PCR шинжилгээний 285.2 кг хаягдал цуглуулжээ | News.MN

PCR шинжилгээний 285.2 кг хаягдал цуглуулжээ

PCR шинжилгээний 285.2 кг хаягдал цуглуулжээ

PCR шинжилгээний 285.2 кг хаягдал цуглуулжээ

Бүх нийтийн бэлэн байдлын зэрэгт шилжүүлсэнтэй холбоотойгоор Мэргэжлийн хяналтын байгууллагын нийт 1400 албан хаагч МХЕГ, НМХГ, 21 аймгийн Мэргэжлийн хяналтын газар, Хилийн боомтуудад Шуурхай штаб болон эргүүл хяналт, тандалт хийн ажиллаж байна.

ХАЛДВАРГҮЙЖҮҮЛЭХ: Өнгөрсөн 24 цагийн (2020.12.15-ны 06:00 цагаас 2020.12.16-ны 06:00 цаг хүртэл) хугацаанд улсын хэмжээнд 77,733 м2 талбайд хийгдсэн урьдчилан сэргийлэх халдваргүйжүүлэлт, 10 объектын 8,613 м2 талбайд хийгдсэн голомтын эцсийн ариутгал халдваргүйтгэлийн үйл ажиллагаанд хяналт тавьж, мэргэжил арга зүйгээр хангаж ажиллав.

Мөн хот хоорондын болон хот доторх нийтийн тээврийн 424 автомашин, зорчигч үйлчилгээний 7 төвийн эрүүл ахуйн нөхцөлд хяналт тавьсан байна.

ОНЦЛОХ: Улаанбаатар хотын эрүүл мэндийн байгууллагын аюултай хог хаягдал устгалын төвлөрсөн байгууламжууд болох Элемент ХХК, Элемент медикал ХХК-иудын үйл ажиллагаанд Мэргэжлийн хяналтын байгууллагаас өдөр бүр хяналт тандалт хийж байна.

2020 оны арванхоёрдугаар сарын 15-ны өдөр 277  эмнэлэг, эм хангамжийн байгууллага, гурван тусгаарлан ажиглах байр, 15 түргэвчилсэн оношилгооны цэг, Буянт-Ухаа боомт дахь ХМХА-наас гэсэн газруудаас 4622.3 кг хог хаягдал тээвэрлэж, цуглуулсан байна.

Хог хаягдлын бүтцээр авч үзвэл эрүүл мэндийн байгууллагаас 4083.4  кг /хурц үзүүртэй, эмгэг хог, эмийн болон эсэд хортой, бусад халдвартай/, тусгаарлах байрнаас 97.9 кг, PCR шинжилгээний 285.2 кг, онгоц, карго ачаа тээврийн 82.3 кг хог хаягдал цуглуулжээ. Цуглуулсан 4548.8 кг хогийг устгасанаас 3265 кг хогийг халдваргүйжүүлсний дараа булж, 1283.8 кг хог хаягдлыг шатаах зууханд шатааж устгасан байна.

ХОРИО ЦЭЭР, ХЯЗГААРЛАЛТЫН ДЭГЛЭМИЙН ХЭРЭГЖИЛТ: Үйл ажиллагаа нь зогссон аж ахуйн нэгж байгууллагуудад зөрчил илрээгүй, цагийн хязгаарлалт тогтоосон хүнсний дэлгүүр, бөөний төв зэрэг нийт 1150 аж ахуйн нэгжийн үйл ажиллагаанд хяналт тавьж илэрч буй зөрчлийг арилгуулах, халдвараас урьдчилан сэргийлэх талаар зөвлөмж өглөө.

ХИЛИЙН БООМТ, ГҮНИЙ ХЯНАЛТ: Улсын хилээр нэвтрэн орсон 1098 тээврийн хэрэгсэл, 1103 жолооч, хилээр гарсан 1098 тээврийн хэрэгсэл, 1127 жолооч, зорчигчид хяналт шалгалт хийж, тээврийн хэрэгслийг халдваргүйжүүлэлтэд хамруулан халдвараас сэргийлж ажиллалаа. Жолооч нарт  халдварын шинж тэмдэг илрээгүй байна.

Улаанбаатар хотын гүний гаалийн хяналтын бүсэд 28 аж ахуйн нэгжийн 819.5 тн бодис, бараа, түүхий эд бүтээгдэхүүнд хяналт шалгалт хийж хилээс чөлөөлөн, 113 тээврийн хэрэгсэлд хийгдсэн халдваргүйжүүлэлтэд хяналт тавив.

АХУЙН БОЛОН АЮУЛТАЙ ХОГ ХАЯГДАЛ: 88 аж ахуйн  нэгж байгууллагын ахуйн хог хаягдал цуглуулалт, зайлуулалтад хяналт тавьж, зөвлөмж өглөө.

Улаанбаатар хотын эрүүл мэндийн байгууллагын аюултай хог хаягдал устгалын төвлөрсөн байгууламжууд болох Элемент ХХК, Элемент медикал ХХК-иуд 4622.3 кг хог хаягдал тээвэрлэж, цуглуулж, 4548.8 кг хогийг устгажээ.

ШАЛГАН НЭВТРҮҮЛЭХ ТОВЧОО, АГААРЫН ЧАНАРЫН ХЯНАЛТ: Улсын хэмжээнд дотоодын авто тээврийн шалган нэвтрүүлэх хяналтын 192 цэгээр 3,386 тээврийн хэрэгсэл нэвтрэх үеийн халдваргүйтгэлийн үйл ажиллагаанд 282 улсын байцаагч хяналт тавьж, 10,514 иргэнд зөвлөгөө өгсөн байна.

Энэ сарын 01-нээс 15-ны өдрүүдэд хот хоорондын нийтийн тээврийн 3524 автобусаар 71,498 иргэн, орон нутгийн нислэгээр есөн аймаг руу 17 онгоцоор 1348 иргэн зорчжээ. Зорчигчдыг тээвэрлэх үеэр халдвар хамгааллын дэглэм мөрдүүлэх, тээврийн хэрэгслийн халдваргүйтгэлийн гүйцэтгэлд мэргэжлийн хяналтын байгууллагаас хяналт тавин ажиллалаа.

Тавантолгой түлш ХХК 3333.62 тн түлш үйлдвэрлэж, 2093 тн түлш борлуулалтад гаргажээ.

ЛАБОРАТОРИЙН ШИНЖИЛГЭЭ: Албан хүсэлтээр ирүүлсэн таван төрлийн сойзны дээж, долоон төрлийн угаалгын шингэн, дөрвөн төрлийн шоколадны дээж, нэг бэлэн гоймон, нэг хэрчсэн гурилын дээж, импортын хяналт шалгалтад хамрагдсан элсэн чихрийн дээж, дөрвөн төрлийн дарсны дээж, дөрвөн төрлийн чипсний дээж, гурван төрлийн хүүхдийн сүүн тэжээлийн дээжийг шинжилгээнд хамруулж байна.

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж