Гэмтэл согог судлалын үндэсний төвд өчигдөр /2021.01.05/ тандалт хийж, бүх эмч, ажилчдаас PCR шинжилгээ авахад бүгд сөрөг гарчээ. Тус эмнэлгийг нэгдүгээр сарын 5-нд 18.00 цагт хамгаалалтад авсан байна. Баянгол дүүрэгт байрладаг энэ эмнэлэгт шинэ голомт болоод байгаа “Ачтан элит клиник” эмнэлгийн эмч ирж өвчтөн үзсэн байна.

Тиймээс зайлшгүй тандалт хийх шаардлагатай гэж үзжээ. Тухайн эмчийн үзсэн хүн болон ойрын хавьтал болсон хүмүүсээс PCR шинжилгээ авахад хариу нь сөрөг гарсан талаар тус эмнэлгийн захирал Э.Галбадрах мэдээллээ. Тэрбээр “Манай эмнэлгийг тусгаарлаагүй. Тандалт л хийсэн. Манай ажилчид бүгд PCR шинжилгээ хийлгэсэн. Шинжилгээний хариу шөнөдөө гарч, бүгд сөрөг гарсан” гэсэн юм.