Covid-19 хүнд, хөнгөн тусах нь хүний генээс шалтгаалж байна | News.MN

Covid-19 хүнд, хөнгөн тусах нь хүний генээс шалтгаалж байна

Covid-19 хүнд, хөнгөн тусах нь хүний генээс шалтгаалж байна

Covid-19 хүнд, хөнгөн тусах нь хүний генээс шалтгаалж байна

Covid-19 халдвар авсан хүмүүсийн зарим хүнд, зарим нь хөнгөн өвдөж, зарим нь бүр огт шинж тэмдэггүй байгаа нь тухайн хүний генээс шалтгаалж байгааг эрдэмтэд олж мэджээ.

Шотландын Эдинбургийн хааны эмнэлгийн зөвлөх, профессор Кеннет Бэйлигээр удирдуулсан судалгааны баг эрчимт эмчилгээний тасагт хэвтсэн covid-19 халдвартай 2000 гаруй өвчтөнд судалгаа хийжээ. Судалгааны явцад эдгээр хүмүүсийн геномыг эрүүл хүмүүсийнхтэй харьцуулахад хэд хэдэн ялгаа байгааг илрүүлсэн байна. Энэхүү судалгаа нь дархлааны систем хаана доголдож байгааг тодорхой болгож, covid-19 өвчнийг эмчлэх шинэ арга барил олоход туслах чухал ач холбогдолтой гэж үзэж байна.

Шинжлэх ухааны “Nature” сэтгүүлд нийтлэгдсэн судалгаанд дурдсанаар TYK2 гэх ген нь хүний дархлааны эсүүдийг илүү түрэмгий болгодог бөгөөд энэ генд доголдол үүсвэл дархлааны тогтолцоо мөн доголдож, өвчтөний уушги хүчтэй үрэвсэж эхэлдэг байна.

Мөн үрэвслийн үед чухал үүрэг гүйцэтгэдэг “DPP9” ген болон вирусийг үржүүлэхээс урьдчилан сэргийлдэг “OAS” генүүд өвчин хүндрэхэд нөлөөлдөг болохыг тогтоожээ. Түүнчлэн “IFNAR2” генийн өөрчлөлтийг илрүүлсэн ба энэ нь халдварын эхний шинж тэмдэг илрэнгүүт дархлааг өдөөж буй вирусийн эсрэг хүчтэй молекул болох интерфероныг боловсруулдаг байна. Тиймээс тухайн өвчтөний бие махбод хэтэрхий бага интерферон ялгаруулдаг бол энэ нь вируст хурдан үржих боломж олгож, улмаар өвчин хүндэрдэг гэсэн үг юм. Интерфероныг эмчилгээний зорилгоор нэмэлтээр хэрэглэж болдог ч covid-19 нь нэгэнт хүндэрсэн хүнд өвчтөнд тус болохгүй гэж ДЭМБ мэдэгджээ.

Эх сурвалж: BBC 

 

Энэ мэдээнд өгөх таны сэтгэгдэл?
2
ЗөвЗөв
2
ГайхмаарГайхмаар
1
ХөөрхөнХөөрхөн
1
ХарамсалтайХарамсалтай
0
ХахаХаха
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

BODOL 2020-12-16 64.119.23.230

Interferon-iig nemegduuldeg gd bsn ylamjlalt anagaahiin chigleliin massage hiih heregetei ym bnda. Ulamjlaltiin emch nar zovlolgoo ogno uu

NewsMN Гар утасны хувилбар Татах
NEWS.mn

Мэдээллийн эх сурвалж