Хармагтайн ордын 53.1 тонн алтыг улсын нөөцөд бүртгэв | News.MN

Хармагтайн ордын 53.1 тонн алтыг улсын нөөцөд бүртгэв

Хармагтайн ордын 53.1 тонн алтыг улсын нөөцөд бүртгэв

Хармагтайн ордын 53.1 тонн алтыг улсын нөөцөд бүртгэв

Монгол Улсын Засгийн газрын ээлжит хурал 2020 оны арванхоёрдугаар сарын 30-ны өдөр болсон. Энэ үеэр Хармагтайн ордын 53.1 тонн алтыг улсын нөөцөд бүртгэх шийдвэр гаргажээ. Тодруулбал, “Геологийн судалгааны төв” ТӨҮГ, төрийн өмчит “Эрдэнэс сильвер ресурс” ХХК-ийн геологчдын хамтарсан баг Өмнөговь аймгийн Цогтцэций суманд “Хармагтайн” бүлэг ордын “Овоот хяр” хайгуулын тусгай зөвшөөрлийн талбайн “Хойд бүргэдэй” хүдрийн биетэд 53.1 тонн алтны нөөц буйг тогтоосон байна.

Нарийвчилсан хайгуулын хээрийн ажлыг 2020 оны арваннэгдүгээр сарын 30-ны өдөр дуусгаж, тогтоогдсон алтны нөөцийг Эрдэс баялгийн мэргэжлийн зөвлөлөөр хэлэлцүүлэн, улсын нөөцөд бүртгүүлжээ.

Үлдсэн хүдрийн биетүүдэд шаардлагатай судалгааг үргэлжлүүлэн хийснээр нөөц нь 60 хувь хүртэл нэмэгдэх төсөөлөл гарсан аж. Тус орд газарт хайгуулын ажлыг үргэлжлүүлэн хийж, алт болон бусад ашигт эрдсийг бүрэн гүйцэд тогтоох ажлыг улсын төсвийн хөрөнгөөр 2021 онд хийж гүйцэтгэх нь зүйтэй гэж үзсэн байна.

Э.БУРАМ

Энэ мэдээнд өгөх таны сэтгэгдэл?
2
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-01-03 202.9.40.34

Аль болох улсын байгууллагаар хайгуул хийж илэрсэн баялагаа улс нь авч ард иргэддээ өгч байх нь хамгийн зөв шийдэл юм. Тэгэхгүй бол хувийн компани аваад хэдхэн гэр бүл хагартал баяжаад үр хүүхдүүд нь гадаадад үнэтэй дээд сургуульд сураад тэндээ үлдэж иргэншил авч байна.Тэд Монголоос олсон мөнгөө гадаадад цацаж амьдарч байна. Бидний өвөг дээдэс монголын бүх иргэдэд өгөх гэж амь насаараа хамгаалж ирсэн баялагыг нэг гэр бүл ганцаараа эзэмшинэ гэдэг байж болошгүй завхрал юм.

Avatar

Зочин 2021-01-03 192.82.75.215

Геологийн судалгааны тѳв бол халтуурны байгууллага. Нѳѳц нь хүрэхгүй байвал наад байгууллагынхаа улсуудыг хариуцлагад татаарай!

Avatar

Зочин 2021-01-03 202.179.2.147

Хээрийн ажил нь сарын өмнө дуусаад нөөц нь ордог.

Avatar

Зочин 2021-01-03 66.181.190.70

Халтуур гэдэг чинь энэ. Тэр жил Мандал Овоо сумын Олон-Овоотын алтны ордны нөөцийг батлаад дараа нь яалаа лаа?

NewsMN Гар утасны хувилбар Татах
NEWS.mn

Мэдээллийн эх сурвалж