“Байшин үйлдвэрлэх комбинат-1”-д ажиллалаа | News.MN

“Байшин үйлдвэрлэх комбинат-1”-д ажиллалаа

Хуучирсан мэдээ: 2016.03.23-нд нийтлэгдсэн

“Байшин үйлдвэрлэх комбинат-1”-д ажиллалаа

Ерөнхий сайд Ч.Сайханбилэг “Шийдлийн цаг” уулзалтаар “Шинэ бүтээн байгуулалт” хөтөлбөрийн хүрээнд Монгол Улсын Хөгжлийн банкны санхүүжилтээр шинэчилж байгаа “Байшин үйлдвэрлэх комбинат-1” үйлдвэрийн угсралтын ажлын явцтай танилцлаа.

“Байшин үйлдвэрлэх комбинат-1” үйлдвэрийг шинэчлэн байгуулахтай холбоотой Засгийн газраас гарсан шийдвэрийн дагуу  Хөгжлийн банкнаас  Чингис бондын эх үүсвэр болон ОХУ-ын санхүүжилтээр 23 сая ам.долларын хөрөнгө оруулалт хийсэн. Тоног төхөөрөмжийн санхүүжилтэд зориулж Германы Коммерз банкнаас 13 сая еврогийн шугам нээсний 12 сая еврог өнөөдрийн байдлаар ашиглаад байна гэж  Хөгжлийн банкны гүйцэтгэх захирал Н.Мөнхбат  Ерөнхий сайдад танилцууллаа.

Германы  бүрэн автомат тоног төхөөрөмжийг тус улсын  “Ebawe” компанийн мэргэжилтнүүд угсарч байгаа бөгөөд өнөөдрийн байдлаар 90 хувийн гүйцэтгэлтэй байна. Үйлдвэр ашиглалтад орсноор бүх төрлийн барилгын хийц, төмөр битонон эдлэл үйлдвэрлэн зах зээлд нийлүүлнэ. Жилд дунджаар 5000 айлын орон сууцны хавтан үйлдвэрлэх боломжтой. Хөгжлийн банкнаас тус үйлдвэрийн угсралтын ажилд зориулан 6.2 сая ам.долларын санхүүжилт олговол үйлдвэр ашиглалтад ороход бэлэн байна гэж “Байшин үйлдвэрлэх комбинат 1” төслийн удирдагч Б.Эрдэнэбат хэллээ.  

Нийт олгосон санхүүжилтийн тооцоог төсөл хэрэгжүүлж байгаа багийн санхүүтэй нийлж, нэгдсэн дүн гаргаж танилцуулахыг Ерөнхий сайд Ч.Сайханбилэг Хөгжлийн банкны гүйцэтгэх захирал Н.Мөнхбатад үүрэг болголоо. Нийт хөрөнгө оруулалтын дүнг гаргасны дараа нэмэлт санхүүжилтийн асуудлыг шийдвэрлэнэ.

ЭХ СУРВАЛЖ: ЗАСГИЙН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-23 202.179.27.7

Хувийн компани байшин үйлдвэрлэх комбинатыг ашиглалтанд оруулхын тулд төрөөс 6,2 сая долларын санхүүжилт өгөхийг шаардаж тулгалт хийж байгаа юм. уу Тэр мөнгийг төрөөс хэрхэвч санхүүжүүлж болохгүй харин банкны зээлээр санхүүжүүлдэг юм байгаа биз. Ер нь Монголд хувийн бизнес хийж үйлдвэр тоног төхөөрөмж авч байгаа хувь хүн ба компаниуд төрөөс мөнгө шаардаж байдагаа болих хэрэгтэй юм. Манайхаас бусад улс оронд хувийн бизнесийг санхүүжүүлдэггүй шүү дээ. Байшин үйлдвэрлэх 1 , 2 үйлдвэрийг эрэл компани Үнэгүйдүүлж хувьчилж аваад бүх тоног төхөөрөмжийг хягдал метали хэлбэрээр хятадруу худалдаж хөлжсэн шүүдээ

Зочин 2016-03-23 103.229.122.41

Одоо байр авах иргэд байхгуй, ханасан

Зочин 2016-03-23 202.70.44.146

монголд барих байшингийн хэрэгцээ хангагдчихсан байхад энэ үйлвэрийн бүтээгдэхүүнээр хаана байшин барих вэ энэ жижигхэн улс хэрэгцээгээ тооцож бай л даа. УБ хотод түрээслээч гэсэн хоосон өндөр хог болсон байна.

Зочин 2016-03-23 202.70.44.146

монголд барих байшингийн хэрэгцээ хангагдчихсан байхад энэ үйлвэрийн бүтээгдэхүүнээр хаана байшин барих вэ энэ жижигхэн улс хэрэгцээгээ тооцож бай л даа. УБ хотод түрээслээч гэсэн хоосон өндөр хог болсон байна.

Зочин 2016-03-23 103.229.123.248

Цагийн хүрдээр байрны үнэ хямдарна гэж ярьж байна лээ шдээ, Засгийн газар дэмжээсэй

Зочин 2016-03-23 202.131.231.164

Энэ үйлдвэрийг босговол маш хурдан угсармал байшингууд босно доо. Засгийн газар дэмжээд өгөх хэрэгтэй.

NewsMN Гар утасны хувилбар Татах
NEWS.mn

Мэдээллийн эх сурвалж