Германд анх хөл хорио тогтоож, хүмүүс гэртээ уйтгарлан сууж байх үед тус улсын баруун нутагт орших Висбаден хотын оршин суугч эгч дүү дөрөв цагийг маш үр дүнтэй өнгөрүүлж, өөрсдийн бизнесээ эхлүүлжээ. Тэд дэлхий нийтийг түгшээгээд буй Covid-19 цар тахлаас сэдэвлэн “Корона” нэртэй хөлөгт тоглоомыг зохион бүтээсэн нь өдгөө олон хүний сонирхлыг татаж, Германы өнцөг булан бүрээс захиалгад дарагдсан байна.

Энэхүү тоглоомыг дөрөв хүртэлх тоглогч тоглож болох бөгөөд хөл хорионд орж, гэрээсээ гарч чадахгүй байгаа өндөр настай хөршдөө дэлгүүрээс хүнсний бүтээгдэхүүн авчирч өгөх даалгаврыг гүйцэтгэдэг байна. Ингэхдээ худалдан авах зүйлсийн жагсаалтын дагуу даалгавраа биелүүлэх ба замд таарсан саадуудыг давж, хамгийн түрүүнд даалгавраа амжилттай биелүүлсэн хүн ялагч болох юм.

“Тоглох явцад дэлгүүрийн лангуу хоосорсон байх, халдвар хамгааллын дэглэм зөрчигдөх зэрэг саадууд учирна. Бидний бүтээсэн тоглоомын гол зарчим бол эв санааны нэгдэл юм” гэж 20 настай Сара ярьжээ. Охидынхоо бүтээлч сэтгэлгээг дэмжиж аав Бенедикт Швадерлапп нь карт, самбар, хайрцгийн дизайныг уран бүтээлч хөлсөлж хийлгэсэн байна. Охидын бүтээсэн тоглоомоо тоглоомын дэлгүүрүүдэд гэрээгээр нийлүүлэх болжээ.

Эх сурвалж: REUTERS, WDIV