ДЭМБ –аас өнөөдөр өглөө /2021.01.01/ АНУ-ын “Pfizer”, Германы “BioNTech” компанийн хамтран бүтээсэн covid-19-ийн эсрэг вакциныг хэрэглэх зөвшөөрлийг яаралтай журмаар баталжээ. Өмнө нь хэд хэдэн улс орон дотооддоо ашиглахыг зөвшөөрөөд байсан бол энэ удаа дэлхийн хэмжээний байгууллагаас зөвшөөрөл авсан анхны вакцин болж байна.

Ийнхүү ДЭМБ зөвшөөрөл олгосноор НҮБ зэрэг олон улсын хамтын ажиллагааны байгууллагууд энэхүү вакциныг худалдан авч, гишүүн орнууддаа тараах боломжтой болж байгаа аж.

“Энэ бол цар тахлын эсрэг вакцины хүртээмжийг нэмэгдүүлэхэд чиглэсэн маш нааштай алхам юм" гэж ДЭМБ-ын Эм, эрүүл мэндийн бүтээгдэхүүний хүртээмжийн асуудал хариуцсан захирлын орлогч, доктор Мариангела Симао мэдэгдэлдээ дурджээ. ДЭМБ-ын тусгай зөвлөл нэгдүгээр сарын 5-нд хуралдаж, вакциныг түгээх зөвлөмжийг гаргахаар төлөвлөсөн байна.

The Pfizer/BioNTech #COVID19 vaccine today became the first vaccine to receive WHO validation for emergency use since the outbreak began.

Equitable global access to vaccines is crucial to combat the pandemic.

👉 https://t.co/7WNcHhc3z8 pic.twitter.com/Kyjv5RNzjB

— World Health Organization (WHO) (@WHO) December 31, 2020

Эх сурвалж: RT