Гэмтлийн тусламжийг УНТЭ, УХТЭ, ТТАХНЭ үзүүлж байна | News.MN

Гэмтлийн тусламжийг УНТЭ, УХТЭ, ТТАХНЭ үзүүлж байна

Гэмтлийн тусламжийг УНТЭ, УХТЭ, ТТАХНЭ үзүүлж байна

Эрүүл мэндийн яамнаас эрүүл мэндийн салбарын шинэчлэлийн хүрээнд тусламж, үйлчилгээний төвлөрлийг сааруулах бодлого  хэрэгжүүлж эхэлсний дагуу осол гэмтлийн яаралтай тусламжийг Гэмтэл согог судлалын үндэсний төвөөс гадна  Улсын нэгдүгээр төв эмнэлэг, Улсын хоёрдугаар төв эмнэлэг, Төрийн тусгай албан хаагчдын нэгдсэн эмнэлэгт үзүүлдэг болсон.

Тэгвэл дээрх эмнэлгүүдэд осол гэмтлийн яаралтай тусламж үзүүлж эхэлснээс хойш буюу 2020 оны 11 сарын 01-нээс 12 сарын 31-ны өдрийн байдлаар нийт 12585 хүнд осол, гэмтлийн үеийн эмнэлгийн яаралтай тусламж үйлчилгээг үзүүлсэн байна.
Үүнд:

  • 11916 буюу 94.7%-ийг ГССҮТөв
  • 420 буюу 3.3%-ийг УНТЭ
  • 175 буюу 1.4%-ийг УХТЭ
  • 74 буюу 0.6%-ийг ТТАХНЭ үзүүллээ.

Харин нийт осол гэмтлийн яаралтай тусламж авсан үйлчлүүлэгчдийн 56.1% нь эрэгтэй, 43.9% нь эмэгтэй байна.

Осол гэмтлийн тэргүүлэх шалтгаанаар авч үзвэл:

  1. Уналт 46.9%
  2. Амьгүй механик хүчинд өртөх 17.3%
  3. Амьтай механик хүчинд өртөх 8.5%
  4. Хүчирхийлэл 7.9%
  5. Зам тээврийн осол 6.5%-ийг эзэлсэн байна.

Түүнчлэн гэмтэл, ослын яаралтай түргэн тусламжийг Баянгол дүүргийн Эрүүл мэндийн төв, СХД-ийн шинэ эмнэлэгт мөн үзүүлж байгаа бөгөөд  цаашид хөдөө, орон нутаг, дүүргийн эмнэлгүүд гэмтлийн тусламж, үйлчилгээг үзүүлдэг болсноор нас баралтын тэргүүлэх шалтгаан болсон осол гэмтлээс үүдэлтэй нас баралтыг бууруулах чухал алхам болох юм.

Эх сурвалж: ЭМЯ

Энэ мэдээнд өгөх таны сэтгэгдэл?
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

б 2021-01-05 43.242.243.92

Их зөв юм хийж байна. Осолд орсон хүнийг аль ойрхон эмнэлэгт нь цаг алдахгүй хүргэвэл аврагдах боломж нь нэмэгдэнэ.

NewsMN Гар утасны хувилбар Татах
NEWS.mn

Мэдээллийн эх сурвалж