Иракийн өмнөд нутгийн Басра боомт хотын бараан захын цахилгаан генератор дэлбэрсний улмаас 14 амиа алдаж, 110 хүн шархадсан байв.

Хэвлэлийн агентлагуудын мэдээнд амь үрэгдэгсдийн тоог 20,43, 60 гэх мэтээр нэрлэж байна. Мөн шархдагсдын тоо 200 орчим болж магадгүй гэнэ.

Богино холболт ослын гол шалтгаан гэж цагдаагийнхан мэдэгдсэн байлаа. Гэсэн ч хотын аюулгүй байдлын албаныхан  алан хядах ажиллагаа байж болох хувилбарыг бас авч үзэж байгаа ажээ. Гэрч нарын яриагаар зах дээр наад зах нь 2-3 дэлбэрэлт гарсан гэнэ.