МХЕГ: “Элемент медикал” ХХК хогоо ил задгай хаясан | News.MN

МХЕГ: “Элемент медикал” ХХК хогоо ил задгай хаясан

МХЕГ: “Элемент медикал” ХХК хогоо ил задгай хаясан

МХЕГ: “Элемент медикал” ХХК хогоо ил задгай хаясан

Улаанчулуут хогийн цэгт Covid-19 илрүүлэхэд ашигласан түргэвчилсэн болон PCR шинжилгээний оношлуурууд, амны хаалт, халдвар хамгааллын хувцас хэрэглэлүүд ил задгай байгаа талаар мэдээлэл гарсан. Мэргэжлийн хяналтын Ерөнхий газраас өчигдөр (2020.12.17) шалгалтын ажиллагааг эхлүүлсэн юм. Эрүүл мэндийн яам эмнэлгийн биологийн аюултай хог хаягдлыг устгадаг ААН-тэй гэрээ байгуулах замаар зөөвөрлүүлж хог хаягдлуудаа устгуулдаг. Ингэхдээ технологийн дагуу аюултай хог хаягдлыг булж устгах журамтай.

Улаанчулуут хогийн цэгт эмнэлгийн аюултай хог хаягдал устгадаг “Элемент медикал” компанийн устгалын талбай байдаг ч Манай компанитай гэрээтэй эмнэлгүүдийн хог биш байна" гэсэн шалтгаанаар дээрх эмнэлгийн хэрэгслүүдийг устгалд оруулаагүй байна. Тиймээс эхний ээлжинд ямар эмнэлэг аюултай хог хаягдлаа ил задгай авчирч асгасныг олж тогтоосон талаар өнөөдөр (2020.12.18) МХЕГ-аас мэдээллээ. 

Экологийн цагдаагийн албаны Хүрээлэн буй орчны гэмт хэрэг мөрдөн шалгах хэлтсийн дарга, цагдаагийн хурандаа Т.БААТАР:

-Улаанчулуутын хогийн цэг дээр эмнэлгийн аюултай, халдвартай байж болзошгүй хог хаягдалд өчигдөр шалгалт хийсэн. Уг хог хаягдал дунд олон тооны шинжилгээ авдаг хуруу шил байсан. Хурууны шилэн дээрх тэмдэглэгээ код, дугааруудаар хөөж шалгаж үзэхэд “Элемент медикал” компанид 2020 оны арванхоёрдугаар сарын 8-ны өдөр улсын Мал, эмнэлгийн ариун цэврийн төв лабораториос хүлээлгэн өгсөн 196.3 кг эмнэлгийн хог хаягдал байсан. Тодруулбал, тухайн байгууллагын жолооч уг хог хаягдлыг арванхоёрдугаар сарын 9-ний өглөө ариутгал хийлгүүлэлгүй ил задгай хаясныг тогтоосон. МХЕГ-аас Covid-19-тэй холбоогүй хог хаягдал болохыг тогтоосон бөгөөд мөрийн баримтан дээрээс нь харахад 2013-2014 онуудад говийн аймгуудаар шинжилгээнд ашиглаж байсан сорьц дээжүүд байсан. Дээрх хэрэгт цагдаагийн газраас хэрэг бүртгэлтийн хэрэг нээсэн. Өчигдөр газар дээр нь үзлэг хийж, ажилтнуудаас нь мэдүүлэг авч, шалгалтын ажиллагааг үргэлжлүүлэн явуулж байна. Тухайн ажилтан нь хог хаягдлыг зохих стандартын дагуу хаяагүй бол хүлээлгэх хариуцлагыг прокурорт хянуулаад шийдэх юм.

Дараа нь сэтгүүлчдийн сонирхсон асуултад хариуллаа.

-“Элемент медикал” компанийн эмнэлгийн хэрэгслүүдийг устгалд оруулаагүй нь тогтоогджээ. Тус компанид ямар хариуцлага тооцох вэ?

-Захиргааны хэрэг үүсгэгдэхгүйгээр цагдаагийн байгууллагад хэрэг үүсгэгдээд явж байна. МХЕГ-аас 2020 онд тус компанид гурван удаагийн хяналт шалгалт хийсэн. Шалгалтаар хэд хэдэн зөрчил илэрсэн учраас зөрчлөө арилгуулах албан шаардлага хүргүүлэхээс гадна 3 сая төгрөгөөр торгосон. Улаанчулуутын хогийн цэгийн ландфиллын талбай нь ахуйн хог хаягдлын цэгийн хашаан дотор байрладаг бөгөөд тусдаа хашаагүй, хамгаалалт муутай, гаднаас ил задгай хог хаях бүрэн боломжтой байсан учраас хашаа хийх албан шаардлагыг хамгийн сүүлд өгсөн. “Элемент медикал” компани энэ гэмт хэргийг үйлдсэн нь тогтоогдвол шүүхээр эцэслэн шийднэ. Эрүүгийн хуулиараа 5-27 сая төгрөгөөр торгох, эсхүл 1-5 жил хорих ялтай.

-Эмнэлгийн биологийн аюултай хог хаягдлыг устгадаг ААН-тэй гэрээ байгуулах замаар зөөвөрлүүлж, хог хаягдлуудыг устгуулдаг гэлээ. МХЕГ-аас ямар журмаар тусгай зөвшөөрөл олгодог вэ?

-Эрүүл мэндийн байгууллагаас гарч байгаа аюултай хог хаягдлыг цуглуулах, тээвэрлэх, устгах үйл ажиллагааны зөвшөөрлийг Байгаль орчин, аялал жуулчлалын яамнаас олгодог. Монгол Улсын хэмжээнд эмнэлгийн аюултай хог хаягдлыг устгадаг гурван байгууллага бий. Үүнээс Улаанбаатар хотын баруун хэсгийг "Элемент медикал” компани, зүүн хэсгийг “Элемент” компани хариуцдаг. Орхон аймагт тусгай зөвшөөрөлтэй нэг компани байдаг.

-Мал эмнэлгийн газраас ирсэн хог хаягдал гэсэн. Гэхдээ сорьц дээр хүний нэрээс гадна амны хаалт, хамгаалалтын хувцас, нэг удаагийн зүү тариур хүртэл байсан шүү дээ?

-Мал эмнэлгийн сорьцууд нь тандалтын сан бүрдүүлэх зорилготой гэсэн. Тухайн хог хаягдал нь мал эмнэлгийн гаралтай учраас Covid-19-тэй холбоогүй. Гэхдээ өнөөдөр шалгалтыг үргэлжлүүлэн хийж байна. 2013 оноос өнөөдрийг хүртэл хадгалж байсан шалтгааныг тогтооно. Сорьцон дээр хүний нэр байгаагүй. Шинжилгээн дээр хүний нэр хэзээ ч бичигддэггүй юм байна. Харин хүний нэр бичсэн нүүрний хаалт болон хамгаалалтын хувцсаас гадна том хүний живх байсан. Үүнээс харахад зөвхөн нэг газраас ирсэн хог хаягдал биш, 2-3 газраас ирснийг нийлүүлээд хаясан байх магадлалтай. Тухайн газарт хашаа болон ямар нэгэн камер байдаггүй.

-Улсын бүртгэлийн ерөнхий газраас “Элемент медикал” компанид 2012 онд зөвшөөрөл авахдаа үйл ажиллагааны чиглэл нь гадаад худалдааны чиглэл гэжээ. Яагаад гадаад худалдааны чиглэлээр тусгай зөвшөөрөл авсан компани эмнэлгийн аюултай хог хаягдлийг устгаад явна вэ?

-Байгаль орчин, аялал жуулчлалын яамнаас зөвшөөрөл олгодог. МХЕГ-аас тухайн байгууллага тусгай зөвшөөрөлтэй эсэхийг хянадаг.

Э.БУРАМ

Энэ мэдээнд өгөх таны сэтгэгдэл?
8
БурууБуруу
3
ТэнэглэлТэнэглэл
2
ХарамсалтайХарамсалтай
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-18 192.82.67.28

Хамгийн гол нь энэ Монголд бийболсон хог уу гаднаас импортолдог юм биш биз гэдэгт бас анхаарал хандуулах ёстой. Том гүрнүүд элдэв хогоо контэйнерт хийгээд буурай улсуудурууачуулчих нь илүү хямд учир ийм юм хийдэг орон нутгийн компаниудыг ашигладаг. Манайд гайгүй байгаа ?

Avatar

Зочин 2020-12-18 66.181.176.22

Ер нь эмнэлгийн аюултай хог хаягдлын хяналт тогтолцоо муу, хангалтгүй байгаагийн жишээ бна.
Саяхан 7 хоногийн өмнөхөн хаясан юм бна. За ямар ч аюултай хог байж мэдэх л юм бна. 6,7 жил хогоо хадгалж байгаад хаядаг газар гэж байх уу? Итгэхгүй л юм бна. ЭЛЕМЕНТ МЕДИКАЛ дэндүү хариуцлаггүй ажиллаж бна. ТОРГО, ШИЙТЭГ, Хаширтал нь ХАРИУЦЛАГА ХҮЛЭЭЛГЭ.

Avatar

Зочин 2020-12-18 66.181.176.22

Ийм хариуцлаггүй үйлдлийг ганц сая ч биш урьд өмнө нь олон удаа давтаж байсан нь одоо л илэрхий болж байгаа юм бна. Хэрвээ гэрээ хийгээгүй гэдэг шалтгаанаар эмнэлгийн аюултай хог хаягдлыг ЭЛЕМЕНТ МЕДИКАЛ хүлээж авдаггүй, устгалд оруулдаггүй бол тэр хогоо энгийн хогтой хамт хаяна шдээ. Энд мөнгөний асуудал байна. Хэрвээ жолооч нь гэрээтэй газраасаа, гэрээгүй эмнэлгийн тийм хаягдалыг авчрахад хүлээж аваагүй, устгаагүй бол жолооч биш Элемент МЕД хариуцлага хүлээх ёстой.

Avatar

Зочин 2020-12-18 202.9.40.118

Аль дээр гарсан мэдээнд дөнгөж өчигдөр шалгалт хийж бгаа юм уу. Удаан дэндүү удаан бн.

Avatar

Bod 2020-12-18 43.242.243.178

Ter haa bsan 2013 onii emnelgiin hogiig yagad 12/9iig hurtel hadgalad blgad bsin bol. Ter hogoo ugsun emnelegiin bgullagatai n holbootoi ym bishu. Haa haanaa uil ajillagaagaa saijruulmaar bna

Avatar

Зочин 2020-12-18 43.242.243.178

Yamr medrel n muudsan n ingeed iim ayultai tsag ued gants bgaa ustgaliin uildveree hel amand orulad yavad bdag bnaa. 😂

Avatar

Иргэн 2020-12-18 103.57.94.156

Дахиад хэд хэдэн компани нээх хэрэгтэй.Элемент ганцаараа монополь,мангар хэдэн авгай нар офист нь суудаг юм бна лээ.Харьцаа гэж н**ш.

Avatar

Зочин 2020-12-18 66.181.161.95

Өө наа угаса л энгэж хаядаг байхоо ард түмэн л мэдкү болхоос удирлага хүмүүс хахуулдаа л болно. Жич:Найз нөхөддөөрөө эерэг юм бичүүллэх гэж битий оролдоо

Avatar

Зочин 2020-12-18 66.181.161.95

Ugasaa l ingej ajildag humuus shde hezee ni medeed hezeen shuumjled bgan engej ochinii golomtond hergelsen zuile zadgaa hayhar chin owchin chin yaj daragdahavde humuuse hariultslaga huleeh heregtei

Avatar

ИРГЭН 2020-12-18 43.242.243.68

Улс орон ард олны эсрэг санаатай үйлдэл юм биш үү. удирдлага зохион байгуулалт алдагдсан байна даа Хатуу хариуцлага тооцох хэрэгтэй

Avatar

Зочин 2020-12-18 64.119.23.254

Гэрээ хийж улсын өмнө хариуцлага хүлээсэн хувийн компаныг мэрэгжилийн хяналтынхан толгойгийн илээд хэдэн төгрөгөөр торгоод өнгөрөх байхдаа харж л байя

Avatar

Зочин 2020-12-18 124.158.81.116

Эмнэлгийн аюултай хог хаягдлыг 100 % шатааж аюулгүй болгодог гэж боддог байлаа . Өвчтэй хүний эд эрхтэн вирус нян тайрсан гар хөл зулбасан ураг цус нөж идээ бээртэй боолт энтрийг уутлаад уутлаад хогын цэг дээр тавьдаг юм байна .аймаар юм байна бурхан минь

Avatar

zochin 2020-12-18 139.218.63.183

nuguu sumyabazar sodbaatar haana bnaa tag chig chig ardiin nam ene malnuudaa avaachee yahvee uur hun baidaggui yumuu

Avatar

Зочин 2020-12-18 124.158.107.35

эрхийг нь цуцал

Avatar

зочин 2020-12-18 66.181.181.198

 Энэ Элемент медикал гэдэг компаниа хааж,зайлуулаачээ.Дотоодын үйлдвэрлэл гэж цээжээ дэлддэг монголчууд.Цементийг үнстэй хольж зардаг,аюултай хог хаягдал мэдэн будилж ил хаядаг. Үндэсний таних тэмдэг болсон ийм орк компаниуд хэнд хэрэгтэй юм бэ?.

Avatar

Эмч 2020-12-18 202.9.40.32

Элeмeнарийн буруу байна. Гэрээ хийгээгүй байгууллагын хогийг эднийх авдаггүй шүү дээ. Тэгээд ч эмнэлгийн хог хаягдлаа eрдийн хогтой цуг хаях арилсан дотортой эмнэлэг Монголдээр байхгүй.

Avatar

Монгол 2020-12-18 202.21.103.226

тэгээд өөр юутай холбоотой байх уу? тийм шинжилгээ авдаг урт модыг өөр юунд ашигладаг бол?

NewsMN Гар утасны хувилбар Татах
NEWS.mn

Мэдээллийн эх сурвалж