Эрээн Монголын ПСР шинжилгээнд "итгэхгүй" байна | News.MN

Эрээн Монголын ПСР шинжилгээнд "итгэхгүй" байна

Эрээн Монголын ПСР шинжилгээнд "итгэхгүй" байна

Эрээн Монголын ПСР шинжилгээнд "итгэхгүй" байна

Монгол Улсад Covid-19 халдварын тохиолдол нэмэгдэж байгаа учраас БНХАУ-ын тал хилийн шалган нэвтрүүлэлтээ чангатгаж нүүрс тээврийн монгол жолооч нараас PCR шинжилгээний бичиг шаардан бичиггүй бол хилээр нэвтрүүлэхгүй байх шаардлага тавьсан. Ингэхдээ БНХАУ-ын тал монголын PCR шинжилгээг баталгаажуулахаар өдөрт 100 орчим жолоочийг нэгдсэн журмаар тээвэрлэн өөрийн талд шинжилгээ өгүүлж байгаа нь цаг хугацаа алдахад хүргэжээ.

Үүнээс гадна  БНХАУ-ын тал PCR шинжилгээний бичгийн хүчинтэй хугацааг ажлын таван өдрөөр тооцож байгаа учраас жолооч нар олон дахин шинжилгээ өгч байгаагаас үүдэн эргэлт, рейс  удааширсан байна. Өөрөөр хэлбэл, БНХАУ-ын  хил рүү орсон жолоочоос  давхар шинжилгээ авч хариу нь баталгаажсан тохиолдоллд хилээр оруулж байгаа аж.

Сүүлийн өдрүүдэд “Гашуунсухайт боомтоор нүүрс тээвэрлэн гаргаж буй автомашины тоо арав хүрэхгүй болж буурлаа” “Жолооч нар өвлийн хүйтэнд олон хоног шинжилгээний хариугаа хүлээн хил дээр гацаад байна” гэх мэдээлэл хөврөх болсон. Тиймээс Covid-19 халдвараас үүдэн нүүрс тээвэр саатсан эсэх, жолооч нарын нөхцөл байдлын талаар  албаны хүмүүсээс тодруулахад гааль, мэргэжлийн хяналт, Гашуунсухайт боомт гээд төрийн олон нэгжийн уялдаагүй шийдвэрүүд нөхцөл байдлыг улам хүндрүүлж байгааг шүүмжлэв.

Зам тээврийн хөгжлийн яамнаас “Гашуунсухайт боомтоор нүүрс тээвэрлэн гаргаж буй автомашины тоо 10 хүрэхгүй болж буурсан” гэх мэдээллийг үгүйсгэсэн юм. Тодруулбал “Covid-19  халдварыг дотооддоо алдсан өдөр буюу арваннэгдүгээр сарын 11-нд нүүрс тээвэрлэлт тэг зогсолт хийсэн. Энэ бол зөвхөн нэг өдөр л нүүрс тээвэрлэлт хийгээгүй гэсэн үг. Өмнө нь Гашуунсухайт-Ганцмод боомтоор өдөрт нүүрс тээвэрлэсэн 700 гаруй автомашин гарч байсан. Одоо бол өдөрт 180-200 машин нүүрс тээвэрлэж, гарч байна. Нүүрс тээвэр хэвийн үргэлжилж байна” гэлээ.

ЭНЭ БАЙДЛААРАА НҮҮРС АЧААГҮЙ МАШИНУУД ОНЫ ӨМНӨ ХИЛ РҮҮ НЭВТЭРЧ ЧАДАХГҮЙ 

Жолооч нар өвлийн хүйтэнд олон хоног шинжилгээний хариугаа хүлээн хил дээр гацсан талаар "Баян-зам" тээвэрчдийн холбооны удирдах зөвлөлийн дарга П.Баярхүүгээс тодруулахад,

-БНХАУ-ын талаас  монгол жолооч нарт хийсэн шинжилгээнээс сэжигтэй тохиолдол илрээгүй учраас нүүрс тээврийн таталт  150 автомашин  байсныг 300 болгож нэмсэн. Ерөнхийдөө нүүрс тээвэрлэн  хил рүү гаргах дугаарлалтаас  илүүтэй нүүрс ачилт буулгалтын гаалийн хяналтын бүс дээр маш их бөөгнөрөл үүсч байна. Нүүрс ачилт буулгалтын талбайн гадна 2500 орчим машин нүүрс тээвэрлэхээр хүлээж байна.

Цагаан хадны бүсэд ерөөсөө ачаанд явалгүй  25 хоносон жолооч  ч бий. Жолооч нар нүүрсээ ачуулж авахын тулд дор хаяж 20-25 хонож байна.

Гаалийн хашаанд  нүүрс ачиж буулгах албан ёсны  26  талбай бий.  Үүнээс 10 орчим талбай идэвхтэй ажиллаж байгаа бөгөөд  талбай бүрээс өдөрт 20  машин нүүрс ачих квоттой.  Гаалийн газраас хил нэвтрэх машины квотыг гаргадаг ч өдөрт хэдэн машин, аль хашаанаас  ачилт хийх  талаар жолооч нарт мэдээлэл өгдөггүй. Үүнээс болж жолооч нарын дунд үл ойлголцол үүсч байна. Нүүрс буулгалтын талбайн гадна нүүрс ачихаар дугаарлаж байгаа нэгнийхээ урдуур орохоос гадна хахууль өгөх, ар өврийн хаалга зэрэг эмх замбараагүй байдал үүсээд байна. Энэ төрлийн 400 орчим гомдол манай холбоонд  ирсэн. Нүүрс ачихаар 20 хоносон жолооч хүлээж байхад 6 хоносон жолооч урдуур нь орхоор  ямар хэрэг байх вэ дээ. Хилийн татан авалт удаашрахаар их хэмжээний машин гаргачихвал дугаарлалт үүсэх учраас шинжилгээ авсан тоогоороо жолооч нарыг  гаргаж байгаа.

Халдвар гарахаас өмнө өдөрт 700-800 машин нүүрс  ачдаг байсан учраас энэ хэмжээний машиныг нүүрс ачилт буулгалтын талбай бүрт хуваагаад өгдөг байсан. БНХАУ-ын  хилийн таталт 300 машин учрааас энэ тоонд уялдуулаад өдөрт 200 машин  нүүрсийг хашаанаас  ачиж байна.

Цагаан хаданд үүсээд байгаа асуудлыг шийдэхийн тулд Зам тээврийн хөгжлийн яамнаас арванхоёрдугаар сарын 1-нд нүүрс тээврийн жолооч нарыг цагаан хадны бүст өгсөн PCR шинжилгээг үндэслэн 14 хоног тусгаарлалтад оруулахгүйгэээр гэрт нь буцаах  шийдвэрийг гаргасан. Өнөөдрийн байдлаар 6000 орчим жолоочоос 1500 орчим жолооч буцсан. Хоёрдугаарт Авто тээврийн үндэсний төвөөс нэгэнт бүх машинд нүүрс ачих боломжгүй түгжрэл үүсээд байсан учраас компаниуд 50/50 буюу тал машинаа буцаагаад талыг нь оруулах арга хэмжээ авсан. Машиныг нь нэг дахин багасгасан гэсэн үг.

Ер нь Засгийн газраас Улсын онцгой комисс, гаалийн газар, тээвэр хариуцсан бүрэн эрхт төлөөлөгчийг  томилж явуулах шаардлагатай байна. Бүрэн эрхт төлөөлөгч газар дээр нь ажиллаж  бүх асуудлыг нэгтгэхгүй бол бүгд өөр зүйл яриад байгаа учраас зохион байгуулалт алдагдаж байна. Мэдээлэл нэгдсэн байдлаар гарахгүй зохицуулалт төвлөрсөн удирдлагаар явахгүй байгаагаас үүдэн жолооч нар маш их хохирч байна. Нүүрс ачилт ч удааширч байна. БНХАУ-ын тал 2021 он гартал энэ байдлаараа өдөрт 300 машин нүүрс  татвал  нүүрс ачаагүй машинууд оны өмнө хил рүү нэвтэрч чадахгүй. Тиймээс нэмж тээврийн хэрэгслийг багасгах, жолооч нарыг гэрт нь буцаах зэрэг арга хэмжээ авахгүй бол жолооч нар машинаа сахиад 25 хоногоос 1 сар кабиндаа байна. Жолооч нар машинаа халааж дулаацаж байгаа учраас шатахуун нь хурдан дуусч байна.  Энэ тохиолдолд машиныг нь хариуцсан компани, эзэд рүүгээ яриад л зохицуулж байна.

 

Энэ мэдээнд өгөх таны сэтгэгдэл?
5
ЗөвЗөв
4
ХарамсалтайХарамсалтай
2
ТэнэглэлТэнэглэл
1
ХөөрхөнХөөрхөн
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-21 202.21.108.38

Төвлөрсөн төлөвлөгөөт эдийн засагтаа улс манайхаас нүүрс авлаа юу. Энэ жилийн манайхаас авах нүүрсний квот дуусчихсан. Тиймээс шалтаг гаргаж байгаа юм. Нөгөө талдаа Барууны орнуудын шахалтаар нүүрсийг багасгаж байгаа. Иймхэн энгийн логик, мэдээ, мэдээлэлгүй хүмүүс ямар их байнаа.

Avatar

С.Баяр “Манийгаа шоронгийн үзүүлэн болгочихоод Орост таалагдана гэж бодож байгаа бол…. эндүүрэл” гэсэн санаагаар анхаарууллаа. 2020-12-21 64.119.18.15

Гашуунсухайт -таван толгойн төмөр зам баригдсан бол 3 ээлжийн 6 ширхэг шүүрс тээвэрлэр галт тэрэгний машинчийн асуудлыг бол бүрэн шийдээд явах байлаа. Өнөөдөр монголын эдийн засаг хамаагүй дээр жижиг дунд үйлдвэрлэгч нарын хүсээд байгаа зээлийн дарамтыг тэглэх боломж засгийн газарт байх байлаа. Төмөр замаа барьж чадахгүй муухай саадыг давж чадаагүй мэргэн ард түмний сонголт юмдаа. Хэдэн зуун жолооч нар өвлийн хүйтэнд хүний хилийн гадаа зогсож олон арваараа осол өвчинд нэрвэгдсэн

Avatar

Монгол 2020-12-21 202.55.188.82

Мэдээж хятад тэгэлгүй яах вэ дээ …Монголын төрд гарсан новшнууд биш ямар тэр новшнуудаас болж л монгол улс халдвар авсан шүү дээ …ААН компаниудаа эртнээс тэтгэж дэмжээд
Монгол улсдаа бүх төрлийн үйлдвэр аж ахуй байгуулхад улс бүх талаараа туслаж дэмжиж байсан бол яалаа гэж одоо ингээд өвчинд нэрвэгдээд сууж байх вэ дээ… ёстой улсынхаа эргэн тойрон бүх хилээ хаачаад л дэлхийд ямарч өвчингүй орон байх байсан юм… хогын хар НОВШНУУДААС болж ингэж балаг болох ч гэж дээ …

Avatar

zochin 2020-12-21 66.181.184.41

hujaa nar zailaa

Avatar

Tumur zam uur chigt barij baigaa 2020-12-21 172.58.230.137

Hytadad nuursee aldahgui Orosoor Ypong gargah ion tuld Mongol yalna bizdee

Avatar

Зочин 2020-12-21 202.9.40.103

Ийм гамшиг, заваан юм чинь итгэхгүй байх нь зөв ш дээ

Avatar

Зочин 2020-12-21 66.181.161.103

хүрэлсүх вакцин 5 ба сард сайд нь 1 р улиралд гэлээ хүрэлсүхээ хурдан зайлж биднииг авар сэтгэцээ эмчлүүл

Avatar

zaas 2020-12-21 202.9.46.7

юу 300 хан машин хужаагууд л өөрсдиигөө бодно монголооос өдөрт 3000 мянган машин гарч байсаншүүүү

Avatar

Зочин 2020-12-21 202.55.188.94

Itgehgui baih ni argagui, er ni zuv onoshloj baigaa gedeg ergelzeetei.

Avatar

zochin 2020-12-21 202.9.46.51

11sariin 11ees hoish ereenees achaagaa avch chadahgui bna ajlaa hiildee achaa teevree heviin bolgoichee

Avatar

/*-*/ 2020-12-21 49.0.212.165

Зөв шүүдээ,хуурамч юм чинь

Avatar

Зочин 2020-12-21 202.126.88.55

Төмөр замтай байсан бол

Avatar

Зочин 2020-12-21 66.181.161.103

та нар замчин ерөнхиилөгч сэтгэц нь асуудалтай ерөнхии сайд сонгоо биз дээ х***а гэж муулахаас юу чадах вэ

Avatar

Иргэн 2020-12-21 64.119.18.34

Төмөр замаа хурдан бариачээ. Эдийн засаг будаа болох нь

Avatar

Зочин 2020-12-21 64.119.23.246

21 р зуунд нүүрсээ машинаар экспортолж зөөдөг улс монголоос өөр байгаа болов уу. Энэ Баттулга үнэхээр монголыг монголчуудыг хоролжээ монгол ялначуудаа

Avatar

Зочин 2020-12-21 192.82.72.182

Buun cavchaa!! Бvх салбарт!

Avatar

Зочин 2020-12-21 103.80.210.183

шийдээд л яваач дээ. дарганцар гэж байдаг шүү дээ.

Avatar

зочин 2020-12-21 66.181.161.85

Төмөр зам барьж байсан ажлыг зогсоосон нүүгэлтэн одоо нүглээ булзааруулах гээд олон янзаар оролдож байгаа ш дээ. ХБНГУ -ын банкнаас өөрийн хөрөнгөө барьцаалж төмөр зам бариад эхлүүлснийг эрх мэдэлтэн зогсоосон. 6 жил автомашинаар нүүрс зөөж Монгол Улсын эдийн засагт учруулсан хохирлоо тооцох цаг ирэх байлгүй. Монгол Улс төртэй ш дээ. Төр түмэн нүдтэй гэдэгсэн. Түмэн нүд харсаар байгаа.

Avatar

гоо 2020-12-21 66.181.161.6

Ерөнхийлөгч гуайн балаг

Avatar

Харамсал 2020-12-21 202.21.100.210

2014 онд гадны хөрөнгө оруулалтаар бариад дуусчих байсан Гашуунсухайт- Тавантолгойн нүүрсний төмөр замыг саатуулсан этгээдийг бодохоор гуниг дургүйцэл улам хүрэх юм.

Avatar

Зочин 2020-12-21 202.55.191.130

manaihan uursduu pcr shinjilgeenii bichig huuramchaar hiij hyatduudiig hulhidah gej oroldsonoos l iim yum bolj bgan

Avatar

уугуул 2020-12-21 150.129.143.193

ачаанд биш ..тээвэрт явалгүй гэж ярих блгүй дээ

NewsMN Гар утасны хувилбар Татах
NEWS.mn

Мэдээллийн эх сурвалж