Улаанбаатараас гарах, орох хөдөлгөөнд тавигдах шаардлага | News.MN

Улаанбаатараас гарах, орох хөдөлгөөнд тавигдах шаардлага

Улаанбаатараас гарах, орох хөдөлгөөнд тавигдах шаардлага

Улаанбаатараас гарах, орох хөдөлгөөнд тавигдах шаардлага

Өндөржүүлсэн бэлэн байдлын зэрэгт шилжсэн хугацаанд Улаанбаатар хотоос гарах,  хот руу орох хөдөлгөөнийг  Монгол Улсын Шадар сайдын тушаалаар баталсан “Хот хоорондын зорчигч хөдөлгөөнийг зохион байгуулах тухай” түр журам, Нийслэлийн Засаг даргын 2021 оны А/06 дугаар  захирамжийн хүрээнд Улаанбаатар хотын авто тээврийн шалган нэвтрүүлэх товчоодын хөдөлгөөнийг дараах байдлаар зохицуулна. Үүнд:

Улаанбаатар хотоос гарах хөдөлгөөн:

-Улаанбаатар хотоос аймаг, орон нутагт доорх зөвшөөрөгдсөн шалтгаанаар зорчигчид бүгд PCR шинжилгээний хариутай байна.

-Хүнсний бүтээгдэхүүн тээвэрлэлтийн үйл ажиллагаа (жолооч, туслах жолоочийн ажлын үнэмлэх, хүнс нийлүүлэх гэрээ, баримт)

-Шатахуун тээвэрлэлтийн үйл ажиллагаа (жолооч, туслах жолоочийн ажлын үнэмлэх, шатахуун тээвэрлэгч компанийн гэрээ, баримт)

-Эм, эмнэлгийн хэрэгсэл (жолоочийн ажлын үнэмлэх, холбогдох зөвшөөрөл)

-Эрүүл мэндийн үйлчилгээ (эмчийн магадлагаа)

-Мал, амьтны өвс тэжээл тээвэрлэлтийн үйл ажиллагаа (холбогдох зөвшөөрөл)

-Орон нутаг руу чиглэсэн оршуулгын үйл ажиллагаанд оролцох (Улсын Онцгой комиссын Шуурхай штабт хүсэлтээ гаргаж шийдвэрлүүлнэ)

-Бусад шаардлага, нөхцөлөөр иргэд, аж ахуйн нэгж байгууллагуудын зорчих хүсэлтийг хүлээж авахгүй бөгөөд зайлшгүй гэж үзвэл тухайн орон нутгийн Онцгой комисстой зөвшилцөнө.

Улаанбаатар хот руу орох хөдөлгөөн:

Сэлэнгэ аймгийн Сүхбаатар сум, Дорноговь аймгийн Замын-Үүд сумаас зорчиж буй иргэн, аж ахуйн нэгж байгууллагын төлөөлөл ПГУ буюу PCR шинжилгээний хариутай нэвтэрнэ. Бусад аймаг, орон нутгаас ирэх иргэдийг эрүүл мэндийн асуумжаар нэвтрүүлнэ.

Нийслэлийн нутаг дэвсгэрт, шалган нэвтрүүлэх товчоодын гадна байршилтай Баянзүрх дүүргийн 20, Сонгинохайрхан дүүргийн 21, 32, Хан-Уул дүүргийн 13, 14 дүгээр хороонд амьдардаг болон үйл ажиллагаа эрхэлдэг иргэн, аж ахуйн нэгжийн ажиллагсдын нотлох баримтыг үндэслэн PCR шинжилгээний хариу шаардахгүйгээр товчоогоор нэвтрүүлнэ. (Нотлох баримтад тухайн оршин суух нутаг дэвсгэрийн хаягтай иргэний үнэмлэх, аж ахуйн нэгж байгууллагын гэрчилгээ, газар эзэмших эрхийн гэрчилгээний нотариатаар баталгаажсан хуулбар, ажлын үнэмлэх, бусад шаардлагатай баримт багтана.)

Жич: Авто тээврийн шалган нэвтрүүлэх товчоогоор зорчих иргэд иргэний үнэмлэхээ биедээ заавал авч явна.

Эх сурвалж: НИЙСЛЭЛИЙН ОНЦГОЙ КОМИСС
Б.ЖАРГАЛ

Энэ мэдээнд өгөх таны сэтгэгдэл?
3
ЗөвЗөв
2
БурууБуруу
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-11 103.26.195.58

Шинжилгээ хийлгээд гадаадаас иргэдээ авдгийн адилаар орон нутгийн өвчтэй иргэдээс шинжилгээ аваад гэрт нь хариулах хэрэгтэй. Өвдсөн зовсон хүмүүс ямар ганц нэгээрээ ирэх биш энэ удаан хорионы үед байгаа айлдаа ч аль аль талдаа хүндрэлтэй шдээ, энэрэнгүй байгаач хичнээн хорих юм хөөрхийс хариг дээ.

Avatar

Зочин 2021-01-11 203.91.115.56

Орон нутгаас эмлэгт үзүүлэхээр ирсэн Одоо яаж буцах вэ Унаа байхгүй Автобус явахгүй Балар ч байна

Avatar

Жагаа 2021-01-11 202.126.90.139

Зөвшөөрөл олгоно гэдгээс айдаг болж байна шүү. Дандаа хүнд суртал, төвөгшил, хээл хахууль

Avatar

Зочин 2021-01-11 122.201.22.193

Ерөөс УБ болон бусад аймаг, хот хоорондын хөдөлгөөнийг бүрэн хаах нь зүйтэй!!!

Avatar

Зочин 2021-01-11 64.119.20.55

Mal s** we

Avatar

Зочин 2021-01-11 103.26.193.85

хөвсгөл булган явж бга хүмүүс эрдэнэтээр дайрч явахгүй биздээ ёстой хог болно шүү

Avatar

зочин 2021-01-11 43.242.242.6

орон нутгаас түр орж ирсэн иргэн цөөн хоног болоод буцаад гарах бол яаж гарах вэ

Avatar

Зочин 2021-01-11 66.181.161.16

Налайх дүүргийн иргэд ямар нөхцлөөр нэвтрэх вэ

NewsMN Гар утасны хувилбар Татах
NEWS.mn

Мэдээллийн эх сурвалж