Жорж Флойдыг баривчилж буй үйл явдлыг утасныхаа камераар бичиж, цахим орчинд түгээсэн 17 настай охин эр зоригийнхоо төлөө Америкийн PEN шагнал гардан авчээ.

Миннеаполис хотын ахлах сургуулийн сурагч Дарнелла Фразьер тавдугаар сард 46 настай Жорж Флойд хуурамч 20 доллараар гүйлгээ хийснээсээ болж баривчлагдаж байх үед ойрхон явж таарчээ.

Фразьерийн бичсэн бичлэг дээр цагдаагийн офицер Дерек Човин Флойдын хүзүүн дээр өвдөглөж, Флойд амьсгалж чадахгүй байгаагаа удаа дараа илэрхийлэх бөгөөд ухаан алдаж байгаа нь тодорхой бичигджээ.

Түүний бичлэгийг цахим орчинд дэлхий даяар хэдэн сая хүн үзэж, дуу хоолойгоо нэгтгэн эсэргүүцлийн хөдөлгөөн эхлүүлсэн билээ. Улмаар харгис зан гаргасан Дерек Човин болон баривчилгаанд оролцсон бусад гурван цагдаа нар хуулийн хариуцлага хүлээсэн юм.

АНУ-ын эрх чөлөө, хүний эрхийн PEN байгууллага өнгөрсөн долоо хоногт цахим ёслолын ажиллагаа зохион байгуулж, Фразьерийг шагнасан байна. Мөн түүнээс гадна тус ёслолын ажиллагааны үеэр Барак Обама тэргүүтэй өөр хэд хэдэн хүн шагнал хүртжээ.

Эх сурвалж: UNILAD