Хятад улс допингийг гэмт хэрэгт тооцохоор болжээ | News.MN

Хятад улс допингийг гэмт хэрэгт тооцохоор болжээ

Хятад улс допингийг гэмт хэрэгт тооцохоор болжээ

Хятад улс допингийг гэмт хэрэгт тооцохоор болжээ

Хятадын эрх баригчид 2021 оны гуравдугаар сарын 1-нээс эхлэн дотоодын болон гадаадын аливаа тэмцээн уралдаанд оролцож буй тамирчид амжилтаа ахиулах зорилгоор байгалийн болон синтетик гаралтай бодис хэрэглэхийг эрүүгийн гэмт хэрэгт тооцохоор болж байна. Синьхуа агентлагийн мэдээлснээр, энэхүү шийдвэрийг Бүх Хятадын Ардын Төлөөлөгчдийн Хурлын Байнгын хорооны хурлаар гаргажээ.

 Шинэ хуулийн дагуу сэргээш хэрэглэсэн нь батлагдсан тохиолдолд торгууль болон гурав хүртэл жилийн хорих ялаар шийтгэх шийтгэх бол тамирчдад хориотой сэргээх бэлдмэл санал болгосон этгээдэд илүү хатуу шийтгэл ногдуулахаар төлөвлөж байгаа аж.

Саяхан тус улсын тамирчин, Олимпийн гурав, дэлхийн 11 удаагийн аварга усанд сэлэгч Сунь Янтай холбоотой допингийн асуудал дахин олны анхааралд өртөж эхэлсэн билээ. Тэрбээр 2018 онд сэргээшийн шинжилгээ өгөхөөс татгалзаж, эсэргүүцэл үзүүлсэн гэх шалтгаанаар энэ оны хоёрдугаар сард эрхээ найман жилээр хасуулж байв. Гэтэл өнгөрсөн долоо хоногт Швейцарийн Холбооны Дээд шүүх Сун Янд тавьсан найман жилийн хоригийг хүчингүй болгох шийдвэр гаргасан юм. 2018 оны Азийн наадмын дараа Шведийн сэргээшийн мэргэжилтнүүд цус, шээсний дээж авахаар гэрт нь очиход Сүн Ян ээжийн хамт эсэргүүцэл үзүүлсэн нь өнөөдрийн шийтгэл хүртэх шалтгаан болсон байна.

Тэрбээр 2014 онд хориотой сэргээшийн төрлийн бодис хэрэглэсэн нь тогтоогдож байсан ба Хятадын эрх баригчид түүнийг гурван сар тэмцээнд оролцох эрхийг хассан юм. Түүнээс хойш Сүн Ян олон улсын гол уралдаан тэмцээнүүдэд алгасалгүй оролцож, олон арван медалийн эзэн болж байв. Гэсэн ч өрсөлдөгчид нь түүнийг  сэргээш хэрэглэдэг гэж шүүмжилдэг, янз бүрээр эсэргүүцлээ илэрхийлж ирсэн юм. Тухайлбал, 2019 оны дэлхийн аварга шалгаруулах тэмцээний үеэр өрсөлдөгч тамирчид нь түүнтэй цуг медалийн тавцанд гарахаас татгалзаж байжээ. Эцэст нь тэр Швейцарийн шүүхэд давж заалдан ялалт байгуулж, тэмцээн уралдаанд оролцох эрхтэй болж байна.

Эх сурвалж: XINHUA, Washington Post

Энэ мэдээнд өгөх таны сэтгэгдэл?
7
ЗөвЗөв
1
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-12-28 49.0.212.92

Манай допинг хэрэглэдэг бөхчүүдэд Өвөрмонгол хаалттай болж байгаа юм даа.

Avatar

бөбөөчин 2020-12-28 49.0.212.165

Ямар тэмцээнд очиж очиж Монгол бөхчүүд явж чадахав дээ, чэг ч спортын төрлөөр явж чадахгүй. Яахав удаан ч гэсэн их хоол идэх спорт гэж байдаг бол явуулахсан. Даннч очоод бас л найраа, хуйвалдаан гээд дүрэм журмыг нь замхруулаад соёл иргэншлийг нь дампууруулаад өгнө л дөө тэд чинь

Avatar

зочин 2020-12-28 66.181.184.12

Бөхчүүдийг хятад руу тэмцээнд сайн явуулмаар юм байна, бөх нэртэй нийгмийн шаарнуудаас салах сайхан боломж бус уу, хятадын шоронд л сууж байг цаашаа

Avatar

Зочин 2020-12-28 192.82.72.174

Манай бехчvvд тэр чигээрээ хэрэглэж байгаа нь тодорхой! Хэн их хэрэглэсэн нь илvv амжилт гаргаж байгаа гээд таамаглахад болно

Avatar

Badarch taxar 2020-12-28 202.126.88.174

Oyuni sportod sergeesh hereglesen hvmvvsiig yah we

Avatar

Хэрэв 2020-12-28 139.5.216.238

Бөхчүүд хуугаараа ачигдахна ээ.

Avatar

Зочин 2020-12-28 139.5.219.42

Шударга ёсонд нийцсэн сайхан шийдвэр. Манайд ч ийм дорвитой арга хэмжээ, шийдвэр хэрэгтэй Харин оросууд төрийн өндөр албан тушаалтнууд, спорт биеийн тамирын байгууллагын эрх мэдэлтнүүд нь нийлж байгаад хуйвалдаж тамирчдаа сэргээш хэрэглээд ч бай байр эзэлж медаль авахыг хөхүүлэн дэмждэг. Тэгээд баригдчихаад олон улсын байгууллагуудын эсэргүүцэл буруутгал, хариу арга хэмжээнд хууран мэхлэлт худал мэдээллээр эсэргүүцэл үзүүлж, улайм цайм гүрийгээд өөрсдийн буруугаа өмгөөлөөд хаацайлаад байдаг.

NewsMN Гар утасны хувилбар Татах
NEWS.mn

Мэдээллийн эх сурвалж