Төв телевиз хэзээ түмнийх болох вэ! | News.MN

Төв телевиз хэзээ түмнийх болох вэ!

Төв телевиз хэзээ түмнийх болох вэ!

Төв телевиз хэзээ түмнийх болох вэ!

Уран бүтээлчид, ажилчдаас тавьсан шаардлага, эсэргүүцлийн дагуу МҮОНРТ-ийн Ерөнхий захирал Л.Нинжжамц өөрийн хүсэлтээр ажлаасаа чөлөөлөгдсөн. Мөн МҮОНРТ-ийн 512 ажилтан одоогийн Үндэсний зөвлөлийн гишүүдийг огцрохыг шаардаж, АТГ-т шалгуулахаар хандаад байгаа билээ.  Хэдийгээр АТГ-аас одоогоор ямар нэгэн хариу тайлбар ирүүлээгүй ч МҮОНРТ-ийн дараагийн дарга хэн болох нь тус телевизийнхний төдийгүй улс төрийн хүрээнийхний анхаарлын төвд байна.

Угаасаа ч МҮОНРТ ялсан намын "дуу хоолой", дарга нарын сурталчилгааны гол зэвсэг болж ирсэн худлаа биш. Тиймээс Үндэсний зөвлөлийнхөн болон дарга удирдлагуудаас гадна хуульд  нь өөрчлөлт оруулахгүйгээр тус телевизэд үе, үе гардаг хэрүүл талцал, удирдлагууд болон уран бүтээлчдийн хоорондын зөрчил дуусахгүй гэсэн байр суурийг хэлэх хүмүүс бий.  Ямар ч байсан  өнгөрсөн долоо хоногт /2020.12.10/ УИХ-аар МҮОНРТ-ийн Үндэсний зөвлөлийн гишүүдийг шинээр томилсон. Үндэсний зөвлөлийн гишүүний бүрэн эрх зургаан жилийн хугацаа нь  дуусгавар болсон долоон гишүүний оронд  УИХ, Засгийн газар, Ерөнхийлөгчөөс тус бүр “өөрсдийн” хүнээ нэр дэвшүүлж, томилуулсан Тодруулбал, Ерөнхийлөгчийн зүгээс сэтгүүлч Ж.Цэсэнг, Засгийн газраас  “ITOIM.mn” сайтын эрхлэгч Г.Отгонбаяр,  болон "Sound Of Mongolia" компанийн захирал М.Уянгыг, УИХ-аас МҮОНРТ-ийн захирал асан М.Наранбаатар, "Үнэн" сонины эрхлэгч Б.Ганболд, МУСГЗ, нэвтрүүлэгч Д.Цоодол нарыг Үндэсний зөвлөлд дэвшүүлснийг УИХ-аар баталсан.  Харин Ч.Батцэнгэлийг МҮОНРТ-ийн  ажилчид болон үйлдвэрчний эвлэлийн гишүүд эсэргүүцсэн тул тэрбээр өөрийн хүсэлтээр нэрээ татсан юм.

Олон нийтийн радио, телевизийн тухай хуульд "Олон нийтийн радио, телевизийн Ерөнхий захирлыг Үндэсний зөвлөлийн нийт гишүүдийн олонхын саналаар, нууц санал хураалтаар гурван жилийн хугацаагаар томилно" гэж заасан.

 Ерөнхий захирлын нээлттэй сонгон шалгаруулалтад  А. Энхтуул, С. Адьяасүрэн, М.Амарбаяр, Ш. Отгон- Өлзий, Н. Болормаа, Р. Гандиймаа, А. Бүрэнбаатар, Э. Дагиймаа, Н. Дэмбэрэл, С. Баярмөнх, Д. Хажидмаа, Т. Бат-Оргил, Б. Цондовдорж, Г. Гэрэл, Б.Эрдэнэбаатар, Тү. Батзориг, То. Батзориг нарын 17 хүн өрсөлдөхөөр бодлого, мөрийн хөтөлбөрөө танилцуулжээ. Нэр дэвшигчидтэй хийх ярилцлагын хугацааг энэ сарын 18-ны өдрийн 09.00 цагаас эхлүүлэхээр МҮОНРТ-ийн Үндэсний зөвлөлийн хурлаар шийдвэрлэсэн байна.

МҮОНРТ: НЭМЭГДЭХҮҮНИЙ БАЙРЛАЛЫГ ӨӨРЧИЛСӨН Ч НИЙЛБЭР ДҮН ӨӨРЧЛӨГДӨХГҮЙ НЬ

МҮОНРТ-ийг улстөрчдөөс хараат бус байлгахыг  тус телевизийн уран бүтээлчид шаардаж буй. Гэвч, тэдний тавьсан шаардлага бас талаар өнгөрөх шинжтэй, улстөрчдийн зүгээс өөрийн хүнээ МҮОНРТ-ийн Ерөнхий захирлаар томилуулахаар ил, далд лобби хийгээд эхэлсэн гэх. Нэр дэвшигчдээс ч Төрийн ордон тойрон "гороолох" хүмүүс цөөнгүй байгаа аж. Гэхдээ мэдээж, улстөрчдийн лобби, оролцоогүйгээр МҮОНРТ-ийн дарга томилогдохгүй нь нэн ойлгомжтой юм.  Тэр тусмаа Ерөнхийлөгч болон УИХ-ын даргын зүгээс МҮОНРТ-ийн даргын томилгоонд ихэд анхаарах болсон гэсэн мэдээлэл ч байна.    Хуулийн дагуу МҮОНРТ-ийн шинэ Ерөнхий захирлыг   шинээр томилогдсон Үндэсний зөвлөл гишүүд  томилох ёстой. Гэтэл Үндэсний зөвлөлийн хуучин гишүүдийг ажлаа өгөхөөс өмнө томилгоо хийхээр улайрч байгаагийн ард УИХ-ын дарга байгаа гэсэн хардлага уран бүтээлчдийнх нь дунд байна.

Олон нийтийн телевиз монголчуудын оюун санааны гол дархлаа өв, соёлыг түгээн дэлгэрүүлэгч байх учиртай. Мөн төсвөөс болон олон нийтийн татвараар санхүүждэг учраас тус байгууллага улстөрчдийн биш ард иргэдийн дуу хоолой болох ёстой юм.  Энэ утгаараа дэлхийн бүх оронд олон нийтийн телевиз нь хүчтэй байдаг.

Гэтэл манайд МҮОНРТ-ийг  улс төрөөс хараат байлгах ашиг сонирхол үеийн үед байсаар ирсэн нь нууц биш. Тус телевиз дэх улс төрийн нөлөөлөл сулрах биш улам хүчээ авч байгааг уран бүтээлчид нь эсэргүүцэж буй.

Арилжааны телевизүүдийн хөтөлбөрийг хуульчилдаггүй. Харин МҮОНРТ-ийн бодлого болон хөтөлбөрийг Олон нийтийн радио, телевизийн тухай хуулиар тусгайлан зохицуулсан  байдаг.  Харамсалтай нь, үүнийг үе, үеийн дарга нар нь хэрэгжүүлээгүй. Өөрөөр хэлбэл, МҮОНРТ-ийн дарга нар хуульдаа биш томилсон хүндээ л үйлчилж ирсэн. Тиймээс Үндэсний зөвлөлийн гишүүдийг томилох үеэр УИХ-ын гишүүд ч дээрх асуудлыг хөндөж байсан юм. Тухайлбал, УИХ-ын гишүүн Т.Аюурсайхан “Хуульд МҮОНРТ-г хараат бус байна гээд заасан. Мөн МҮОНРТ олон нийтээс зардлаа авч санхүүждэг. Гэтэл олон нийтийн телевиз улс төрийн хараат болоод олон жил болж байгаа"-г сануулсан бол гишүүн Г.Тэмүүлэн  “МҮОНРТ-ийн  үйл ажиллагаа хараат бус, нам улс төрийн эрх ашгийн ангид байна гэдэг. Гэтэл  МҮОНРТ-ийн Үндэсний зөвлөлийн гишүүдийг УИХ-ын түвшинд авчирч, томилгоо хийдэг хайрцагнаасаа салах ёстой"-г хэлсэн. 

Гадаадын орнууд  төв телевизийнхээ Үндэсний зөвлөлийн гишүүдийн томилгоог парламентын түвшинд хийдэггүй.  Харамсалтай нь, Монголд улстөрчид өөрсдийн утсан хүүхэлдэйгээ томилуулж, улс төрийн "зэвсэг" болгон ашиглах асуудал үүгээр дуусахгүй, уран бүтээлчдийн тэмцлийн зорилго хангагдсангүй гэж харж болохоор. Үнэндээ хуулийг нь өөрчлөхгүй бол МҮОНРТ нэг улстөрчийн гараас нөгөө улстөрчийн гарт шилжин явдаг "цом"  мэт байсаар байх уу гэсэн асуулт өнөөдөр бахь байдгаараа, хэв хэвээр үлдэж байна. Өөрөөр хэлбэл МҮОНРТ-д  нэмэгдэхүүний байрлалыг өөрчилсөн ч нийлбэр дүн өөрчлөгдөхгүй нь.

Энэ мэдээнд өгөх таны сэтгэгдэл?
6
ЗөвЗөв
3
ХөөрхөнХөөрхөн
3
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-17 202.126.88.66

КОММУНИСТУУД АРД ТҮМНИЙГ ЭРХ ЧӨЛӨӨТЭЙ ӨМЧТЭЙ БАЙЛГАХЫГ ХЭЗЭЭ Ч ЗӨВШӨӨРДӨГГҮЙ ЮМ. ЯАГААД ГЭВЭЛ АРД ТҮМЭН ХАРАНХУЙ БОЛОВСРОЛГҮЙ БАЙХ ТУСАМ ТЭДНИЫ ҮЗЭЛ СУРТАЛД АВТАЖ ГАРЫН АЯСААР ХӨДЛӨХ УЧРААС. ХАРЦГАА. ХОЙТ СОЛОНГОСТ ЗАГАСЧИН ГАДААДЫН РАДИО СОНСНЫХОО ТӨЛӨӨ ЦААЗЛУУЛСАН. БИД ЭНЭ ХЭВЭЭР БАЙВАЛ ИЙМ ХУВЬ ЗАЯАГ ДАВТАНА. СЭРЖ УХААРЦГАА!!!!!

Avatar

Ахмад 2020-12-17 59.153.115.23

Энэ олон хүний ажил амьдралд энэ намын хүн өөрчлөлт оруулж чадна гэдэг эргэлзэж байна.Зарим хүмүүс хувьчлах санаа байсан байх.Хувын ТВ болохоор өөрийн дуртай зүйлээ хийдэг бодохоос Монголын 300 гаруй сумын амьдрал ахуй, Монголын нийт ард түмний язгуу урлаг соелыг бодлоготой хөгжүүлж түгээх,хөгжлийн бэршээлтэй хүмүүсийн хүмүү,хүүхдийн болосол иоээдүй энэ бүх хүрээг хэзээ ч хувын ТВ хийхгүй.Эзэнийхээ заавраар хөдөлдөг шүү дээ.Тиймээс Монголын ард түмний дуу хоолой болсон Радио,ТВ заавал хэрэгтэй..

Avatar

ТВ-н ахмад ажилтан 2020-12-17 59.153.115.23

Маш зөв санаа оноогоо хүн бүр уйгагүй бичиж хуулиндаа өөрчлөлт оруулж ,хуулиа мөрдөж ажлаа явуулахыг хамт олон шаардах эрхтэй.Хуулиа өөрчлөхдөө МҮОНРТ-н өнөөдрийг хүртэл тэмцсэн ХОЗ-с заавал оруулах шаардлгатай.Эдгээ р хүмүүс өнөөдөр энэ байгууллага дээр юү болж байгаа,юү нь болохгүй байгааг сайн мэдэж байгаа.Өчигдөр Нинж гэдэг хүн хуулиа ч мэдэхгүй дарга болно гээд сур:асуултанд хариулж байна лээ…Хуулиа мэдэхгүй хүн хуулиа мөрдөж ажиллаж чадах уу!! Нам яриад байх юм.Энэ 700 хүний ажил амьдарл

Avatar

Зочин 2020-12-17 66.181.176.26

Ганболд ичих хэрэгтэй болих хэрэгтэй

Avatar

Irgen battuul 2020-12-17 192.82.77.32

Naranbaatar p***a odoo bolih heregtei avgai huuhnii heruul hiihees uur yu meddeg yum.

Avatar

иргэн 2020-12-17 64.119.18.72

Ганболд одоо больж үз.

Avatar

Зочин 2020-12-17 64.119.16.37

МҮОНТ гэж байгаа биздээ.Тэнд ажилдаг нөхөд бол Үндэсний Олон Нийт хөлсөлсөн ажилчид.Өөрсийгөө тв эзэд гэж андуураад байна.Ямар нүүрээрээ гадаад хэлний мэдлэггүй суурь боловсролгүй байж сэтгүүлч нэртэй байдаг вэ?ХОЦРОГДООД БАЙНА. ТВ бүрэн цэвэрлээ!

Avatar

Зочин 2020-12-17 202.179.25.99

Сайн тэмцэх хэрэгтэй. Одоо Үндэсний зөвлөл гэж балай юмыг болиултал нь тэмц. Тэр Наранбаатар, Ганболд мэтийн хулгаййчууд ороод ирсэн байна. Хуулийг өөрчилтөл өөрсдөө хуулинд санал оруулж тэмцлээ цааш үргэлжлүүл.

Avatar

иргэн 2020-12-17 64.119.18.72

Уучилаараа Наранбаатарыг хилсдүүллээ телевизээ нэвт мэдэх мундаг боловсон хүчин шүү. Харин тэр габолд ёстой жинхэнэ хулгайч.

Avatar

Зочин 2020-12-17 122.201.24.248

zandanshatar tuhai uzeeler 2 sar uneheer muuhai doromjilod baihad duugui suugal.

Avatar

Зочин 2020-12-17 122.201.24.248

ih huralin darga zandanshatar tanig ene uzeelr changa yarigchar ogogchoor huni muhai doromjilod yarisan shono odoo hurtel yarisaar ter reket nimaa.

Avatar

Зочин 2020-12-17 66.181.176.26

Гэрлээ гэдэг ямарч чадваргүй хүүхэн захирал хиинэ гэхээр тэр сайхан бгуулага доод цэгтээ хүртэл унасан бна

Avatar

Зочин 2020-12-17 202.9.47.24

МӨНГӨ ТӨГРӨГ НҮДЭНД НЬ ХАРАГДАЖ СУУДЛААСАА ҮХЭН ХАТАН ЗУУРАЛДСАН МУУСАЙН ЮМНУУД

Avatar

зочин 2020-12-17 202.131.245.69

эднийхийг хувьчилсан нь дээр дээ. Хайран улсын хөрөнгө мөнгө, айл өрхийн сарын хураамж. Хувийн телевиз, радио болвол эсрэгээрээ сайн ажиллана. Монгол тв, тв5, UBS, MN25, боловсрол тв гээд тв-үүдтэй үзэлцэхэд дороо сэхнэ. ивээн тэтгэгч нам, дарга нь ялсан үед төрөөр тэжээлгэх гэсэн амьтад даргын эрх мэдлийг зөвхөн өөртөө л ашигладаг болохоор Монголын хамаг ажил унаж байна ш дээ. төрийн ажилтнууд АН, МАН-ы намын нэг амьтныг 4 жил тэжээдэг ажилчин боол л боллоо. одоо больвол таарна.

Avatar

иргэн 2020-12-17 202.179.26.238

Энэ А. Бүрэнбаатар мэтийн нөхдүүд цаашаа л бна шдээ. Энэ хүн чинь нэвтрүүлгээ явуулахад хахууль нэхдэг нөхөр , ийм булай гарвал тв сөнөнө.

Avatar

Зочин 2020-12-17 202.9.46.155

МҮОНРТ-ийн Ерөнхий захирлаар нэр бүхий хүмүүсийн дотроос Э.Дагиимаа л арай дөнгүүр нь байна даа. Дагиймаа жинхэнэ ТВ-ийн сэтгүүлч,хөтлөгч хэнээс ч айхгүй үгээ хэлчихдэг. Улааныг үзээд урвахгүй .шарыг үзээд шарвахгүй. хөхийг үзээд хөвөхгүй хүндээ. МҮОНРТ-ийн хамт олны өнгөрсөн эсэргүүцэл суулт өлсгөлөнгийн үед Дагиймаа хамт олныг улаан чээжээрээ хамгаалж байсныг ОНРТ"ийнхэн мартаагүй байгаа байх. Дагиймаа бүх намуудын дотор нь ороод үзчихсэн. зоригтой. намгүй. Ийм л хүн хэрэгтэйдээ.

NewsMN Гар утасны хувилбар Татах
NEWS.mn

Мэдээллийн эх сурвалж