Улсын онцгой комисс Улаанбаатар хот, орон нутагт хязгаарлалтын дэглэмд байгаа иргэдийг 2020 оны 12 дугаар сарын 01-нээс 12 дугаар сарын 10-ны хооронд багтаан нутаг буцаахаар шийдвэрлэсэн.

Тус шийдвэрийн дагуу Хан-Уул дүүргийн нутаг дэвсгэрт дараах 4 байршилд хөдөө орон нутаг руу явах иргэдээс шинжилгээ авах цэгүүд хэвийн ажиллаж байна.

Тус ажилд дүүргийн мэргэжлийн байгууллагуудын алба хаагчид хяналт тавин, иргэдийг амны хаалт, бээлий өмсгөж, хүн хоорондын зай бариулан халдвар хамгааллын дэглэмийг чанд баримтлуулж байна.

Халдвар хамгааллын дэглэмээ сахиж, хүн хоорондын зайгаа барин шинжилгээнд хамрагдаж байгаа иргэддээ баярлалаа.