Монгол улсын “Биеийн тамир, спортын тухай” хуулийн 8.1.9, 8¹ дэх заалт, Эрүүл мэндийн сайдын 2010 оны 363 тоот тушаалыг хэрэгжүүлэх зорилгоор Биеийн тамир, спорт, чийрэгжүүлэлтийн байгууллагын үйл ажиллагаа, үйлчилгээний чанар, хүртээмжид хөндлөнгийн хяналт-шинжилгээ хийн дүгнэлт гаргах “Биеийн тамир, спорт чийрэгжүүлэлтийн магадлан итгэмжлэлийн шинжээч”-ийн сонгон шалгаруулалтанд оролцохыг урьж байна.

Тавигдах шаардлага:

1.   Мэргэжлийн болон эрдмийн зэрэг цолтой;

2.   Байгууллагын үйл ажиллагаанд үнэлгээ, дүгнэлт өгөх, багаар ажиллах чадвартай, дадлага туршлагатай, мэргэшсэн;

3.   Тухайн мэргэжлийн чиглэлээр ажиллаж байсан туршлага бүхий;

4.   Мэргэжлээрээ 10-аас дээш жил ажилласан;

5.   Гэмт хэрэгт холбогдож байгаагүй;

Бүрдүүлэх материал:

1.   Сонгон шалгаруулалтанд оролцохыг хүссэн өргөдөл;

2.   Биеийн байцаалт (төрийн албан хаагчийн 1-р маягтаар);

3.   Иргэний үнэмлэхийн хуулбар

4.   Боловсролын диплом, мэргэжлийн үнэмлэхийн  хуулбар

5.   Шинжээчээр ажиллахыг дэмжсэн байгууллага, хамтран ажиллаж байсан 2 хүний тодорхойлолт

6.   Цээж зураг 2 хувь (3х4 хэмжээтэй)

7.   Цагдаагийн байгууллагын ял шийтгэлгүйг нотолсон тодорхойлолт.

Материалыг 2016 оны 04 сарын 15-ны 17.00 цаг хүртэл Эрүүл мэнд спортын яамны харъяа Биеийн тамир, спортын хөгжлийн төвийн Нийтийн биеийн тамир, спортын хөгжлийн хэлтэст хүлээж авна. Сонгон шалгаруулалттай холбоотой мэдээллийг 265709 дугаарын утсаар лавлаж болно.

Хаяг: Спортын төв Ордон, 4 давхар, 405 тоот.