МҮОНРТ-ийн ерөнхий захирлын томилгоо хойшилжээ | News.MN

МҮОНРТ-ийн ерөнхий захирлын томилгоо хойшилжээ

МҮОНРТ-ийн ерөнхий захирлын томилгоо хойшилжээ

МҮОНРТ-ийн ерөнхий захирлын томилгоо хойшилжээ

МҮОНРТ-ийн ерөнхий захирлыг нээлттэй сонгон шалгаруулахаар болж, нэрээ дэвшүүлсэн 17 хүнээс өчигдөр /2020.12.18/ ярилцлага авахаар Үндэсний зөвлөл өдөр товлоод байсан ч хойшлуулжээ.

Учир нь УИХ-ын Төрийн байгуулалтын байнгын хороо МҮОНРТ-ийн Үндэсний зөвлөлд хандан “Хуулийн хүрээнд МҮОНРТ-ийн ерөнхий захирлын сонгон шалгаруулалтыг зохион байгуулах ёстой” гэсэн албан бичиг хүргүүлсэн мэдээлэл байна.

УИХ арванхоёрдугаар сарын 10-нд МҮОНРТ-ийн Үндэсний зөвлөлийн гишүүнээр ажиллах зургаан гишүүнийг томилсон. Тодруулбал, Ерөнхийлөгчийн зүгээс сэтгүүлч Ж.Цэсэнг, Засгийн газраас  “Itoim.mn” сайтын эрхлэгч Г.Отгонбаяр, "Sound Of Mongolia" компанийн захирал М.Уянга, УИХ-аас МҮОНРТ-ийн захирал асан М.Наранбаатар, "Үнэн" сонины эрхлэгч Б.Ганболд, МУСГЗ, нэвтрүүлэгч Д.Цоодол нарыг дэвшүүлснийг УИХ баталсан юм. Харин УИХ-аас санал болгосон Ч.Батцэнгэлийг МҮОНРТ-ийн  ажилчид болон үйлдвэрчний эвлэлийн гишүүд эсэргүүцсэн тул тэрбээр нэрээ татсан.

УИХ-аас томилгоог хийхдээ Үндэсний зөвлөлийн гишүүдийн бүрэн эрхийн хугацаа 2021 оны нэгдүгээр сарын 1-ний өдрөөс эхлэн хэрэгжихээр тогтоолыг баталсан тул тэр үеэс МҮОНРТ-ийн ерөнхий захирлын сонгон шалгаруулах ажиллагаа хэрэгжихэд асуудалгүй гэж үзсэн бололтой.

МҮОНРТ-ийн уран бүтээлчид өнгөрсөн хугацаанд ерөнхий захирлыг огцруулах шаардлага тавьснаас гадна МҮОНРТ-ийн Үндэсний зөвлөлийн гишүүдийг чөлөөлөх асуудлыг ч давхар тавьж ирсэн. Энэ асуудалтай холбоотойгоор бүрэн эрхийн хугацаа нь дуусаад байсан гишүүдийн оронд шинэ хүмүүсийг томилох асуудлыг УИХ шийдвэрлэсэн. Хуучин Үндэсний зөвлөлийн гишүүдийн бүрэн эрхийн хугацаа шинэ гишүүдийн бүрэн эрх хэрэгжиж эхэлснээр дуусгавар болно.

Нөгөө талдаа МҮОНРТ-ийн уран бүтээлчид сэлгээгээр орж ирсэн шинэ Үндэсний зөвлөлийн гишүүд ерөнхий захирлыг томилох ёстой гэсэн байр суурь барьж байгаа тул хуучин бүрэлдэхүүн шинэ захирлын томилгоог шийдэх нь бас нэг  шинэ “хэрүүл” үүсгэнэ гэж болгоомжилсон байх талтай аж.

Хуулиараа МҮОНРТ-ийн ерөнхий захирлыг Үндэсний зөвлөлийн гишүүдээс гурван жилийн хугацаатайгаар томилдог.

МҮОНРТ-ийн ерөнхий захирлын нээлттэй сонгон шалгаруулалтад А. Энхтуул, С. Адьяасүрэн, М.Амарбаяр, Ш. Отгон- Өлзий, Н. Болормаа, Р. Гандиймаа, А. Бүрэнбаатар, Э. Дагиймаа, Н. Дэмбэрэл, С. Баярмөнх, Д. Хажидмаа, Т. Бат-Оргил, Б. Цондовдорж, Г. Гэрэл, Б.Эрдэнэбаатар, Тү. Батзориг, То. Батзориг нарын 17 хүн өрсөлдөхөөр нэрээ дэвшүүлээд байгаа юм.

Шинэ он гарч байж, МҮОНРТ ерөнхий захиралтай болох нь ээ.

Г.ХОРОЛ

 

Энэ мэдээнд өгөх таны сэтгэгдэл?
3
БурууБуруу
1
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

МҮОНРТВ 2020-12-19 202.179.27.201

УГ НЬ ЗАХИРАЛ ТОМИЛОХ БИШ БАЙГУУЛЛАГЫГ НЬ ТАТАН БУУЛГАХ ХЭРЭГТЭЙ ШД.

Avatar

Зочин 2020-12-19 66.181.178.248

Захирлаар намчирхаад байхгүй, жишээ нь Үнд.тв-ийн хаалттай сэдэв болсон ОТ луйврын гэрээг яагаад олон нийтэд ил тод болгож болохгүй гэж. Ард түмний эрх ашиг, хүсэл зоригийг илүү илэрхийлж чадах хүн байх ёстой. Ийм шалгуур хангасан нэр дэвшигч гэвэл Т.Бат-Оргил л бна даа.

Avatar

Bat 2020-12-19 47.227.159.103

Heryyliin buzruud

Avatar

А 2020-12-19 202.126.89.84

МҮОНРТ-

Avatar

Зочин 2020-12-19 202.126.90.140

Мнв өнгөтэй өөдтэй хамт олны эрх ашгииг хамгаалсан шинэ уур амьсгал шудрага есыг тогтооно гэвэл үз хараат бусаа харуулбал ганцханл хүн бна тэр хүн бол адьяасүрэн бусад нь цөм намын тавиулууд

Avatar

123456 2020-12-19 49.0.212.165

Манай телевизийнхэн ялаасай, жидүүчдийн нам ухраасай бас сөнөөсөй !

Avatar

хүннү 2020-12-19 202.179.25.174

Ийм ТВ олон нийтэд хэрэггүй. Нөгөал нэг “зоос”-ны хоёр тал л ээлжлээд буугаад байгаа юм биш үү. Өмнө “сүлдтэй” тал нь байсан бол одоо “тоотой” тал нь буух юм байна.Ерөөсөө иргэд олон түмэнд наад “зоос” чинь өөрөө элэгдсэн байхгүй юу даа. Ямар ч үнэ цэнэгүй болсон. Бид ямар наадуулыг чинь тэжээх гэж мөнгө өгч байгаа юм уу? Гоё контент үзмээр байна. Шуухай мэдээ сонсмоор байна. Өөр илүү ихийг хүсж байна. Үүнийг хийж бүтээдэг хүмүүс нь лав тэд биш. Харж л байгаарай…

NewsMN Гар утасны хувилбар Татах
NEWS.mn

Мэдээллийн эх сурвалж