Завхан аймгийн Ус цаг уур, орчны шинжилгээний газраас мэдээлснээр, тус аймгийн бүх нутгаар Даваагаас Мягмар гариг (2020.12.28-29)-т шилжих шөнө -32 градус давж хүйтэрчээ. Тодруулбал, тус аймгийн Отгон сумын нутгаар агаартаа -49 градус, хөрсөнд -51 градус, Баянтэс сумын нутгаар агаар, хөрсөндөө -48 градус хүрч хүйтэрсэн бол Түдэвтэй, Тэлмэн сумын нутгаар агаартаа -47 градус, хөрсөндөө -50 градус, Цэцэн-Уул сумын нутгаар агаартаа -46 градус, хөрсөндөө -49 градус хүртэл хүйтэрсэн байна.

Ирэх оны эхний өдрүүдэд хүйтний эрч сулрахгүй тул төв, суурин газрын цахилгаан, дулаан хангамж, авто тээврийн зорчих хөдөлгөөнийг хэвийн явуулахад онцгойлон анхаарч, өвөлжилтийн нөхцөл, байдал хүндэрч болзошгүй тул урьдчилан сэргийлэх арга хэмжээ авахыг зөвлөжээ.

Б.ЖАРГАЛ