"Хоол, хүнснээс бусад хүргэлт дээр хатуу хяналт тавихгүй" | News.MN

"Хоол, хүнснээс бусад хүргэлт дээр хатуу хяналт тавихгүй"

"Хоол, хүнснээс бусад хүргэлт дээр хатуу хяналт тавихгүй"

"Хоол, хүнснээс бусад хүргэлт дээр хатуу хяналт тавихгүй"

Засгийн газрын хуралдаанаас Гамшгаас хамгаалах бүх нийтийн бэлэн байдлын зэрэгт шилжих хугацааг арванхоёрдугаар сарын 23-ны 06.00 цагаас эхлүүлж, 2021 оны нэгдүгээр сарын 6-ны 06.00 цаг хүртэл 14 хоног хатуу хөл хорио тогтоох шийдвэр гаргасан билээ. Энэ хугацаанд аль болох олны бөөгнөрөл үүсгэхгүй байхыг илүүд үзэж, 15 чиглэлийн үйл ажиллагаанд хязгаар тогтоогоогүй ч хүргэлтийн үйлчилгээг хязгаарласан нь олны дургүйцлийг хүргэлээ.

Иргэдийн дунд "Цар тахлын үед дэлгүүр, худалдааны төвүүдээр олноор чихэлдэж,  олон хүнтэй хавьталд орсноос гэрээсээ онлайнаар хэрэгцээт хүнс, хоол, бараагаа худалдан авч хүргэлтийн үйлчилгээгээр хүргүүлэн авах нь эрсдэл багатай баймаар юм" гэсэн яриа их гарч байв.

"БАРААНЫ ХҮРГЭЛТЭН ДЭЭР ХЯЗГААРЛАЛТ ТАВИХГҮЙ, ЯВУУЛАХ БОДЛОГО БАРИМТАЛЖ БАЙГАа"

Монгол Улсын Шадар Сайд Я.Содбаатар өчигдрийн (2020.12.24) УИХ-ын чуулганы хуралдаанаар хүргэлтийн бизнесийн үйл ажиллагааны талаар ярихдаа “Хүргэлтийн бизнесийн үйл ажиллагааг хөл хорионы 14 хоногийн хугацаанд зогсоосон. Бид нар ч ингээд байгаа юм биш. Та бүхэн харж байгаа байх. Олон улсын байгууллагууд, Европын холбоо, АНУ зэрэг улсуудын өвчний хяналт сэргийлэлтийн төвүүдээс гаргаж буй зөвлөмжүүд дээр эдгээр бизнесийн үйл ажиллагаануудыг халдвар хамгаалалтай холбоотой зэрэглэчихсэн, ангилчихсан байгаа. Энэ хүрээнд хоолны хүргэлтийн бизнес дээр хүргэлт хийж буй хүн халдвартай байж таарвал олон хүнд халдвар тараах эрсдэлтэй гэж үздэг. Манай улсын хувьд бид онлайн худалдааг дэмжиж байгаа. Аль болох барааны хүргэлтэн дээр хязгаарлалт тавихгүй, явуулах бодлого баримталж байгаа. Харин хоол, хүнстэй холбоотой хүргэлт дээр хязгаарлалт хийхээс өөр аргагүй. Учир нь вирус хатуу бие дээр хамгийн дээд тал нь долоо хоног, 72 цаг, 48 цаг гээд хугацаатай оршиж байгаа. Жишээ нь, сүүлийн үед л гэхэд БНХАУ-д гадаргуугаас халдвар авсан тохиолдол нэмэгдэж байна гээд энэ чиглэлээр тодорхой зөвлөмжүүдийг гаргаж байна. Ийм учраас бид ч гэсэн олон улсад гарч буй эдгээр зөвлөмжүүдийг дагаж, тодорхой шийдвэр гаргахдаа харгалзан үзэж байгаа” хэмээжээ.

ОНЛАЙН ХУДАЛДААНЫ САЙТУУДЫН ОРЛОГО ӨСЧ, ХҮРГЭЛТИЙН ҮЙЛЧИЛГЭЭ НЭМЭГДЭВ

Цар тахлын өнөө үед олон улсад онлайн дэлгүүр, хүргэлтийн үйлчилгээний компани, байгууллагуудын орлого, ачаалал тогтмол өссөөр байна. Дэлхийн алдарт онлайн худалдаа, хүргэлтийн “Amazon” компани цар тахлын үеэр ачааллаа дийлэхгүй 175 мянган хүнийг савлагаа, хүргэлтийн сүлжээндээ ажилд аван, цалингийн доод хэмжээг нь 2 ам.доллараар нэмж, илүү цагийг нь 34 ам.доллараар тооцож эхэлжээ. Мөн тэдний энэ оны гуравдугаар улирлын орлого нь 96.1 тэрбум ам.долларт хүрч өнгөрсөн оны мөн үеийнхээс 37 хувиар өсжээ. Тэгвэл Хятадын алдарт Алибаба компанийн гуравдугаар улирлын орлого 23.4 тэрбум ам.долларт хүрч өнгөрсөн оны мөн үеийнхээс 30 хувиар өсчээ. Алибаба интернет худалдааны сайтад нэг өдөрт л гэхэд 800 сая хандалт дэлхийн өнцөг булан бүрээс орж ирдэг аж.

 

Мөн Uber Eats хоол хүргэлтийн үйчилгээний борлуулалт хөл хорионы үед 30 хувиар өссөн бол адилхан үйл ажиллагаа явуулдаг Deliveroo, GrabFood зэрэг компаниудын өдрийн хүргэлтийн тоо 20 хувиар өсчээ.

Google сайт дээр “Онлайн хоол хүргэлт” гэсэн хайлт өнгөрсөн жилийн мөн үеийнхэээсээ 300 хувиар өссөн гэнэ.

"Amazon" компани ажилчдынхаа халдвар хамгаалалд 800 сая ам.доллар төсөвлөж, 100 сая амны хаалтыг худалдан авч, хүргэлтийн ажичид, савлагчид гэх мэт халдвар авах, тараах өндөр магадлалтай ажилчдаа тогтмол коронавирусийн түргэвчилсэн шинжилгээнд хамруулж байгаа ажээ.

Мэдээж олон хүн нэг дор цулуулахгүй, гараас гарт хүрэхгүй, хоорондын зай барихыг эрүүл мэндийн байгууллагаас зөвлөж байгаа учир олон улсын жишгийн дагуу хүргэлтийн үйлчилгээг үзүүлэх боломжууд бий. Ялангуяа хөл хориотой энэ үед хүний хэрэгцээт зүйлсийг хүргэж өгөх, авах үйлчилгээ ч мөн манайд нээгдсэн байна. Тодруулбал, Монгол улсын хувьд гараас гарт хүргэлтийн үйлчилгээ үзүүлдэг Mydelivery.mn сайт л гэхэд цар тахалтай холбоотойгоор замын хөдөлгөөн, тээврийн хуваарьт өөрчлөлт орсны улмаас таны илгээмжийг захиалга өгсөн хаяган дээрээс очиж хүлээн авч, хаягийн дагуу Улаанбаатар хотод 24 цагийн дотор, орон нутагт 3-7 хоногийн дотор гараас гарт хүргэж өгдөг байна. Тиймээс иргэд аль болох хүргэлтийн үйлчилгээг сонгож, хүн хоорондын зай барьж, халдвар хамгааллын дэглэмээ сахих, хүргэлтийн компаниуд ч мөн халдвар хамгааллын дэглэмээ маш сайн сахиж чадвал, хүргэлтийн үйлчилгээг заавал хорихгүй гэдгийг албаныхан тодотгожээ.

Энэ мэдээнд өгөх таны сэтгэгдэл?
7
ТэнэглэлТэнэглэл
2
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

баалай 2020-12-25 124.158.82.59

Хоол хүргэлт бараа хүргэлтээс илүү эрсдэлтэй. Үүний шалтгаан бол, бараа ихэнх нь картон хайрцагтай байдаг. Хоол ихэнх нь пластик савтай, ууттай тараагддаг. Картон дээр вирус 1-2 цаг тэсдэг бол пластик дээр 72 цаг хүртэл байх боломжтой гэсэн. Тиймээс коронатусангуутаа газар дээрээ чад үсэрнэ гэж боддог аймхай хүмүүс картон хайрцагтай барааг 2 цаг орчим халуун хуурай орчинд тавих, пластик савлагааны гадна талыг савантай усаар арчиж, хатаагаад гар хүрэхэд ямар ч эрсдэлгүй

Avatar

Зочин 2020-12-25 202.126.89.224

6-наас эхлээд шйлчилгээний газруудаа нээгээрэй.

Avatar

Зочин 2020-12-25 202.179.24.54

ХОТООР ДҮҮРЭН ХҮРГЭЛТ БОЛНО. БҮГДИЙГ НЬ ХОРЬ. ХҮРГЭЛТГҮЙ ЮУ БАЙГАА ЮМ. БҮХ ЮМ ХҮРГЭЛТТЭЙ БОЛЧИХООД БАЙНА. ХЭДЭН ХООЛОО ХИЙЖ ИДЭЖ ЧАДАХГҮЙ 6-Н ХҮРТЭЛ ТЭСЧ ЧАДАХГҮЙ ЮМНУУДААС БОЛООД ХӨЛ ХОРИО ДАХИАД ҮР ДҮНГҮЙ НУРЧИХВАЛ ДАХИАД СУНГАХ УУ. ХҮН ХООЛ ИДЭХГҮЙ 2 САР ТЭСЭХ БОЛОМЖТОЙ. РЕСТОРАНАА САНАСАН БАЯЧУУД ХЭД ХОНОГ ХОДООДОО АМРААЧИХ. ХҮРГЭЛТЭЭР ӨӨР НЭН ШААРДЛАГАТАЙ ЮУГАА АВАХ ГЭЭД БАЙДАГ ЮМ. ХОРИО БОЛ ХОРИО. СОДБААТАР ХЭТЭРХИЙ ШАЛЧИГ БНА. ХОРЬСОН ШИГ ХОРЬЧИХООД ХОРИГДООГҮЙГ НЬ БУУДЧИХ.

Avatar

Зочин 2020-12-25 122.201.31.123

tegeed horison yum uu uguimuu?

Avatar

Зочин 2020-12-25 202.55.188.89

Oron garan munginuu hugshin hunshig l baihiim. 1 shiidver shuu uim gargaad socialaar uhtel balbuulanguutaa shuud teriigee uguisgeel. ergej hurgaal. Ene balai nuhriig soliochee. Ajlaa meddeg hund ni uguuchee huuye munginuu hugshuun!

Avatar

Зочин 2020-12-25 202.9.40.91

боловсролгүй эргүү хар юмнууд ажлаа хийж чадахгүй зайлаач, орон гаран малнууд

Avatar

кк 2020-12-25 202.9.40.113

хоол хүргэлтээр корона тархана бараа хүргэлтээр корона тарахгүй гэж наад баагий чинь хэлж байна мөн ч мулгуу эр юмдаа тарвал бүгд л тараана

Avatar

Зочин 2020-12-25 223.62.188.45

Хорино л гэх юм, тэгсэнээ хорихгүй л гэх юм. Яг аль нь үнэн юм. Ер нь бол хүргэлт үйлчилгээ ийм үед хэрэгтэй шт

Avatar

Зочин 2020-12-25 64.119.18.13

Содбаатарын хэлж буй үнэн л дээ!!! Хоол хүргэгч нь коидын халдвартай нөхөр таарвал яана?? Тэгээд л пиздец болно шүү дээ!!!

Avatar

123456 2020-12-25 49.0.212.165

Содбаатарын хэлж буй худлаа л даа!! Зөвхөн хоол хүргэгч л ковид тараадаг болчихдог. Хоол биш бараа таваар болохоор хүргэгч нь ковид тараадаггүй гэж ямар сартваахи мэргэн багш нь айлдаад байна?

NewsMN Гар утасны хувилбар Татах
NEWS.mn

Мэдээллийн эх сурвалж