Алт тушаалт рекорд эвдэж, 22 тоннд хүрэв | News.MN

Алт тушаалт рекорд эвдэж, 22 тоннд хүрэв

Алт тушаалт рекорд эвдэж, 22 тоннд хүрэв

Алт тушаалт рекорд эвдэж, 22 тоннд хүрэв

Монголбанкинд тушаагдах алтны хэмжээ  эрс өсч, өмнөх жилүүдийн рекордыг эвдсэн нь гадаад валютын улсын нөөцийг нэмэгдүүлсэн тулгуур болоод зогсохгүй төгрөгийн ханш тогтвортой хадгалагдах найдвар төрүүлээд байна.

Статистик мэдээ сонирхуулбал, төв банк 2020 оны арванхоёрдугаар сарын 23-ны өдрийн байдлаар 22 тонн үнэт металл худалдан авсан нь өнгөрсөн оны мөн үетэй харьцуулахад 6.8 тонноор нэмэгджээ.

Сүүлийн 5 жилд төв банк 100 орчим тонн үнэт металл худалдан авсан нь гадаад валютын улсын нөөцийг 3.7 тэрбум ам.долларт хүргэх хөшүүрэг болсон байна.

Алт тушаалт өсөхөд нөлөөлсөн гол хөшүүрэг нь Монголбанк алтны үнийг өдөр бүр Лондонгийн металлын биржийн үнээр шинэчлэн тогтоож, олон улсын зах зээлийн ханшаар худалдан авдаг болсонтой холбоотой аж.

Эл шийдвэр 2017 оноос төв банкны ерөнхийлөгчийн шийдвэрээр хэрэгжиж эхэлжээ. Өөрөөр хэлбэл, Covid-19 цар тахлын улмаас хил хаагдан, алтыг хууль бусаар гаргах боломжгүй болсон нь төв банкинд тушаагдах алтыг нэмэгдүүлсэн гэх таамаглалыг няцааж буй юм.

Нөгөө талдаа дэлхий дахинд алтны үнэ өссөн нь алт олборлогч дотоодын аж ахуй нэгж, иргэдэд эерэг нөлөө үзүүлжээ. Тухайлбал, Монголбанкны өнгөрсөн нэгдүгээр сард 1 грамм алтыг худалдан авах дундаж үнэ 137,211.81 төгрөг байсан бол зургадугаар сард 167,504.44 төгрөг, арваннэгдүгээр сард 170,810.51 төгрөг болж, тогтмол өсч иржээ. Энэ нь төв банк дотоодын зах зээлийн үнээс хамгийн өндөр буюу олон улсын зах зээлийн ханшаар алтны үнийг тогтоодог болсонтой холбоотой гэж дүгнэж болох нь.

Үндэслэлийг баталгаажуулахын тулд Монголбанк 2020 оны нэгдүгээр сараас эхлэн хэчнээн тонн алт аж ахуй нэгж, иргэдээс авав, алт худалдан авах үнэ нь олон улсын зах зээлийн ханштай хэрхэн уялдаж өссөнийг харуулъя.

  • 2020 оны нэгдүгээр сард 3,558 кг үнэт металл худалдан авсан нь өмнөх оны мөн үед 597 кг үнэт металл худалдан авснаас 2,960 кг-аар их буюу 5 дахин өссөн бол энэ сард 1 грамм алт худалдан авах Монголбанкны дундаж үнэ 137,211.81 төгрөг.
  • 2020 оны эхний хоёр сард нийт 4.3 тонн үнэт металл худалдан авсан нь өнгөрсөн оны мөн үеэс 856 кг-аар өссөн бол 1 грамм алт худалдан авах дундаж үнэ 140,292.94  төгрөг.
  • 2020 оны гуравдугаар сард нийт 5.3 тонн үнэт металл худалдан авсан. Үүнээс 3.6 тонн нь алт, 1.7 тонн цагаан мөнгө. 1 грамм алт худалдан авах дундаж үнэ 141,512.11  төгрөг.
  • 2020 оны дөрөвдүгээр сард 1.4 тонн үнэт металл худалдан авсан, 1 грамм алт худалдан авах дундаж үнэ 149,986.18  төгрөг.
  • 2020 оны тавдугаар сард 1.7 тонн үнэт металл худалдан авсан, 1 грамм алт худалдан авах дундаж үнэ 154,048.51  төгрөг.
  • 2020 оны зургадугаар сард 2.3 тонн үнэт металл худалдан авсан, 1 грамм алт худалдан авах дундаж үнэ 156,422.38  төгрөг.
  • 2020 оны долдугаар сард 2.2 тонн үнэт металл худалдан авсан,  1 грамм алт худалдан авах дундаж үнэ 167,504.44  төгрөг.
  • 2020 оны наймдугаар сард 1.7 тонн үнэт металл худалдан авсан,  1 грамм алтны  дундаж үнэ 180,096.17  төгрөг.
  • 2020 оны есдүгээр сард 2.3 тонн үнэт металл худалдан авсан, 1 грамм алт худалдан авах дундаж үнэ 176,494.48  төгрөг.
  • 2020 оны аравдугаар сард 2.1 тонн үнэт металл худалдан авсан, 1 грамм алт худалдан авах дундаж үнэ 174,145.46  төгрөг.
  • 2020 оны арванэгдүгээр сард 1.7 тонн үнэт металл худалдан авсан, 1 грамм алт худалдан авах дундаж үнэ 170,810.51 төгрөг.

Өөрөөр хэлбэл, төв банк 2017 оноос өмнө нь дотоод зах зээлийн үнэд түшиглэн алтны үнийг тогтоож, тушаагдсан алтнаас  тээврийн зардал, цэвэршүүлэлтийн зардал зэргийг суутган авдаг байсан нь ченжүүдэд боломж олгож иржээ. Иймээс алт худалдан авах бодлогодоо өөрчлөлт оруулж, олон улсын зах зээл дээрх ханшаар алт худалдан авдаг болсон нь алгуураар төв банкинд тушаагдах алтны хэмжээг өсгөж чадсан байна.

Мөн алт олборлогч компани, бичил уурхай эрхлэгчид Улаанбаатар хотыг зорихгүйгээр шууд Монголбанкинд алтаа худалдах боломж бүрдүүлэхийн тулд Дархан-Уул, Баянхонгор аймгуудад үнэт металлын сорьцын лаборатори байгуулж, алт тушаах боломж ч бүрдүүлжээ.

Энэ ажлыг төв банк Стандарт хэмжил зүйн газрын Үнэт металлын сорьцын хяналтын газар, Швейцарийн хөгжлийн агентлагийн Тогтвортой бичил уурхай төслийн дэмжлэгтэйгээр хамтран хэрэгжүүлсэн байна.

Алт олборлогчдод зээл олгож, үнэт металлын арилжаа эрхлэгч иргэдэд тусгай зөвшөөрөл олгох, үнэт металлын сорьцын шинжилгээний үр дүнг цахимаар хүлээн авч, төлбөр тооцоог ч цахимаар хийх боломжийг бүрдүүлсэн нь  Монголбанкинд худалдах үнэт металлын хэмжээг огцом өсгөсөн гэж эдийн засагчид дүгнэж байна.

Мөн алт тушаалт нэмэгдсэний үр дүнд хууль бусаар хил давдаг байсан алтны "урсгал" саарч, гадаад, дотоод хүчин зүйлээс шалтгаалж, эдийн засагт үүсч болзошгүй "шок"-ийг бууруулах боломж бүрджээ.

Г.ХОРОЛ

Энэ мэдээнд өгөх таны сэтгэгдэл?
9
ЗөвЗөв
4
ТэнэглэлТэнэглэл
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

31 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-25 202.9.46.71

hil neegdeel bol shuud buurna

Avatar

ЗОЧИН 2020-12-25 66.181.183.73

КОРОНАГААС БОЛЖ ХУЖААРУУ ХУЛГАЙГААР ГАРДАГ ЗАМ НЬ ХААГДАЖ ДЭЭ !

Avatar

Зочин 2020-12-25 202.126.92.99

Алт тушаалт 22 тонн болж, рекорд эвдлээ гэж тэнэгтэхээ болиочээ. Энэ рекорд чинь ХЭН НЭГЭН МАШ МУУ АЖИЛЛАЖ АЛТАА БУСАД ҮЕД ХУЛГАЙГААР ГАДАГШ ГАРГАЖ байгааг харуулж байна шдээ.

Avatar

zochin 2020-12-25 202.126.88.148

mongol bankind ashigtai bdag yum bolob uu londongiin hanshaar abaad tsebershuulne boon aldagdal l boldog bh daa dandaa aldagdal zuruu uguh yum yarisan yamaa shigee humuus bh yumaa odoo mahand zuruu uguu

Avatar

zochin 2020-12-25 202.126.88.148

hujaa hiliig asuudalgui dabdag suleetei gesen shuu kobid l altiig mongold uldeej bna zailuul tuunees bus alt bhguui yuch garaagui geed l jijig dund kompaniud suuj bdag tailanch bhgui shuu odoo sain bna

Avatar

Зочин 2020-12-25 192.82.75.90

Mongolbank alt mungu 2-oo salgaj medeelehee boliod udaj bna. Alt bolood mungu (silver) gej yalgaj medeeleh yostoi. Er n tegeed alt tushaalt nemegdsend mongolbanknii gavya gej baihgui dee, haluund halj huitend hurch tur zasag bosoo huhiinhund daramtluulj niit ard tumendee nulimuulan baij ajilladag uurhaichdiin l gavya daa

Avatar

Зочин 2020-12-25 192.82.72.174

Хил гаалийн хны амьдрал эрс доройтоно! Эхнэр хvvхэдэд нь ганц нэг тонн-г vлдээчихгvй дээ! ккк

Avatar

Гаальчдын муугаас болдог байсан 2020-12-25 192.82.68.140

Хилээ хаасан учир Замын-Үүдээр нууж гаргадаг байсан алт гарч чадахаа болиод Монголбанкинд тушаагддаг болсон учраас л тэр. Гаалийн байцаагч нар үхэн хатан Замын-Үүд рүү хуваарилагдах гэж зүтгэдэг нь тэнд орох, гарах аль алинд нь ямар нэг унац байдагт учир нь байгаа юм. Манай Тагнуулынхан хэрэгтэй хэрэггүй юмны араас хөөцөлдөхийн оронд хил нээгдсэний дараа бөөн хүчээр "Алт" ажиллагаа явуулах хэрэгтэй санагдах юм.

Avatar

иргэн 2020-12-25 202.9.46.189

тэд чинь бас хамтрагч болоод алт гадагшаа урсдаг юм биш байгаа даа. Бид ч бас хардах эрхтэй.

Avatar

zochin 2020-12-25 98.206.15.23

mongol bankniihan heden kg iig n alt nertei sharmal hailshaar orluulaad , ter garuud n ali hediinee zamaa huuguud alga bolson buzdee zailuul.

Avatar

Зочин 2020-12-25 64.119.22.205

Хил хаацан хулгайгаар гаргаж чадахгүй болсоншдээ

Avatar

Econo 2020-12-25 59.153.115.156

Alt yarij baigaa bol altaa l yari. Bitgii unet metall geed tolgoi erguuleed bai. Mungu hend ch sonin bish

Avatar

Зочин 2020-12-25 202.9.47.13

Нөгөө алтны ченжүүд хил гаргаж чадахгүй болохоор алт авахгүй, тэгээд монгол банкиндаа тушаасан юм биш үү.

Avatar

Мэнгэт нямка 2020-12-25 192.82.77.111

АЛТЫГ АВААД МОНГОЛЫН ХИЛИЙГ АРГАЛААД ГАРЛАА ГЭЖ БОДОЕ ??? ХЯТАДЫН ХИЛ ГААЛИЙГ ЯАХ УУ??? ЭНЭ ЖИЛ ТҮЛШ ХЯМД БНА АЛТ ӨНДӨР ҮНЭТЭЙ БНА АЛТ ХӨТӨЛБӨР ХЭРЭГЖИЖ БАГА ХҮҮТЭЙ ЗЭЭЛ ӨГСӨНӨӨР ОЛБОРЛОЛТ НЭМЭГДСЭН ЕРӨНХИЙДӨӨ ИЙМЭРХҮҮ ОРКУУДАА

Avatar

Зочин 2020-12-25 192.82.73.242

МОНГОЛЫН БАЯЛАГ ҮНЭХЭЭР ИХ ЮМ ДАА. ЭНЭ ГУРВАН ТОНН АЛТАНД ОЮУТОЛГОЙГООС ТУСГАЙ ШУГМААР ГАРДАГ АЧААНЫ МАШИНУУДЫГ ТООЦВОЛ БУРХАН МИНЬ ГЭЖ.

Avatar

Зочин 2020-12-25 192.82.73.242

МАНгарууд сайхан ш*** юмаа. Алт нийлүүлэлт нэмэгдсэн нь лондонгийн хөрөнгийн биржийн үнээр аваад байгаатай огт холбоогүй. Зүгээр корона гээд хил хаачихаар хил гаалийн мафижсан луйварчид ажиллаж цавчаагаа хийж чадахгүй байгаатай холбоотой. үүнээс юу харагдаж байна. монгол улсын төрийн алба тэр тусмаа гаалийн байгууллага яаж ялзарсанг харуулж байгаа хэрэг бусуу.

Avatar

123 2020-12-25 150.129.142.236

үнэнийг хэллээ

Avatar

Зочин 2020-12-25 66.181.179.33

Иш чааваас гаальчид хаа хаанаа хяналттай. Юу гэж алт гаргаад сууж байхав дээ. Ажилгүй болдог юм байгаа биз дээ. Дарга нар нь л аль нэг намаас томилогдсон эрх мэдэлтэй. Жирийн гаальчид та нартай адилхан байрны лизингдээ дарлуулаад, дээрээс нь ковид тусчих вий гэсэн айдастай, зарим нь тусгаарлагдаад ажлаа дийлэхгүй л байцгааж байна.ь

Avatar

Зочин 2020-12-25 66.181.182.166

хил хаалттай болхоор алт тушаал жоохон нэмэгдсэн өөр ямарч шалтгааг байхгүй нүүрсийг вагонлорр гаргадаг болчихвол бүр нэмэгдэгнэ

Avatar

ХУДЛААШ ДЭЭ. 2020-12-25 202.55.188.103

АЛТ ТУШААЛТ НЭМЭГДСЭН ЮМ БОЛ ЯАГААД ТӨГРӨГИЙН ХАНШ ЧАНГАРАХГҮЙ БАЙНА. ЗҮЙН БОЛ 1 ТӨГРӨГ 1 ДОЛЛАРТАЙ ТЭНЦЭХ ЁСТОЙ. АДИЛХАН ВАЛЮТ ШҮҮ ДЭЭ. 2800 ГАРУЙ ДАХИН ЧАДУУЛЖ БАЙНА ШҮҮ ДЭЭ.ТИЙМ ХЭМЖЭЭГЭЭР ХӨДӨЛМӨРӨӨ ШУЛУУЛЖ БАЙНА ШҮҮ ДЭЭ. ТИЙМ ХЭМЖЭЭГЭЭР ОЮУН УХААНЫ ЧАДАМЖ СУЛ БАЙНА ШҮҮ ДЭЭ….ИХ ОЛОН ЗҮЙЛ БАЙГОО ДОО…

Avatar

Зочин 2020-12-25 203.91.115.52

Алт бишээ, хөөе. Манай түшээд нүүрс бол 42 тн, алт бол 24 тн гээд жил болгон төсөв дээрээ зоочихсон, өнөөх нь биелэхгүй болохоор сэрүүн зүүдлээд солиорох шахуу явж байдаг болсон. Төсвийн дүнг хөөргөж өөрсдийн цавчааг нуудаг ганцхан зорилготой л доо, зайлуул. Тэгээд үнэт метал гэж мөнгөний хуримтлалыг нэмээд 20 тн гаргаж сэтгэлээ хуурдаг, юм мэдэхгүй мунхаг иргэдээ ч хуурдаг болсон. Наадах чинь мөнгө алт аль аль нь орсон дүн байх.

Avatar

Зочин 2020-12-25 64.119.20.32

Энэ хүнд үед нийт ард түмний баялаг болох алтнаасаа 3 тн гадаадад зарж ААН, иргэдээ ххрж үзвэл яасан юм. 450 тэрбум төг шүү. Эс тэгвэл гадаад өрөнд яваад л дуусна. Алсдаа Алт ч үгүй, ААН ч үгүй болж мэднэ

Avatar

Зочин 2020-12-25 150.129.143.30

Хил хаалттай болоод ийм их алт монгол банкинд ирж дээ. Ямар их хөрөнгө байцаагчийн хахууль болоод урд зүгт оддог байж вэ

Avatar

Зочин 2020-12-25 66.181.179.33

Та нарын нүдэнд мөнгө харагдаад байна уу. Хаана тийм алт нууцаар гаргаад баяжсан хүн байнаа. Байнга нэгнийгээ хардаж сэрдэж байвал сайхан байдаг байх даа. Тэр том дарга нар нь л тийм юм хийнэ үү гэхээс. Бусад нь Юу гэж чадахав дээ. Тэгээд ч төрийн жинхэнэ албан хаагч нарт тийм атгаг сэтгэл байдаггүй юмаа. Та нар өөрсдийнхөө сэтгэл дотор руу өнгийчих. Бусдыг хэзээ ч өөрс шигээ бодож бай

Avatar

Irgen 2020-12-25 192.82.68.20

Uls Alta het uhaj baina shuu ,,,

Avatar

Зочин 2020-12-25 77.37.227.40

Хямд авахаар тэгнэ л дээ. Одоо ямар ч эрсдэлгүй эх орондоо үлдэж бн. Энэ нь валютын ханшид нөлөөлөх бх

Avatar

Кса 2020-12-25 64.119.26.231

Яаж ч өөрөөр тайлбарлахын аргагүй, хил гаальтай холбоотойгоор дүн мэдээ өөр гарч байна. Урд нь хилээр нууж гаргадаг сүлжээ байжээ. Аймшиг аймшиг

Avatar

МОНГОЛ УЛСЫН ИРГЭН 2020-12-25 202.131.225.197

ТӨР, ЗАСАГТАЙ ЮМ БОЛ, ХИЛ ГААЛИА ЦЭГЦЛЭХ БОЛЖ ДЭЭ. ОЮУ-ТОЛГОЙД АЖИЛЛАДАГ ГААЛИЙН ХЭДЭН БАЙЦААГЧ ГЭЖ ДААМ ГАРСАН, ДҮРЭМ ЖУРАМ ЗӨРЧСӨН, ХӨГИЙН АМЬТАД БАЙДАГ. ЯАГААД ГЭХЭЭД ОЮУ-ТОЛГОЙД ТЭДЭНД ӨГДӨГ ХАХУУЛЬ ГЭЖ БАЙДАГГҮЙ БОЛОХООР ТЭД БООЖ ҮХЭХ ШАХДАГ. НЭГ Л ИХ ЗАНТАЙ НОВШНУУД БАЙДАГ ШҮҮ, ДАРГА НАРАА

Avatar

Зочин 2020-12-25 66.181.179.33

Солиороо чи. Их зантай ч гэх шиг. Чам шиг улсын баялгаа Канадад худалдсан юмнууд. Оюутолгойгоо хөгжүүлж улсад мөнгө оруулаач. Гадагшаа хамаг баялаг гаргаад дууслаа. Төрийн албан хаагчид чамтай нялганаад сууж байх уу. Улсын татварыг бүрдүүлж орон гэрээсээ хол стрeсстэй байдаг хүмүүс шүү. Ар гэрт нь ч хэцүү байна за.

Avatar

Зочин 2020-12-25 192.82.78.162

Хил , гаалийнхан 6 тн алтны авилга луйвраа алджээ гэж ойлголоо

Avatar

Иргэн 2020-12-25 202.126.90.8

Өмнө нь хулгайггар хичнээн тонн алт хил давж бсн бн. Олборлогч бичил уурхайчид лав чадахгүй хил гааль дээр хамтарч ажилладаг сүлжээ бн даа

NewsMN Гар утасны хувилбар Татах
NEWS.mn

Мэдээллийн эх сурвалж