Сэлэнгэ аймгийн хэмжээнд нийт 1346 иргэн хавьталын судалгаанд бүртгэгдэж, 548 хүний хяналтын хугацаа дуусч гэрийн тусгаарлалтад шилжсэн байна. Мөн батлагдсан тохиолдлын ойрын болон дам хавьтлыг судлах, эцэслэн тогтоох чиглэлээр тандалтын баг, цагдаа, тагнуулын байгууллагуудын хамтарсан ажиллагаагаа үргэлжилж байгааг аймгийн Онцгой комиссоос мэдээллээ.

Тус аймгийн 11 хүн эдгэрч, өчигдөр /2020.12.23/ ХӨСҮТ-ээс гарч нутаг буцжээ. Мөн өнөөдөр ХӨСҮТ болон Цэргийн төв эмнэлгээс 37 хүн гарч, нутаг буцаж байна. Сэлэнгэ аймгийн хэмжээнд  ажиглалтын зургаа, тусгаарлах нэг байранд 74 хүн ажиглалт хяналтад байна.

Сүүлийн 24 цагт Архангай, Дорноговь, Сэлэнгэ, Орхон, Дархан-Уул, Говьсүмбэр аймагт Covid-19 халдварын шинэ тохиолдол бүртгэгдээгүй. Ингэснээр сын хэмжээнд нийт 1069. Үүний  605 нь дотоодод батлагдаад байна. Батлагдсан тохиолдлуудаас 584 нь эдгэжээ. Өнөөдөр 43 хүн эдгэрч гэртээ харьж байгааг ХӨСҮТ-өөс мэдээлэв.

А.СҮРЭН