэ. Эргүү монголчууд өөрсөндөө байгаа асуудлаа дандаа хэн нэгэнрүү чихнэ. малнаас доор ш дээ,

Avatar

Зочин 2021-01-12 66.181.188.120

Тэр манаач үхсэнээ хийж 4 удаа шинжилгээ өгдөг байнаа. Эргүү хар хүүр вэ.

Avatar

Запас масктай очоорой! 2021-01-12 192.82.73.12

Шинжилгээ өгөхөөр гадаа дугаарлаж байгаа хүмүүс нөөц 1-2 маск авч очмоор юм байна лээ шүү! Гадаа хүйтэнд удаан (30мин – 1 цаг) зогсохоор маскны дотор тал хөлрөөд, нороод… тэгээд дотор орохоор солихоос өөр аргагүй болж байна лээ, үүнийг анхаармаар юм байна лээ шүү

Avatar

иргзн 2021-01-12 202.179.26.88

Иргэд өөрсөдөө Буруутай , саяын Хөл хориогы үеэр Дүүргүүдын шинжилгээ авч байгаа газруудад бараг очергүй шахам Хэвлэл мэдээллээр Шинжилгээгээ өгөөрөй гээд л зарлаад байхад өгөөгүй байж одоо тэгээд Төр засаг руугаа Буруу чихдэг байдлаа болих хэрэгтэй, Монголчууд Хэнэггүй байдлаасаа салах цаг болсон,

Avatar

Зочин 2021-01-12 59.153.113.189

Ажил амьдрал мэдэхгүй Хүрэлсүхиыг зайлуулаачээ. Урдаас "ган" хиых нохоий ч их хуралд байхгүй болжээ

Avatar

Зочин 2021-01-12 122.201.22.193

УОК, НОК-ийн байж байгаа царай нь энэ шүү дээ!!! Манай одоо цагийн дарга нар ажил зохион байгуулж огт чадахгүй юмаа!!! Германд вакцин хийлгэсэн монгол иргэний яриаг уншсан уу? Тэр олон сая хүн амтай улсад вакцин хийлгэхийн тулд огт хүлээгдэл гарахгүйгээр зохион байгуулж байна шдээ!!!

Avatar

Badarc3h taxar 2021-01-12 192.82.76.45

Hawar zunjingaa shinjelgee ogno oirin 5n jil bas ogno oocherloj surctgaaya

Avatar

Зочин 2021-01-12 124.158.112.2

Гэрэгэ-ийн програм маш их гацдаг нь шинжилгээ авахад бүртгэл хийх, сорьцыг баталгаажуулах зэрэг нь маш удаашралтай юм билээ. Үүнээс болоод шинжилгээ авах процесс хүлээгдэж ачааллыг ихэсгэж байгаа

Avatar

Зочин 2021-01-12 64.119.27.172

Манай сүлжээний хурд удаан байгаатай холбоотой байж мэднэ. Вэб программ ашиглаж байгаа бол сүлжээний хурд программд нөлөөлнө. Компьютерын сүлжээнд вирус их тул монгол улсын мэдээллийн аюулгүй байдлыг хангах тухай сайн ажиллах шаардлага байсаар байна. Коронавирус шиг бас нэгэн гамшиг энд байна.

Avatar

Зочин 2021-01-12 202.21.108.176

PCR шаардлагагүй гэсэн шүүдээ

NewsMN Гар утасны хувилбар Татах
NEWS.mn

Мэдээллийн эх сурвалж