Голомтод ажиллаж байсан 41 эмч, эмнэлгийн ажилтан халдвар авчээ | News.MN

Голомтод ажиллаж байсан 41 эмч, эмнэлгийн ажилтан халдвар авчээ

Голомтод ажиллаж байсан 41 эмч, эмнэлгийн ажилтан халдвар авчээ

УИХ-ын Нийгмийн бодлогын байнгын хорооноос 2020 оны аравдугаар сарын 20-ны өдөр Эрүүл мэндийн даатгалын байгууллага болон Эрүүл мэндийн даатгалын сангийн үйл ажиллагаатай танилцах, Эрүүл мэндийн даатгалын тухай хууль тогтоомжийн биелэлтийг хянан шалгах үүрэг бүхий ажлын хэсгийг УИХ-ын гишүүн М.Оюунчимэгээр ахлуулж, С.Ганбаатар, Ж.Чинбүрэн, С.Одонтуяа, Л.Энх-Амгалан нарын бүрэлдэхүүнтэй байгуулсан билээ.

Ажлын хэсгийн гишүүд өнөөдөр (2020.12.15) Covid-19 халдвараар өвчилсөн эрүүл мэндийн байгууллагын ажилтнуудын нөхцөл байдал, авч хэрэгжүүлж буй арга хэмжээний талаарх мэдээллийг цахимаар сонсож, нэн тэргүүнд тулгамдаж буй асуудлыг шийдвэрлэх зорилгоор хуралдлаа. Уг цахим хурлыг УИХ-ын гишүүн Ж.Чинбүрэн даргалж, Халдварт өвчин судлалын үндэсний төв (ХӨСҮТ)-ийн ерөнхий захирал Д.Нямхүү, ХӨСҮТ-ийн Тандалт судалгааны албаны дарга А.Амбасэлмээ нар эмч, мэргэжилтнүүдийн эрүүл мэнд, ажлын нөхцөл байдал, эрсдэл, хариу арга хэмжээний талаар мэдээлэл өгсөн юм.

Монгол Улсад төдийгүй дэлхий дахинд Covid-19 халдварын голомтод ажиллаж байгаа эмч, эмнэлгийн ажилтнуудын эрүүл мэндийн асуудал тулгамдаж байна. “Одоогийн байдлаар манай улсад нийт 41 эмч, эмнэлгийн ажилтан халдвар авсны 11 нь эдгэрсэн. Тэдний 80 гаруй хувь нь ажлын ачаалал их, хувийн хамгаалах хэрэгслийг тайлах үед болон халдвар авсан иргэнд эмнэлгийн тусламж, үйлчилгээ үзүүлэх явцдаа халдвар авсан байна. Дэлхийн эрүүл мэндийн байгууллага (ДЭМБ)-аас эмч, эмнэлгийн ажилтнуудад зориулсан гаргасан таван зөвлөмжийн дагуу хариу арга хэмжээ авч, ариутгал, халдваргүйжүүлэлтийг тогтмол хийж байгаа. Шаардлагатай авах арга хэмжээний жагсаалтыг Эрүүл мэндийн сайдад хүргүүлсэн. Тулгамдаж байгаа асуудал бол хүний нөөц, барилга, өрөө тасалгааны дулаалгын асуудал байгаа. Сүүлийн үед цахим сүлжээгээр иргэдийн дунд ХӨСҮТ-ийг бүрэн тусгаарласан, асуудал хүндэрсэн гэдэг ташаа мэдээлэл түгээх хандлага гарч байгаа нь эмч, сувилагч, ажилтнуудын сэтгэл санаанд нөлөөлөх, нэр хүндэд нь халдах зэрэг сөрөг үр дагаварыг үүсгэж байна” хэмээн ХӨСҮТ-ийн Тандалт судалгааны албаны дарга А.Амбасэлмээ хэллээ.

Хуралдааны үеэр ажлын хэсгийн гишүүд PCR шинжилгээнд нийт иргэдийг хамруулах шаардлагатай эсэхийг асуухад тандалт хийх байдлаар шинжилгээ хийх нь эдийн засаг болоод илрүүлэлтийн хувьд үр өгөөжтэй гэж ХӨСҮТ-өөс хариулав.

Ажлын хэсгийн гишүүд эмч нарын ачааллыг тэнцвэржүүлэх, анхан шатны нэгж, өрхийн эрүүл мэндийн төвүүдэд халдвар хамгааллын хэрэгсэл дутмаг байгааг анхаарах, эрүүл мэндийн цахим үйлчилгээний чанарыг сайжруулж тулгамдаж буй асуудлуудыг цаг тухайд нь шийдвэрлэх, шинжилгээний аппарат, хүний нөөцийг нэмэгдүүлж бэлтгэл ажлаа хангах талаар ажиллах чиглэлийг Эрүүл мэндийн яам болон ХӨСҮТ-ийн холбогдох албан тушаалтнуудад өглөө.

УИХ-ын Нийгмийн бодлогын байнгын хороонд иргэдээс ирүүлсэн гомдол, мэдээллийн дагуу Эрүүл мэндийн яамны Эрүүл мэндийн цахим мэдээллийн хэлтсийн дарга Т.Бат-Эрдэнэ, Интерактив ХХК-ийн захирал Б.Ууганбаяр нар 119.mn вебсайтын хөгжүүлэлт, тулгамдаж буй асуудлын талаар танилцуулав.

Мэргэжлийн байгууллагуудын мэдээлэлтэй холбогдуулан УИХ-ын гишүүн М.Оюунчимэг, Б.Жаргалмаа, Б.Бейсен, Ж.Чинбүрэн нар тодруулж, цаашид Нийгмийн бодлогын байнгын хорооноос шаардлагатай дэмжлэг үзүүлж, Эрүүл мэндийн сайдтай уулзаж асуудлыг шийдвэрлэж ажиллахаа илэрхийллээ.

 

Энэ мэдээнд өгөх таны сэтгэгдэл?
37
ХарамсалтайХарамсалтай
11
ГайхмаарГайхмаар
9
ТэнэглэлТэнэглэл
9
БурууБуруу
8
ХөөрхөнХөөрхөн
7
ЗөвЗөв
7
ХахаХаха
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-15 66.181.189.231

эмнэлгүүд зохион байгуулалт үнэхээр муу байна лээ

Avatar

Зочин 2020-12-15 110.70.16.80

Өөрсдөө хариуцлага муу байна даа. Халдвар ихтэй оронтой харьцуулахад муу байна гэсэн үг. Тэгээд халдвөр тараагч болж байгаа юм ш дээ

Avatar

Зочин 2020-12-15 64.119.26.102

Golomt bank neree solidiimuudaa. Yu vee l gej bodloo shd

Avatar

Зочин 2020-12-15 150.129.142.12

Хамгаалах хувцасаа тайлахаас өмнө ариутгадаг утлагын платка байдаггүй юм уу?дараа дараачийн эмч нар яах вэ ?

Avatar

Мэргэжил нэгтэн чинь бна.одоо тандалтанд ажиллаж бна. 2020-12-15 122.201.24.155

Мэргэжил нэгтнүүддээ эрүүл энхийг хүсэж бүгдээрээ хурдан эдгээрэй.та нар маань бусдын эрүүл мэндийн төлөө хоногийн 24 цагт өдөр шөнөгүй ажиллаж бгаа мундаг хүмүүс шүү. Та нараараа бахархаж бна.

Avatar

Ха ха хүниф нэр зөв бичээч 2020-12-15 89.89.63.161

АМБАСЭЛМЭЭ

Avatar

Зочин 2020-12-15 64.119.23.11

Оюунчимэг Жаргалмаа хоёр элийгээ мэддэг юм.Ажлын дундуур садаа болохын нэмэг гайнууд

Avatar

Зочин 2020-12-15 64.119.16.227

41 ээ

Avatar

Харамсалтай 2020-12-15 64.119.26.164

Ачааллаа дийлэхгүй байна.

Avatar

Emch 2020-12-15 202.126.90.42

Jargalmaa beisen ,boortsog oyunchimeg,zalijin chinbyren bar kovid zohitsuulna gej bhgyi ee,tiim ovoo yum bol 2 emch ni huvtsas umsuud haldvartad ajil s*****g hulgaichuud

Avatar

зочин 2020-12-15 103.57.94.10

жаргалмаа, оюунчимэг, бейсен нарын ITY мэддэг гэж хаашаа харсан юм байдаг юм. ичиж үхмээр юм

Avatar

Зочин 2020-12-15 150.129.140.35

Олон юм ярьж бусдыг шүүмжилж суухаар халдвартай газар ажиллах мэргэжилтэй бол тийм чадалтай юм бол сайн дураараа ажиллая гээд ХӨСҮТийн Нямхүүг танихгүй биш очдоо. Ярьж сэдэж бгаа нь сөрөг бгааг бодвол та бантангий нь хутгаад халдвар тараах хүн бж магад шүү. өөрөө гар хөл ухаан нь хүрч ажиллах боломжгүй өөр мэргэжилтэй бол бусдыг дэмжиж хувь нэмэр оруул.

Avatar

Зочин 2020-12-15 103.26.193.85

халдвартын эмч сувилагч та нартаа эрүүл энхийг хүсье монголчууд бусад өвдсөн хүмүүс тэдгий гэр бүл гээд бүх аод иргэддээ эрүүл бграй хурдан эдгээд ажлдаа ороорой гэж ерөае

NewsMN Гар утасны хувилбар Татах
NEWS.mn

Мэдээллийн эх сурвалж