У.Хүрэлсүх: Хүнээ хөгжүүлье гэвэл багшаа хөгжүүлэх ёстой | News.MN

У.Хүрэлсүх: Хүнээ хөгжүүлье гэвэл багшаа хөгжүүлэх ёстой

У.Хүрэлсүх: Хүнээ хөгжүүлье гэвэл багшаа хөгжүүлэх ёстой

У.Хүрэлсүх: Хүнээ хөгжүүлье гэвэл багшаа хөгжүүлэх ёстой

Боловсролын багц хуулийн төслийн цахим хэлэлцүүлгээр өнөөдөр 21 аймаг, нийслэлийн 9 дүүргийн боловсролын байгууллагын удирдлага, багш, ажилтны төлөөллийн саналыг сонсож байна.

Цахим хэлэлцүүлэгт Монгол Улсын Ерөнхий сайд У.Хүрэлсүх, УИХ-ын Боловсрол, соёл, шинжлэх ухаан, спортын байнгын хорооны дарга Ж.Мөнхбат, Боловсрол, шинжлэх ухааны сайд Л.Цэдэвсүрэн, дэд сайд Г.Ганбаяр нарын холбогдох албаныхан оролцож байна.

Цахим хэлэлцүүлгийг Боловсрол, шинжлэх ухааны сайд Л.Цэдэвсүрэн нээж хэлсэн үгэндээ “Бид хуулийн төсөлд Монгол Улсын боловсролын зорилгоо олон судалгаа, саналыг үндэслэн шинэчлэн тодорхойлоод байна. Боловсролын зорилгоо төрт ёс, түүх соёлынхоо уламжлалыг нандигнан өвлөн дээдэлсэн дэлхийд өрсөлдөхүйц мэдлэг, чадвар бүхий эрүүл чийрэг, ёс суртахуунтай, хүмүүнлэг, төлөвшсөн иргэнийг бэлтгэх, насан туршдаа суралцах эрх зүйн үндсийг бүрдүүлэх боловсролын харилцаанд оролцогчдын эрх зүйн байдал, нийгмийн баталгааг тогтоохтой холбоотой харилцааг зохицуулахаар тодорхойлсон. Үүнтэй уялдуулаад суралцагчийн нас, хөгжлийн онцлог, авьяас сонирхол, хувийн болон нийгмийн хэрэгцээ, үндэсний өв уламжлал, шинжлэх ухаан, технологийн хөгжлийн хандлагад нийцүүлэн боловсролын зорилгыг хэрэгжүүлэхэд чиглэхээр агуулгаа өөрчилсөн юм. Өнөөдрийг хүртэл боловсролын агуулгыг бусад салбарын 17 хуулиар тогтоож, цэцэрлэг, сургууль, их, дээд сургуулийн сургалтын агуулга, хөтөлбөрт орох асуудлыг хуульчилж байсан нь суралцагчдад дарамт өгөх, багш нарын ачааллыг нэмэгдүүлэх, багш нарыг хуульд заасан агуулгаар бэлтгэх боломжгүй болсон учир агуулгыг шинэ хуулиар зохицуулж өгөхөөр тусгасан” болохыг онцоллоо.

Монгол Улсын Ерөнхий сайд У.Хүрэлсүх боловсролын салбарынханд хандан хэлэхдээ  “Монгол Улсын Засгийн газраас дэвшүүлсэн хөгжлийн бодлогын нэг чухал хэсэг нь боловсролын эрх зүйн шинэчлэлийн асуудал юм. Энэ хүрээнд боловсролын зорилгыг хөгжлийн хэрэгцээ, шаардлагад нийцүүлэн шинэчлэх, багшийн арга зүйг сургахаас суралцахуйг дэмжих рүү чиглэсэн дэлхий нийтийн боловсролын хөгжлийн чиг хандлагатай уялдуулан өөрчлөх, цахим шилжилт, цахим боловсрол, зайны сургалтын эрх зүйн шинэчлэлт хийх шаардлагатай байна. Боловсролын чанарыг сайжруулж, ирээдүйн монгол хүний төлөвшил, ёс зүй, хүмүүжил, мэдлэг чадварт анхаарах цаг нэгэнт болж бид үүнийг улсын хөгжлийн бодлого, Засгийн газрын үйл ажиллагааны хөтөлбөртөө тусган ажиллаж байна. Сургалт, хүмүүжил хоёр бол нэгдмэл зүйл гэж харж байгаа. Улс орноо хөгжүүлье гэвэл хүнээ хөгжүүлэх, харин хүнээ хөгжүүлье гэвэл багшаа хөгжүүлэх ёстой. Өнөөдрийн хэлэлцүүлж буй Боловсролын цогц хуульд боловсролын харилцаанд оролцогчдын эрх үүрэг хариуцлага, нийгмийн баталгааны талаар оновчтой, тодорхой, амьд хууль болгоход та бүхний үүрэг оролцоо хамгаас чухал гэдгийг онцолж байна” хэмээсэн юм.

Боловсрол, шинжлэх ухааны яам, УИХ-ын Боловсрол, соёл, шинжлэх ухаан, спортын байнгын хороотой хамтран орон даяар Боловсролын багц хуулийн төслийн хэлэлцүүлгээр санал авах ажлыг зохион байгуулан ажилласан.

Хуулийн төслийн шинэчлэлд ач холбогдол өгч байгаагаа УИХ-ын Боловсрол, соёл, шинжлэх ухаан, спортын байнгын хорооны дарга Ж.Мөнхбат хэлсэн үгэндээ онцолсон. Мөн тэрбээр “Бүх зүйлийн үндэс боловсрол. Боловсролтой иргэн тухайн улсын нүүр царай болж, хөгжлийн ачааг нуруундаа үүрч явдаг гэдгийг дэлхий нийт хүлээн зөвшөөрдөг. Тиймээс бид бүхэн цаашдаа Монголын үндэсний онцлогийг шингээсэн дэлхийн боловсролыг хүртсэн чиг баримжаатай боловсролын шинэчлэл рүү явах цаг болсон гэдгийг эрдэмтэн, судлаачид ярьж байна. Монгол Улсын Засгийн газраас боловсролын хууль эрх зүйн шинэчлэл хийх хуулийн төслийг санаачлан боловсруулж, оруулж ирж байна” гэв.

Хуулийн төсөлтэй холбогдуулан өнгөрсөн 11 дүгээр сарын 5-наас эхлэн боловсролын байгууллагын багш, ажилтан, алба хаагчид болон олон нийтээс санал авсан. Цахим санал асуулгад 56617 хүн хандаж, өнөөдрийн байдлаар 24299 санал өгөөд байна. Өнгөрсөн 10 хоногийн хугацаанд хийсэн 21 аймаг, нийслэлийн 9 дүүргийн цахим хэлэлцүүлэгт нийт 5632 багш оролцож, саналаа ирүүлжээ.

Ирүүлсэн саналын хамгийн их давхацсан саналуудыг Боловсрол, шинжлэх ухааны дэд сайд Г.Ганбаяр танилцуулахдаа “Боловсролын зорилго, зорилтыг боловсронгуй болгох чиглэлээр мэдлэгээс илүүтэй хүний хүмүүжил, төлөвшил, хандлага, чадварт анхаарах болж, сургахаас суралцахуй руу чиглэсэн агуулгын хүрээнд сургалтын хөтөлбөр, агуулгыг тогтвортой байлгах, шинжлэх ухаанд тулгуурласан байх, сурах бичгийн хэвлэлтийн чанарыг сайжруулах, сургалтын орчны стандартыг баримтлах, удирдлагын томилгоог оновчтой болгох, сэлгэж ажиллуулах, босоо тогтолцоотой байх, багшийн нийгмийн баталгаатай холбоотой асуудлаар багш нарыг адистатчилах, тэтгэврийн насыг эмэгтэй 50, эрэгтэй 55 болгох, цэцэрлэгт ээлжийн, ерөнхий боловсролын сургуульд туслах багш ажиллуулах, багш бэлтгэх их, дээд сургуулийн сургалтын чанарыг сайжруулах, элсэгчдийн босго оноог нэмэгдүүлэх зэрэг санал ирсэн” болохыг онцлов.

Үүний дараагаар аймаг, нийслэлийн боловсролын байгууллагын удирдлагууд дэвшүүлж буй саналаа уламжиллаа. Дорнод аймгийн тухайд хуулийн төсөлд нийт 1100 багш саналаа нэгтгэжээ. Багш нарын нэгтгэсэн саналд боловсролын салбар мэдлэг, чадвар олгохоос гадна хамгийн чухал нь монгол хүнийг багаас нь эхлэн байгаль, нийгэмтэйгээ хэрхэн зөв харьцах, хүнлэг, энэрэнгүй ёс суртахуунтай, түүх, соёлоо мэддэг иргэнийг төлөвшүүлэх агуулгыг тусгах хэрэгтэй гэж үзэж байгаагаа хэлсэн. Мөн сургалтын хөтөлбөр, агуулгыг 10 жилээр тогтвортой байлгах нь чухал хэмээлээ.

Архангай аймгийн багш нарын нэгтгэсэн саналд багш, ажилтны нийгмийн баталгааны асуудлыг тодорхой тусгах, тэтгэврийн насыг урагшлуулах, боловсролын салбарыг улс төрөөс ангид байлгах асуудлыг хуулиар зохицуулж өгөх хэрэгтэй хэмээн тусгагджээ.

Боловсролын багц хуулийн төслийн хэлэлцүүлэг үргэлжилж байна.

 

Энэ мэдээнд өгөх таны сэтгэгдэл?
18
ЗөвЗөв
3
ХахаХаха
3
ТэнэглэлТэнэглэл
1
ХөөрхөнХөөрхөн
1
БурууБуруу
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-21 202.21.108.37

Нэг нэгнээсээ хуулдаг, төгсөхөөрөө бүгд онц сурлагтнууд болчихдогийг зогсоох хэрэгтэй. Угаасаа бүх юмандаа онц хүн байхгүйшдээ, онц төгссөн хүмүүс худлаа амбицтай болдог

Avatar

Зочин 2020-12-21 66.181.161.32

Argazvich erhlegch narin be dvngiin uramshluulig bagsh nadtai adil 60% bolgoh mon argazvichiin tsaling nemeh

Avatar

Зочин 2020-12-21 202.9.40.9

Бас багш нарыг үнэлэхдээ нөгөө муухай нам дагагчдыг түрүүнд битгий тавиасай.

Avatar

Зочин 2020-12-21 72.140.194.106

Энийг үгийг маш эрт хэлж байх байсан юм даа өөрөө хэдэн жил их хурал , засгийн газар ажилласан билээ даанч орой санж дээ энэ үгий хүмүүс сайн бодож сонгуульд санал өгөх хэрэгтэй хэдэн сайхан үгэнд хуургадаж сонголт хийх маш буруу шүү гэж би боддог доо

Avatar

Ahmad bagsh. 2020-12-21 202.9.47.29

Энэ цагийн багш юуны өмнө өөрөө асар хүнлэг ёс суртахуунтай , хүүхдэд өөрийгөө зориулах агуу сэтгэлтэй тийм язгуур онцлог багш байх ёстой. , Нэгэнт багшийн мэргэжил эзэмшсэн бол эхлээд өөрийгөө маш сайн бэлд , үүний хамт одоо төрж байгаа хүүхдийн сэтгэл зүй болон ашиг үйлдлийг сайн судал. Чиний хичээл заах хүмүүний хөгжил маш хурдацтай өөрчлөгдөж байна. Үнэхээр оюуны маш өндөр чадамжтай гайхалтай сайхан хүүхдүүд төрж байгаа нь ажиглагдаж байна. Тийм хүмүүний цаг үе нэгэнт ирсэн байна шүү.

Avatar

Irgen 2020-12-21 139.5.218.49

Bagsh boloxin tuld 4-5 Jil ix deed surguuliudad beltgegdej baigaa. Ingej suraad Bagsh bolj baigaa xymyys xugjixgui baina uu

Avatar

Zochin 2020-12-21 118.235.3.95

Eh Heleer bitgii togluulaad bgaachee

Avatar

Зочин 2020-12-21 66.181.185.59

Er ni Hurelsuhiin zasgiin gazriig demjeed ehellee shuu, utaa bolovsrol geed hamgiin gol zuilsiig hiij ehelj bnadaa.

Avatar

Б.Золзаяа 2020-12-21 66.181.161.110

Ихэнх саналуудтай санал нэг байна. Харин хурдан д хэрэгжүүлж ажил хэрэг болгох хэрэгтэй гэж бодож байна. СӨБ. ЕБС 1-5 р анги хүртэл төлөвшлийг онцгой анхаарах. Сургалтаа энэ талруу чиглүүлэх нь зөв байх гэж бодож байна.

Avatar

Зочин 2020-12-21 66.181.161.31

Ерөнхий сайдаа хүнээ хөгжүүлье гэвэл багшаа хүндэл , нийгмийн асуудлыг нь шийд, цалин хангамжийг нь нэмэгдүүл Гадаад оронд хамгийн нэр хүндтэй мэргэжил бол цэцэрлэгийн багш монголд хамгийн үнэ хүндгүй ажил цэцэрлэгийн багш болсон тиймээс өнөөдөр хамгийн эрэлттэй мэргэжил цэцэрлэгийн багш байгаа шүү та багшаа хөгжүүлэх сургах зардлыг нь улсса гаргаад өгчих өрнөө өрний хооронд амьдарч байгаа багш яаж хөгжих юм бэ? нэг сургалтанд хамрагдая төлбөр, санхүү гээд зогсдог шүү

Avatar

Зочин 2020-12-21 66.181.161.31

Өндөр төлбөр авч байгаа хувийн сургууль , цэцэрлэгийг хувьсах зардал нэртэй төрөөс мөнгө өгдөгөө болих Мөн багш нарын нийгмийн асуудлыг бодитой шийдэх тэтгэмжийн хугацааг 3 жил болгох цэцэрлэгийн багш нарт анги даалтын хувь өгөх, багшийг МУБИС-р бэлтгэх, багшийн үнэлэмжийг өндөр болгох юм бол сурлага сайтай хүүхэд багш болоно сайн багшаас сайн шавь төрнө Гэтэл хувийн сургууль төгссөн багш зөв бичиж чадахгүй дипломноос цаашлахгүй байна

Avatar

Зочин 2020-12-21 192.82.71.209

Хувийн улсын гэж ялгадаг тэнэг үзлээ зогсоо. Үйл ажиллагаа явуулж буй байр байшин эд хөрөнгө нь хувийн болон улсын өмч гэдгээрээ ялгагдахаас бусдаар ялгаагүй нэг хууль, нэг стандарт мөрдөж ажилладаг адил зорилго чиг үүрэгтэй байгууллагуудыг ялгаж болохгүй. Хувьсах зардал гэж илүү үзээд байгаа мөнгө чинь нэг хүүхэдтэй ажиллаж буй үйл ажиллагааны 10% д хүрэхтэй үгүйтэй зардал буюу ердөө 807 төг 8 мөнгө байдаг. Бүх зардлаа өөрсдийн хүчээр олж ажилладаг хувийнханд энэ мөнгө далайд дусал болно.

Avatar

Зочин 2020-12-21 150.129.142.128

ЦЭРГИЙН СУРГУУЛИЙН БАГШАА ЗОДЧИХООД УУ

Avatar

Зочин 2020-12-21 150.129.142.128

багшаа барьж зодчихоод одоо бас ингэж ярина аа гэж …

Avatar

Зочин 2020-12-21 66.181.161.34

амансүхээс залхлаа

Avatar

самарчин 2020-12-21 66.181.161.34

цагдаагиин эргүүлүүд хүйтэнд ямар ч ашиггүй зогсоож буй залуусд хэцүү байлаа явуулын цөөн тоотой нь дээр хүрэлсүх салаан даргын ажилаа санаа биз дарангуйлалд бэлдсэн нь тэр биз энэ хүн удвал гай улам нэмэгдэнэ 600 самарчин атибусаар зүүнхараа орсон хятадууд холбоотой 1 вагон самар 800сая Сумьяабазарын аав сайн мэднэ урьд нь гаргасан шүү

Avatar

Зочин 2020-12-21 64.119.21.202

Би хаана ч багш хүнийг төвөггүй таньдаг. Яагаад гээч миний аав, ээж насаар хамт нэг л сургуульд багш хийсэн хүмүүс.Хамт ажиллаж байсан болон залуу багш нар нь манайхаар их ирдэг бсан. Хувцас муухан аймаар саваагүй, юм болгон сонирхдог, дуугай байж чаддаггүй, их цагаахан байнга шавь нарынхаа тухай яриа өрнүүлдэг, тэгээд аймаар чанга ярьдаг /хөөрхий хүүхдүүдийнхээ дуунаас давж ярих гэсээр байгаад тийм болчихдог юм шиг бгаа юм./ Ийм л хүмүүс байдаг юм даа.

Avatar

Зочин 2020-12-21 202.9.46.80

Хүүк өөрөө төлөвшөөгүй ёс зүйгүй тэгэхээр яаж хүүхдүүд төлөвшиж ёс зүйтэй болох билээ: Ингэж хоосон яриж байхаас зүгээр л хүнд гай бололгүй байж болдоггүй юм боловуу. Утаа илүү хортой илүү аюултай болсон байна. Улаанбаатарчуудын эсрэг терор хийгээд байна ш дээ. Одоо хүүхдийн эсрэг хийхнэ. Одоо болно ш дээ. Бид зүгээр л амьдаараад мөрөөрөө үхье эрхэм ЕС өө.

Avatar

Зочин 2020-12-21 202.9.46.76

жинэхэн анхаарах зүйл энэ дээ.Багш бэлтгэхээс л эхлэх хэрэгтэй.Багш нарын цалин хангамж ар гэртээ зоволтгүйгээр байх ёстой.Улсын төсвөөр хувийн сургууль тэтгэхээ\хувьсах зардал\ боль.

Avatar

Зочин 2020-12-21 192.82.71.209

За хө тэр ад үзээд байгаа хувийн сургууль чинь улсын эдийн засаг, боловсролын салбарт маш их нэмэр болж байгаа тул өчүүхэн хувьсах зардал байтугай төсвөөр урамшуулж дэм болж байх ёстой шүү. Ухаан муутай хүмүүс минь жаахан тархиа нээчихээд олон юм дуугарсан нь дээр шүү.

Avatar

Г.Энхбат 2020-12-21 66.181.176.190

Сургууль бүхэн газар тариалан, мал аж ахуйн чиглэлээр хөдөлмөр зуслантай болчих хэрэгтэй санагддаг. Өөрийн хөрөнгө байхгүй нь гэрээгээр энэ нөхцлийг бий болгож болох юм. Хамгийн гол нь амьдралын ухаан суулгаж өгөх хэрэгтэй дээ.

Avatar

Г.Энхбат 2020-12-21 66.181.176.190

Хамгийн гол нь хөдөлмөрөөр хүнийг хүмүүжүүлдэг гэж өвөг дээдсүүд маань ярьдаг бсан.Энэ маш зөв санагддаг. Боловсролтой болохын зэрэгцээ амьдрах ухаан, монгол ёс заншлаа гүйцэд эзэмшиж байж, төлөвшсэн хүн болно. Цэцэрлэгийн наснаас нь зүйр цэцэн үгний утгыг тайлбарлан ойлгуулж, цээжлүүлэх зэргээр багаас нь өвөг дээдсүүдийнхээ биднийг хүмүүжүүлж байсан ухааныг эзэмших хэрэгтэй санагддаг юм.

Avatar

ИРГЭН 2020-12-21 122.201.24.12

Ерөнхий сайд зөв цэгийг нь олж дарлаа. Манай багш нарын дунд мэдлэг чадвар дорой мөртлөө авах идэхийн шуналд автсан хүмүүс мэр сэр байнаа. Багш мэдлэг чадвартай байж байж хүүхэд хүн шиг хүн болж өснө. Ирээдүйн Монгол иргэнийг зөв хүн болгон төлөвшүүлэх нь чухал байна.

Avatar

Зочин 2020-12-21 202.9.46.80

Хүн өөрийнхөө хийж чаддаг зүйлийг бусдад сургадаг юм. Өөрөө чапахгүй байж их том том ярихаар хоосон яриа болоод үлддэг юм ш дээ. Сүрлэн танктай сүр Данзан чинь хүүхдүүдэд хулхидах, хууран мэхлэх, өөрийгөө магтах сонгодог үлгэр жишээ болж байна. Хүүхдүүдийн хажууд зурагт асаахаас хүртэл ичдэг боллоо.

Avatar

Зочин 2020-12-21 202.131.233.251

гэж ярьж л байдаг юм.

NewsMN Гар утасны хувилбар Татах
NEWS.mn

Мэдээллийн эх сурвалж