Нийслэлийн Шийдвэр Гүйцэтгэх Албаныхан хятадуудын гар хөл болж дуусчээ! | News.MN

Нийслэлийн Шийдвэр Гүйцэтгэх Албаныхан хятадуудын гар хөл болж дуусчээ!

Хуучирсан мэдээ: 2016.03.21-нд нийтлэгдсэн

Нийслэлийн Шийдвэр Гүйцэтгэх Албаныхан хятадуудын гар хөл болж дуусчээ!

Одоогоос яг сарын өмнө “Алтайн хүдэр” компани болон БНХАУ-ын “Бугатын газрын ховор элементийн судалгааны хүрээлэн”-тэй холбогдох хэргийн талаар, түүнд Нийслэлийн шийдвэр гүйцэтгэх албаны шийдвэр гүйцэтгэгч Б.Ариунцэцэг илтэд Хятадуудын талд үйлчилж дотоодын компанийг хохироосон талаар бид нийтэлж байсан.

Уг түүхийг эргэн сануулахад одоогоос 6 жилийн өмнө буюу 2010 онд “Алтайн хүдэр” компани БНХАУ-ын “Бугатын газрын ховор элементийн судалгааны хүрээлэн”-тэй “Худалдах, худалдан авах” гэрээ байгуулж баяжуулах 2 болон 3-р үйлдвэрүүддээ зориулан CTG-92 маркийн хуурай соронзон дамарт нийт 10 сеператорыг худалдан авсан ч яг ажиллагааны хувьд хятадуудын өгсөн баяжуулалтын хувь хэмжээнд хүрэхгүй байсан тул гэрээгээ цуцалж, 2011 оны 12 сард Монголын үндэсний худалдаа аж үйлдвэрийн танхимын дэргэдэх Монголын үндэсний арбитрын шүүхэд нэхэмжлэл гаргахад тус арбитрын шүүх уг асуудлыг 2012 оны 4-р сард хянан хэлэлцээд, “Бугатын газрын ховор элемент судалгааны хүрээлэн”-гээс шүүхийн нэг шийдвэрээр 595,443 ам.долларыг “Алтайн хүдэр” компанид олгуулж, хохирлыг нь барагдуулах, “Алтайн хүдэр” компаниас 119,665 ам.долларыг “Бугатын газрын ховор элемент судалгааны хүрээлэн”-д олгуулах шийдвэр гарчээ. Өөрөөр хэлбэл өглөгөө хасаад “Алтайн Хүдэр” компани, хятадуудаас 475,778 ам долларын авлагатай үлдсэн байдаг.

Гэтэл энэ хэрэгт хөндлөнгөөс Нийслэлийн Шийдвэр Гүйцэтгэлийн Албаны 150 дугаар тойргийн шийдвэр гүйцэтгэгч Б.Ариунцэцэг гэгч хүүхэн гэнэт гарч ирэн 2012 оны 9 сард шүүхийн шийдвэр гүйцэтгэх ажиллагааг эхлүүлэн, тэрхүү өр төлбөрийг заавал өөрөөрөө дамжуулан хийлгүүлж, “Алтайн хүдэр” компанийг авлига өгөхийг удаа дараа шаардах болсноор барахгүй тэрээр хятадуудын авлагыг барагдуулахын төлөө шаргуу ажиллаж “Алтайн хүдэр” компанийн дансыг битүүмжлэн хаалгаж, 85,700 ам.долларыг хүчээр гаргуулан авсан байдаг бөгөөд хятадын компани “Алтайн Хүдэр”-ийнхнээс мөнгөө нэхэмжлэх болохоороо гэнэт гарч ирж Б. Ариунцэцэгээр шахуулж бужигнуулж байгаад эргүүлэн тэднээс авлагаа авах гэхээр Монгол дахь салбараа татан буулгасан гэдэг шалтгаанаар олддоггүй, түүнийг нь мань шийдвэр гүйцэтгэгч ч мэдэхгүй, мэдэх ч албагүй хэмээн зугатаад байдаг сэжигтэй үзэгдэл хэд хэд давтагдсан байна. Зүй нь “Алтайн хүдэр” компаниас өглөгийг нь авах, хятадуудаас авлагыг нь барагдуулах 2 ажлыг зэрэг хийх ёстой боловч Б. Ариунцэцэг тэгсэнгүй!

Сүүлдээ Б.Ариунцэцэг албан тушаал, эрх мэдлээ ашиглан “Алтайн хүдэр” компанийн өмчлөлийн 1000 гаруй тээврийн хэрэгслийг хот дотор хөдөлгөөнд оролцохыг зам цагдаад хандан болиулж, бүр компаний зүгээс өр авлагадаа тооцон өөр албан байгууллага, болон хувь хүний нэр дээр шилжин очсон тээврийн хэрэгслүүдийг нь хүртэл журамлан хувийн өмчид бүдүүлгээр халдаж, хятадуудынхаа хохирлыг барагдуулахын тулд Нийслэлийн шүүхийн шийдвэрийн нэрийн өмнөөс “Алтайн хүдэр” компанийн арилжааны банкууд дахь дансны хөдөлгөөнийг зогсоох тухай албан бичиг явуулж хаалган, компаний байранд нь 12 цагдаагийн хамт ирж “Ер нь би танай үйл ажиллагааг зогсоосон ч чадна” хэмээн хүч хэрэглэн сүрдүүлсэн байна.

Үүнийг эсэргүүцэн түүний энэ булхайтай ажиллагааг илчилсэн нийтлэл сарын өмнө сонин хэвлэл, вэбсайтуудаар гарсны дараа Б. Ариунцэцэг “Алтайн Хүдэр” компаний өр барагдуулах ажилтан Э. Хаш-Эрдэнэ рүү удаа дараа залгаж “Чи нотлох баримтаа аваад хурдан хүрээд ир! Байвал би нэг үзээдхэе” хэмээн залилах гэж оролдох, “Чи намайг яаж байгаа юм? Ер нь та нар намайг яаж чадахыг хараарай!” хэмээн улаан цайм дарамтлах зэргээр эгчээрээ болон өөрөө, мэдээлэл тавиулсан сонин хэвлэл, вэбсайтуудыг занаж, “Нийслэлийн шүүхийн шийдвэрээс ярьж байна” хэмээн дарамталж эхэлсэн тул өдгөө тус хэвлэл мэдээллийн байгууллагынхан түүний дээрхи бусармаг үйлдлүүдийг баримтжуулан шүүхэд хандаж эхлээд байна.

Б. Ариунцэцэгийн энэ үйлдлийг хууль бус хэмээн эсэргүүцэж “Алтайн Хүдэр” компаний зүгээс шүүхэд хандсан бөгөөд Шүүхээс тус хэргийг хянан шалгаж үзээд 2014 оны 9 сарын 23-ны өдөр “Алтайн Хүдэр” компаний арилжааны банкууд дахь дансыг битүүмжилсэн, ашигт малтмалын тусгай зөвшөөрөл болон авто тээврийн хэрэгслүүдийг битүүмжлэх, шилжилт хөдөлгөөнд хориг тавьсан ажиллагааг хүчингүй болгуулах, шийдвэр гүйцэтгэгчийг урамшуулах болон шийдвэр гүйцэтгэлийн ажиллагааны зардал гаргуулах гэрээ байгуулсан үйлдэл нь илт хууль бус болохыг тогтоосон байна. Гэтэл 2 жилийн өмнө гарсан уг шүүхийн шийдвэр байсаар байтал Нийслэлийн Шийдвэр Гүйцэтгэх Алба нь өөрөө шүүхийнхээ шийдвэрийг үл ойшоон нулимж, хохироод үлдсэн үндэсний компани дээрээ хууль бус “шийдвэр гүйцэтгэх ажиллагаа” гээчээ явуулсаар л байна! Иймд шүүхээс дахин 2016 оны 3 сарын 4-ний өдөр Нийслэлийн Шийдвэр Гүйцэтгэх Албанд захирамж явуулж 2014 оны шүүхийн шийдвэрийг биелүүлэхийг шаардсан ч Нийслэлийн Шийдвэр Гүйцэтгэх Албаны дарга, хурандаа Т. Энхбат нь компаний төлөөлөлд “Хэн ч надтай том дуугарч харьцдаггүй юм! Хууль зүйн яамны Дотоод аудитын газар, ШШГЕГ, Харъяа дүүргийн Цагдаагийн байгууллага 3 наад хэргийг чинь шалгаж байгаа болохоор би битүүмжлэгдсэн машинуудыг чинь суллахгүй мэдэв үү! Тэгээд шалгалтын чинь хариу гардаг юм бол их үсрээд л намайг хална биз. Өөр яадаг юм ер нь?” хэмээн аархаж, дарга, цэрэггүй дээд байгууллага болох шүүхийнхээ шийдвэрийг биелүүлэхгүй даналзаж сууна.

Монгол улсаас зугатан алга болсон хэрнээ төрийн албан хаагчдыг авилгалдан дотоодын компанийг дарамтлуулж байгаа хятадууд руу Нийслэлийн шүүхийн шийдвэр гүйцэтгэлийн албаны 150 дугаар тойргийн шийдвэр гүйцэтгэгч Б.Ариунцэцэг чухам хэзээ, хаанахын ямар дансаар хичнээн төгрөгийн гүйлгээ хийж үйлчилсэн, дээрхи хятадын компаниас төрийн албан хаагч түүний ах дүү, хамаатан садны данс руу шагнал болгож хичнээн хувийг нь шилжүүлснийг шалгахад уг нь ядах юмгүй мэт.

Монгол улс уг нь төртэй, өөрийн гэсэн дүрэм журам, хууль цаазтай тай улс! Гэтэл ард иргэд, хувийн хэвшлийн компаниудаа төрийн байгууллагын нэрээр дарамтлан хааж боож, өөрсдөө хуулиа зөрчиж ажиллах нь тэгээд зөв юм уу? Ингэж хуультай ч юм шиг, хуульгүй ч юм шиг  үлгэн салган явснаас нэг мөр төр нь, хуультай ч хуулиа мөрддөггүй юм аа гээд үнэнээр нь зарлачих л даа? Тэгвэл ард иргэд, хувийн хэвшлийнхэн бид ч гэсэн хувийн журмаар асуудлаа шийдэцгээе, тэгэх үү?!  

Төлбөртэй нийтлэв

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

zochin 2016-03-21 43.228.129.65

toriin ner barij undesnii company uudaa daramtaldag ulger jishee , eronhii saidaaa , huuly zuin saidaa ajilaa hiigeechee

Болд 2016-03-21 43.228.129.65

Шүүхийн шийдвэрийнхэн ажлаа ингэж хийдгийг бүгдээрээ л мэднэ ш дээ. Шагнал урамшуулал гэчихжээ бас. Хуцав аа. Тэр АТГ энэ тэр нь ийм хүмүүсээ шалгаж хорьдоггүй юм уу? Арай дэндэж байна ш дээ

Зочин 2016-03-21 43.228.129.65

Энэ НШГА-ынханыг захын хүнээс асуухад ямар хүнд сурталтай, яаж ажлаа хийдэгийг нь хэлээд өгнө дөө. Энэ балиар хүнд суртал, авилгаас чинь болж энэ улс чинь хөгжихгүй байна. Дан ялангуяа Үндэсний үйлдвэрлэгчидээ дэмжиж ажлаач ээ. Энэ үйлдвэрлэгчдийн чинь ард өчнөөн олон гэр бүл, үр хүүхдүүд тэжээгдэж байгаа гэдгийг битгий мартаач ээ............ Энэ хүүхний нэг өдрийн хоолыг нь булаагаад идчихвэл яах болдоо.............

haha 2016-03-21 202.9.42.4

Gants huunii elduuriig n sain hangaad uguhgui archaagui garuud ve. Dahiad dahiad getel n yahgui.

төлбөртэй нийтлэл төлбөртэй гүтгэлэг байна 2016-03-21 122.201.31.91

ээ чааваас мөнгө цагаан нүд улаан гэж энэ дээ одоо нөгөө алдарт МОНГОЛЫН ГАЗРЫГ ХЯТАДУУДТАЙ НИЙЛЖ УХАСАН луйварчин компани ард түмний хүүхдүүдийн хөдөлмөрийн хөлсийг үнэгүй шулдаг АЛТАЙН ХҮДЭР -ийг түмэн мэднэ дээ. ӨӨРСДӨӨ ХЯТАДУУДТАЙ СҮЛБЭЛДЧЭЭД МОНГОЛЧУУДЫН ЭМЗЭГ СЭДВИЙГ АШИГЛАЖ НИЙГЭМД АЖЛАА ХИЙЖ БАЙГАА ШШГА-НИЙГ СҮЛБЭЛДСЭН ГЭЧИЖ ИЧИЖ ҮХЭЭСЭЙ хууль бус булхай луйврыг нь илчилж төлүүлэх гэж төрийн ажлыг хийж яваа хүнийг өчнөөн гүтгэж доромжилж байна одоо бүр байгууллага дарга цэрэгтэй нь доромжилоод мөнгө ч хүчтэй юмаа та нар энэ сайт үнэн өрөвдөлтэй юм даа хэдэн халтар цаасны төлөө хэнийг ч захиалгаар юү ч бичихээс сийхгүй юм да хянаж шалгадаг газар нь хаана байнаа. ЛУЙВАРЧИН АЛТАЙН ХҮДЭР БУЛХАЙ НЬ УДАХГҮЙ ИЛЧЛЭГДЭЖ ЗОХИХ ШИЙТГЭЛЭЭ ХҮРТЭХ БАЙЛГҮЙ ДЭЭ АЖЛАА ЗОГСОЛТГҮЙ САЙН ХИЙГЭЭРЭЙ ШШГА-НИЙХААН

Зочин 2016-03-21 103.26.195.199

***** талд ажиллаад байгаа энэ хүнтэй хариуцлага тооцож, шоронд хатаагаач ээ.

Зочин 2016-03-21 150.129.143.243

алтайн хүдэр хүнд хульхидууллаа юу

Албаныхан хятадаар ойр зуур ярьдаг хүн байхгүй. 2016-03-21 49.173.8.35

Нийслэлийн Шийдвэр Гүйцэтгэх Албаныханд хятадуудаар ойр зуур ярьдаг хүн байтугай, 100 -н хятад үг хазгай хэлээд, 10-н Хятад ханз таньдаг хүн байхгүй байх гэж бодож байна.

Хятад. 2016-03-21 122.201.31.2

Ганц хүүхэнд дээрэлхүүлэд хохь чинь гэж хэлье...........Ийм компани яаж дээшээ гарах юм бэ ?

Зочин 2016-03-21 202.9.42.1

Одоо хулгай луйвар хийчээд хариуцлага хүлээх болохоороо Хятадуудтай нийлж аллаа гэдэг болж. Женкогийн дэлгэрүүлсэн моод баян Базраад халдаж дээ

Зочин 2016-03-21 202.180.220.172

Алтайн хүдэр угаасаа хулхи компани ш дээ

Зочин 2016-03-21 202.131.227.250

Яасан ядмаг бичсэн юм бэ дээ. Ойлгосонгүй

Зочин 2016-03-21 27.123.214.120

Хятадуудыг өмөөрч байгаа юм биш, Алтайн хүдэр буюу Базар гэдэг этгээд ч үнэн хулхийн хулхи гар даа.

zochin 2016-03-21 182.251.243.38

inged huuli hamgiin heregjih buur tsaashlad hamgiin dagaj merdej baih gazar ni iim bgan er ni shuuhiin, tsagdaagiin eruugiin system ni ereesee mash zerleg, buduuleg, hargis, za yarianaii soyol ene ter bol yu ch baihgui zugeer daranguilsan ym yarih ged baidag ene.g ni undseer ni alga bolgoh heregtei Temuujingiin irgeded hursen huuliin zaaltuudiig humuust ergen surtalchilmaar bna

Иргэн 2016-03-21 202.21.106.146

Шийдвэр гүйцэтгэх албаныхны иймэрхүү үйлдэл гэм биш зан нь . Мөнгө гэхээр яахаас ч буцдаггүй эх орон нэгтнээ хохироож шударга ёсыг уландаа гишгэсэн Ариунцэцэгийг хатуу шийтгэж цээрлүүлбэл зохино. Ер нь шийдвэр гүйцэтгэх албыг шинэ боловсон хүчнээр хангах нь зүйтэй. Дөчөөс дээш насныхан нь гар харж ажилладаг гэж хэлэхэд нэг их гүтгэсэн болохгүй байх оо.

Зочин 2016-03-21 202.21.106.123

хууль зүйн яам нэг мөсөн хятадын төрийн яам гэдгээ хүлээн зөвшөөрчих дөө. одоо ер нь мэдэхгүй гадарлахгүй хүнгүй боллоо шд.

tulga 2016-03-21 43.228.129.65

ajilaas n halaachee ,

zochin 2016-03-21 43.228.129.65

novshiin humuus ve, avilga avsan n unen um bna sh dee oilgomjtoi baina, mongol company aa deerelheed yasan archaagui tur zasag vee ,

bilegted 2016-03-21 150.129.141.13

ashig sonirholiin zurchiltei humuusiig shuud halj baildaa.tsana chin medleg bolovsroltoi shudraga bolovson huchin zunduu li bna.nam dagaj turiin albiig holij hutgadagaa bolimoor yumaa?namiihaa huniig ah duusee ashig sonirholtoi het heg taliig baridag medleg bolovsrol muutai turiin nereer darmtaldag iimerhuu humuust onogduulah hariutslagiih changa bolgoj hatuu arga hemjee avdag bolmoor bna.ajilaa hiij chaddag humuusiig tomilj baildaa.

Зочин 2016-03-21 202.131.234.126

Төрийн гүйцэтгэх чухал хэдхэн үүргийн нэг нь нийгмийн шударга ёс буюу цагдаа, шүүх системийн ажиллагаа. Манайд цагдааг нь ЗГ хариуцаад, шүүх системийг нь Ерөнхийлөгч хариуцдаг. ерөнхийлөгчөө шүүх системийг шударгуу болгоно гэж амласн яаалаа .....

NewsMN Гар утасны хувилбар Татах
NEWS.mn

Мэдээллийн эх сурвалж