Долоон настай охин өөрийн хийсэн резинэн бугуйвчаа зарж, олсон орлогоо Чикаго хотын хүүхдийн эмнэлэгт хандивлажээ. Хэйли Орлински хэмээх охин 200 ам.доллар цуглуулж, Чикаго хотын Анн Роберт Люри хүүхдийн эмнэлэгт хандивлахаар төлөвлөж байсан ч нэг мэдэхэд л 8000 бугуйвч зарж, төлөвлөгөөгөө 100 дахин давуулан биелүүлсэн байна.

Хоёрдугаар ангийн сурагч Орлинскийн хийсэн бугуйвчууд онлайн дэлгүүрүүдэд эрэлттэй байсан бөгөөд алс хол Италиас хүртэл захиалга иржээ. Түүний ээж Лори Орлински CNN-д өгсөн ярилцлагадаа “Хэйлигийн зуслангийн найзууд өдөр бүр түүнд тусалж, зуу зуун бугуйвч хийж байлаа. Бидэнд үнэхээр том тус болсон. Охин минь энэ хүнд хэцүү цаг үеийг хүмүүс хамтдаа давж чадна гэдгийн тод жишээ” хэмээжээ.

Hayley Orlinsky poses for a portrait Wednesday, Dec. 2, 2020, with several colorful rubber band bracelets she makes in her Chicago home. The 7-year-old has spent most of the coronavirus pandemic crafting the bracelets as a fundraiser, earning nearly $20,000, to buy personal protective equipment for the Ann and Robert H. Lurie Children's Hospital. (AP Photo/Charles Rex Arbogast)

Хэйли охин дөнгөж төрснийхөө дараа Анн Роберт Люри хүүхдийн эмнэлгийн эрчимт эмчилгээний тасагт хэвтэн эмчлүүлж байсан учир цуглуулсан бүх мөнгөө энэ л эмнэлэгт хандивлахыг хүсчээ. Эмнэлгийн удирдлагууд түүний хандивласан мөнгөөр хамгаалах хэрэгсэл авч, судалгаанд зарцуулна гэж мэдэгдсэн байна.