Тэрүнофүжи Ган-Эрдэнэ, Ичиножо Ичинноров нар эхний даваагаа авав | News.MN

Тэрүнофүжи Ган-Эрдэнэ, Ичиножо Ичинноров нар эхний даваагаа авав

Тэрүнофүжи Ган-Эрдэнэ, Ичиножо Ичинноров нар эхний даваагаа авав

Тэрүнофүжи Ган-Эрдэнэ, Ичиножо Ичинноров нар эхний даваагаа авав

Японы мэргэжлийн сүмо бөхийн хацү башё өчигдөр (2021.01.10) Токио хотын Рёогокү Кокүгикан ордонд эхэллээ. Цар тахлын улмаас 5000 үзэгчийг л ордонд орохыг зөвшөөрч буй энэ удаагийн хацү башёд Хакүхо М.Даваажаргал болон Какүрюү М.Ананд нар бэртэл гэмтэл, Covid-19-ийн улмаас барилдах боломжгүй болсон билээ. Ийнхүү зүүнийг озэки Такакэйшо, барууныг озэки Шодай нар манлайлах болсон.

Хакүхо М.Даваажаргал болон Какүрюү М.Ананд нар сүүлийн дөрвөн башё дараалан бэртлийн улмаас бүтэн барилдаж чадсангүй.

Зүүнийг манлайлж буй озэки Такакэйшо эхний өдөр комүсүби Митакэүмитэй тааран барилдсан ч өвдөг шороодлоо. Харин барууныг манлайлж буй озэки Шодай маэгаширагийн нэгдүгээрт эрэмбэтэй Хокүтофүжиг давсан бол залуухан озэки Асанояама Дайэйшод унажээ.

Нийт 65 бөх Covid-19-ийн халдварын улмаас энэ удаагийн башёг өнжихөөр болсон.

Озэки цолоо эргэн авах хүсэлтэй сэкивакэ Тэрүнофүжи Г.Ган-Эрдэнэ эхний өдөр маэгаширагийн гуравт эрэмбэтэй Котошохог, Ичиножо А.Ичинноров маэгаширагийн 12-т эрэмбэтэй Тэрүцүёошиг тус тус давж, башёг эрчтэй эхлүүллээ.

Маэгаширагийн дөрөвт эрэмбэтэй Тамаваши Б.Мөнх-Оргил Точиношинд, маэгаширагийн наймд эрэмбэтэй Кирибаяама Б.Лхагвасүрэн Токүшорюүд, маэгаширагийн 14-т эрэмбэтэй Хошорюү С.Бямбасүрэн Ютакаяамад тус тус өвдөг шороодож, нэг унаатай башёг эхлүүллээ.

Энэ мэдээнд өгөх таны сэтгэгдэл?
4
ТэнэглэлТэнэглэл
3
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-01-11 202.9.40.156

Энэ махан бөмбөгүүдийг үздэг хүмүүс өөрсдийгээ соёлтой, спортод дуртай гэж хэлж болноо. харин японд хайртай дуртай, япон соёл дээдэлдэг гэж л битгий л хуцаарай. Одоо наад новшуудыг чинь үздэг хүн байхгүй. За энэ цаг үед улаанбаатарт л л байхгүй. Хэдий өдрийн хоолоо гэж байсан ч үзэх хүн байхгүй болсон.

Avatar

хуульч 2021-01-11 88.125.80.192

одоо энэ балай юмнуудын талаар төрийн мэдээний сайт мэдээлж байхаа болимоор бна.

Avatar

SUMO 2021-01-11 202.179.25.232

УБ суваг яасан бэ сумо гаргах уу

Avatar

1 2021-01-11 66.181.181.123

юуг нь үздэг юм бэ?

NewsMN Гар утасны хувилбар Татах
NEWS.mn

Мэдээллийн эх сурвалж