А.Хатансайхан: БНХАУ-ын талтай 30 тээврийн хэрэгсэл солилцсон | News.MN

А.Хатансайхан: БНХАУ-ын талтай 30 тээврийн хэрэгсэл солилцсон

А.Хатансайхан: БНХАУ-ын талтай 30 тээврийн хэрэгсэл солилцсон

А.Хатансайхан: БНХАУ-ын талтай 30 тээврийн хэрэгсэл солилцсон

Бүх нийтийн өндөржүүлсэн бэлэн байдлын зэрэгт шилжсэн энэ үед Монгол Улсын Шадар сайд, Улсын онцгой комиссын даргын тушаалаар байгуулсан улс хоорондын ачаа тээвэрлэлтийн үйл ажиллагааг нэгдсэн удирдлагаар хангах, тээвэрлэлтэд үүсч буй хүндрэл, саатлыг арилгах үүрэг бүхий Шуурхай бүлгийн цахим хурал өнөөдөр (2020.12.14) болов.

Тус хурлыг Зам, тээврийн хөгжлийн сайд Л.Халтар удирдан явуулж, Зам, тээврийн хөгжлийн яам, Гадаад хэргийн яам, Хил хамгаалах ерөнхий газар, Гаалийн ерөнхий газар, Тээврийн цагдаагийн албаны төлөөлөл, аймгуудын Засаг дарга, Авто тээврийн төвийн дарга нар оролцлоо.

Энэхүү хурлаар улс хоорондын тээвэрлэлт, хилийн боомтын үйл ажиллагаанд үүсч буй хүндрэлийн талаарх мэдээлэл солилцож, шийдвэрлэх арга замыг тодорхойлж, холбогдох байгууллагуудтай хамтран шаардлагатай арга хэмжээг авч, зохицуулалт хийх шуурхай механизмыг хэрхэн бүрдүүлж буй талаар авч хэлэлцэв.

АТҮТ-ийн Цогтцэций салбарын дарга С.Мөнх-Эрдэнэ “Гашуунсухайт боомтод жолооч нарыг автобусаар нэгдсэн зохион байгуулалттай хил нэвтрүүлж, PCR-ийн шинжилгээ өгүүлэхээр БНХАУ-ын талтай тохиролцсон. Үүний үр дүнд амралтын өдрүүдэд хоёр автобусаар 191 жолоочийг хил нэвтрүүлж, шинжилгээ өгүүлэх ажлыг зохион байгууллаа. Өнөөдөр 300 жолоочийг хил нэвтрүүлж шинжилгээ өгүүлэхээр тохиролцсон бөгөөд эхний 145 хүнийг хоёр автобусаар гаргахаар бэлэн болоод байна”, АТҮТ-ийн Замын-Үүд дэх салбарын дарга А.Хатансайхан “БНХАУ-ын талтай өчигдөр 30 тээврийн хэрэгсэл солилцсон. Өнөөдөр 17 тээврийн хэрэгсэл гаргана. Хятадын талд байгаа 60 тээврийн хэрэгслийг хорь, хориор нь гурван удаагийн таталтаар авна” гэж танилцуулав.

Шуурхай бүлгийн ахлагч, Зам, тээврийн хөгжлийн сайд Л.Халтар Гашуунсухайт боомтод жолооч нарыг хэзээ, хэдийд, хэрхэн шинжилгээнд хамруулах, шинжилгээнд хамрагдсан жолооч нарыг ямар дэс дарааллаар нүүрс тээвэрлэлтэд оруулах зэрэг үйл ажиллагаагаа тогтмолжуулах график гаргаж мөрдөх чиглэл өглөө.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

GUZEET 2020-12-14 202.21.110.94

ЭХЛЭЭД МЭДЭЭГЭЭ САЙН УНШ. ДАРАА НЬ ӨӨРИЙНХӨӨ ХАЛТАРТСАН НҮҮРИЙГ УГАА ДАА…………..

Avatar

зочин 2020-12-14 66.181.161.17

30-хан машин өдөртөө гарч байгаа юм уу.Нүүрсний экспорт Халтардаж байна даа чааваас

NewsMN Гар утасны хувилбар Татах
NEWS.mn

Мэдээллийн эх сурвалж