Махны нийлүүлэлтийн нэгдсэн бодлого үгүйлэгдэж байна | News.MN - Мэдээллийн эх сурвалж

Махны нийлүүлэлтийн нэгдсэн бодлого үгүйлэгдэж байна

Хуучирсан мэдээ: 2016.03.23-нд нийтлэгдсэн

Махны нийлүүлэлтийн нэгдсэн бодлого үгүйлэгдэж байна

Монгол Улсад нийт 60 гаруй махны үйлдвэр байдаг бөгөөд тэдний тал нь гадагшаа мах экспортлох эрхтэй юм. Гэвч ОХУ, БНХАУ гэсэн хоёрхон орон руу цөөн нэр төрлийн, бага  хэмжээний мах нийлүүлэх боломж яригдаж эхэлсэн нь сүүлийн жилүүдэд гараагүй дэвшил ч, цаашид энэ үйлдвэрүүд бизнесийнхээ хүрээг тэлэх шаардлагатай болсныг Монголын Үндэсний худалдаа аж үйлдвэрийн танхим /МҮХАҮТ/-ын Ерөнхийлөгч Б.Лхагважав онцолж байна. Мөн тэрбээр дэлхийд өрсөлдөхүйц хэмжээний махны экспорттой байхын тулд мах үйлдвэрлэгчдийн менежментийг ярьж, тодорхойлох нь чухал гэж тайлбарлалаа. Иймээс өнөөдөр мах экспортлох бизнес эрхэлдэг иргэд, аж ахуйн нэгжүүд “Махны экспортын төрийн бодлого” хэлэлцүүлэг өрнүүллээ. Өнгөрсөн өвөл малчид зуд болох сургаар малаа нядалж, нийслэлийн махны нийлүүлэлт энэ хэрээр гурав дахин нэмэгдсэн. Мөн махны үнэ дөрөв дахин буурсан. Гэхдээ энэ бол байнга өрнөх тохиолдол биш. Иймээс нийтийн өмчийг хувьдаа ашиглаж буй 500-гаас дээш малтай малчид малын хөлийн татвар төлж, малаа эрүүл байхад анхаарах зэргээр бизнесмэн, малчин, төр, худалдан авагчид аль алинд нь ашигтай махны нийлүүлэлтэд чиглэсэн нэгдсэн бодлоготой болох шаардлагатайг Б.Лхагважав хэллээ.

Жилдээ 85 сая тонн махны хэрэглээтэй БНХАУ руу Монгол Улс нэг жилд 300 орчим мянган тонн буюу урд хөршийн жилийн хэрэглээний 0.05 хувийн махыг экспортлохоор болсон. Хоёр улсын Засгийн газар хооронд хийсэн гэрээний дагуу өнгөрсөн хоёрдугаар сард Монгол Улс анх удаа Говь-Алтай аймгийн Бургастайн боомтоор 16 тонн махыг БНХАУ руу гаргасан юм. Бургастайн боомт нь тэгш тоотой саруудад ажилладаг учир махны экспортын нийлүүлэлт удааширсан. Иймээс Монголын тал БНХАУ-ын Засгийн газарт мах гаргах боомтоо нэмэгдүүлэх саналыг тавихаар болжээ.

Өнгөрсөн онд өмнөд хөршөөс мэргэжлийн баг ирж Монголд ажиллаад баруун таван аймаг болох Увс, Завхан, Хөвсгөл, Говь-Алтай, Баянхонгор аймгийн малыг шүлхий өвчингүй, эрүүл бүс хэмээн зарлаж, зөвхөн Бургастайн боомтоор экспорт хийхээр болсон билээ.

Д.УЛАМБАЯР

Зураглаач Н.БАТМӨНХ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-23 183.81.171.135

Монголд гонжом емсеж, улаан зангиагаар хоолойгоо боосон махан толгойтнуудаас их юм байхгуй. Мах их биш, Москва, Бээжинг 1 сар хангаж чадахгуй.

зочин 2016-03-23 43.242.242.59

монголд мах шиг их юм байхгүй.тэгээд мах экспортонд гаргана гэхээр нөгөө махаа нийлүүлэх ложистик,махаа бүрэн боловсруулах үйлдвэр,махны үнийн нэгдсэн бодлого гээд юу ч байдаггүй юм байна лээ.ямар сайндаа хятадууд ирээд махны үйлдвэр баръяа гэж бүтэн 1 жил судалгаа хийсэн чинь нөгөө үйлдвэрийнх нь хүчин чадалд нийлүүлэх мах олдоогүй буцаад явцгаасан.мянга бид малаар баян гэж яриад дээрхи ложистик байхгүй бол бүтэхгүй юм байна лээ.

XAXAXAX 2016-03-23 202.131.225.251

16han tn mah export hiisen gene. zangai zuuj suuj baigaa ni ee

zochin 2016-03-23 202.131.232.82

ba sl hudlaa uls tor bna,