Адольф Гитлерийн тэжээвэр матрыг ОХУ-ын музейд байрлуулжээ | News.MN

Адольф Гитлерийн тэжээвэр матрыг ОХУ-ын музейд байрлуулжээ

Адольф Гитлерийн тэжээвэр матрыг ОХУ-ын музейд байрлуулжээ

Адольф Гитлерийн тэжээвэр матрыг ОХУ-ын музейд байрлуулжээ

Адольф Гитлерийн тэжээвэр амьтан байсан гэгддэг матрын чихмэлийг ОХУ-ын музейд тавьж, үзмэр болгожээ.

Санчир гаригийн нэртэй тус матар 1946 онд “олзлогдсон"-оосоо хойш 84 нас хүртлээ Москвагийн амьтны хүрээлэнгийн нэр хүндтэй "оршин суугч" байжээ. Тэрээр энэ жилийн тавдугаар сарын эхээр үхсэн бөгөөд мэргэжилтнүүд түүнийг нэн даруй чихмэл болгосон байна. Улмаар тус чихмэлийг Москвагийн Дарвин музейн Умард Америкийн амьтдын тасагт байрлуулахаар болжээ.

Эх сурвалжуудын мэдээлж байгаагаар, Санчир 1936 онд Миссиссиппигийн зэрлэг байгальд төрж, нэг нас хүрээгүй байхдаа Берлиний амьтны хүрээлэнд очсон аж. Түүнчлэн удалгүй Гитлерийн хувийн цуглуулгад очсон гэдэг.

Харин хоёрдугаар дайн дуусаад, хэдэн жил өнгөрсний дараа англи цэргүүд Санчирыг Берлинээс олж, оросуудад бэлэглэжээ. Нутгийнхны ярьдгаар Берлин ялагдсанаас хойш Санчир худаг, харанхуй булан, зоорь дамжин гурван жил баригдахгүй амьдарсан аж.

Мөн "Daily Star" сонинд “1990-ээд оны эхээр ЗСБНХУ нуран унаж, танкууд ойролцоох парламентын байрыг буудан нураахыг гэрчилсэн Санчир Берлиний бөмбөгдүүлж байх үесийг санагалзсан бололтой нүдэндээ нулимстай харагдаж байлаа” хэмээн бичиж байжээ.

Дарвин музейн ажилтан Дмитрий Милосердов “Санчирыг үзмэр болгон бэлтгэх ажлыг ур чадвартай мэргэжилтнүүд зургаан сарын турш гүйцэтгэсэн. Манай музейн ямар ч амьтан түүн шиг баялаг намтаргүй. Санчир бол Москвагийн амьтны хүрээлэнгийн домог төдийгүй юм үзэж нүд тайлсан матар байсан юм” хэмээн ярьсан байна.

Музейн албан ёсны цахим хаягт бичсэнээр иргэд нэгдүгээр сарын 16-наас эхлэн тус домогт матрыг нүдээр үзэх боломжтой болох аж.

Эх сурвалж: UNILAD

Энэ мэдээнд өгөх таны сэтгэгдэл?
14
ГайхмаарГайхмаар
2
ХөөрхөнХөөрхөн
1
ЗөвЗөв
1
ХахаХаха
1
ХарамсалтайХарамсалтай
1
БурууБуруу
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

/*-*/ 2020-12-14 49.0.212.165

За тэр Гитлерийн матар ч яахав хөөрхий, байгалийн нэг бодгаль ан амьтан. Харин Зөвлөлтийн комунист намын тэжээсэн матарнууд манай нийгэмд амь бөхтэй, одоогоороо төр нийгэмд идэвхтэй амьдарч хорвоог бузарлаад зогсохгүй тэр хоцрогдсон улааны үзэл суртлаараа шинэ залуу үеийг өсгөж мөн ч сүйдэлж байх юм даа таминь ээ

Avatar

Зочин 2020-12-14 66.181.189.134

Африкийн эртний нэг дайчин омгийнхон ялсан дайсныхаа толгойг өвөрмөц аргаар хатаан жижигрүүлээд, хүзүүндээ эсвэл гэртээ зүүж гангардаг байсан гэпэг. Зангидсан нударга шиг жижиг болсон ч тухайн толгойны нүүр царай ямар ч өөрчлөлтгүй, яг төрхөөрөө байдаг гэжуугаа. Харин өнөөх агуу ялагч орос маань очиж очиж гитлерийн матраар гангардаг…. арай л дорд уу үгүй юу. Зүгээр л тийм төрөл зүйлийн матар гээд л байршуулчихгүй..

Avatar

Зочин 2020-12-14 66.181.161.55

Чи ойлгохгүй оркоо

NewsMN Гар утасны хувилбар Татах
NEWS.mn

Мэдээллийн эх сурвалж