Япон улс дэлхийн анхны модон хиймэл дагуул бүтээнэ | News.MN

Япон улс дэлхийн анхны модон хиймэл дагуул бүтээнэ

Япон улс дэлхийн анхны модон хиймэл дагуул бүтээнэ

Япон улс дэлхийн анхны модон хиймэл дагуул бүтээнэ

Японы “Sumitomo Forestry” компани, Киото их сургуулийн эрдэмтэд хамтран 2023 он гэхэд модоор хийсэн анхны хиймэл дагуул бүтээхээр ажиллаж байна. 400 гаруй жилийн түүхтэй тус компани нь нарны гэрэл болон температурын өөрчлөлтөд тэсвэртэй модон материал үйлдвэрлэхийг зорьж байгаа аж. Эрдэмтдийн баг дэлхий дээрх өөр өөр нөхцөлд ургадаг олон төрлийн модыг туршихаар төлөвлөсөн байна.

Агаар мандалд хөөргөх хиймэл дагуулуудын тоо нэмэгдэж байгаатай холбоотойгоор сүүлийн үед сансрын хог хаягдал томоохон асуудлуудын нэг болоод байгаа юм. Харин модон хиймэл дагуулын хувьд хортой нэгдлүүд ялгаруулахгүйгээр шатах боломжтойгоороо давуу талтай гэж үзжээ.

Дэлхий даяар 6000 орчим хиймэл дагуул эргэлддэг гэж Дэлхийн эдийн засгийн форумын тайланд дурджээ. Эдгээрийн 60 орчим орчим хувь нь ашиглалтаас гарсан буюу сансрын хог хаягдал байгаа аж. Түүнчлэн “Euroconsult” судалгааны фирмээс гаргасан тоо баримтаар энэ арван жилд жил бүр 990 хиймэл дагуул хөөргөнө гэж тооцоолж буй бөгөөд энэ нь 2028 он гэхэд тойрог замд 15000 хиймэл дагуул хөөрнө гэсэн үг юм. Илон Маскийн “SpaceX” компани л гэхэд аль хэдийн 900 гаруй хиймэл дагуул хөөргөсөн байна.

Эх сурвалж: BBC

Энэ мэдээнд өгөх таны сэтгэгдэл?
8
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

бөбөөчин 2020-12-30 49.0.212.165

"Хангай зах" дээрээс паалк аваад тэрийгээ хурц сүхээр цавчиж харуулдаад хиймэл дагуул хиймээр юм байна

Avatar

Мундаг юм 2020-12-30 66.181.182.141

Арай аархуу технологи уу

NewsMN Гар утасны хувилбар Татах
NEWS.mn

Мэдээллийн эх сурвалж