Монгол цэргийн өдөр, Зэвсэгт хүчний 95 жилийн ойд зориулсан баярын хурал боллоо | News.MN - Мэдээллийн эх сурвалж

Монгол цэргийн өдөр, Зэвсэгт хүчний 95 жилийн ойд зориулсан баярын хурал боллоо

Хуучирсан мэдээ: 2016.03.17-нд нийтлэгдсэн

Монгол цэргийн өдөр, Зэвсэгт хүчний 95 жилийн ойд зориулсан баярын хурал боллоо

Монгол цэргийн өдөр, Зэвсэгт хүчний 95 жилийн ойд зориулсан  баярын хурал, хүндэтгэлийн тоглолт болж, Зэвсэгт хүчний генерал, офицер, ахлагч, түрүүч, байлдагч, албан хаагчид болон чөлөөнд байгаа ахмад дайчдын төлөөлөл оролцлоо. Ерөнхий сайд Ч.Сайханбилэг Зэвсэгт хүчний бие бүрэлдэхүүн, бэлтгэл болон чөлөөнд байгаа офицер, ахлагч, дайнд оролцсон ахмад дайчдад Монгол ардын журамт цэргийн байгуулсан анхны ялалтын өдөр, орчин цагийн Зэвсэгт хүчин үүсч хөгжсөний 95 жилийн ой, Монгол цэргийн өдрийн  мэндчилгээ дэвшүүлж, үг хэллээ.

Тэрээр Зэвсэгт хүчин нь төрийн батлан хамгаалах чиг үүргийг хэрэгжүүлэх цэргийн хүч хэрэгсэл болохын хувьд Зэвсэгт хүчний байгуулалт, түүнийг хөгжүүлэх, байнгын бэлэн байдлыг хангах, бие бүрэлдэхүүний ур чадварыг дээшлүүлэх нь төрийн бодлогын салшгүй нэг чухал хэсэг гэдгийг онцлоод Монгол Улсын Засгийн газраас үйл ажиллагааны хөтөлбөртөө Батлан хамгаалах бодлогын томоохон зорилтуудыг дэвшүүлэн ажиллаж ирсэн гэлээ. Мөн Монгол Улсын Засгийн газрын 2012-2016 оны үйл ажиллагааны хөтөлбөрт тусгагдсан “Цэргийн алба хаагчдыг нөхөн хангах бодлогыг шинэчлэн, холимог тогтолцоог төлөвшүүлж, иргэдийн цэргийн алба хаах хэлбэрт шинэчлэл хийх” зорилтыг хэрэгжүүлсний үр дүнд оюутнууд цэргийн алба хаах болсноор Зэвсэгт хүчний дайчилгааны бэлтгэл үүрэгтний нөөц нэмэгдэж, улс орны батлан хамгаалах чадавх сайжирч, их, дээд сургуулийн төгсөгчид төрийн албанд орох нөхцөл бүрдсэнийг тодотгосон юм.

Орон нутгийн хөгжилд цэргийн хүчний үүргийг нэмэгдүүлэхээр Засгийн газраас Архангай, Говь-Алтай аймагт шинээр барилга, инженерийн батальон байгуулах, Орхон аймаг дахь салбарыг барилга инженерийн батальон болгон өргөтгөх шийдвэрийг гаргасан. Энэ мэт батлан хамгаалах салбартай холбоотой нийт 40 гаруй асуудлыг Засгийн газрын хуралдаанаар хэлэлцэж шийдвэрлэсэн байна.

ЭХ СУРВАЛЖ: ЗАСГИЙН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

И.Норовжав 2016-03-17 202.179.24.159

Монголын зэвсэгт хүчин Монгол улсын тусгаар тогтнолыг хамгаалах , эх ороноо харийн түрэмхийлэлээс хамгаалах, Нэгдсэн үндэстний байгууллагын хүсэлтээр олон улсын үйл ажиллагаанд амжилттай оролцож байгаа орчин үеийн чадварлаг арми билээ. Монгол алтайн баруун ба зүүн хэсэгт 120 гаруй жил оршин тогтнож байсан ЗҮҮНГАР улс нь Монгол улсын тусгаар тогтнолын төлөө Манж ( одоогийн Хятад) улстай олон жилийн зэвсэгт тэмцэл хийж байгаад 1755-1757 онуудад тэдний холбоотны цэргийн хүчинд бут ниргүүлж их яргалт - ГЕНОЦИД үйлдэж 600 мянган хүн амтай байсан улс нь дайнаас дайжин уул хадаар нуугдаж хоцорсон 100 гарухан мянган хүн амьд үлдсэн байдаг. Монголын нэрт эрдэмтэн Ч.Далайн нэгэн бүтээлд тэмдэглэснээр 180 мянган хүнийг алж , эрэгтэй эмэгтэй хөгшид, хүүхэд 70 мянган хүн ийг амьдаар нь газарт булж, 13862 ном сударыг шатаан устгажээ.гэж тэмдэглэсэн нь буй. Зүүн гар улсаас үлдсэн хүн амыг нутаг заан хятададын нутаг дэвсгэрт олон мужид тараан байрлуулсан ба одоо Оросын холбооны улс ,Киргиз, Монгол улст Зүүн гар улсын аймаг , омгууд оршин сууж байгаа болно , Дэлхийн газрын зураг дээр Зүүн гар гэдэг улс ул мөргүй болсон түүхтэй билээ. Энэ нь энэ улс , ард түмнийх хувьд олон улст нэрлэдэг их яргалт- Геноцид болсон түүхэн үнэн юм. Энэ асуудлыг олон улст - НҮБ-ийн хэмжээнд тавьж 260 шахам жил энэ ард түмэн, ахуй , соёл , газар нутгийн их хохирол хүлээж байгааг баталгаажуулж олон улсын зүгээс ард түмний соёл, түүх,бичгийг сэргээхэд тусламж дэмжлэг авах нь зүйтэй юм. Энэ асуудалтай төстэй үйл явдлыг 1905 онд Турк улс холбоотныхаа хамт Армений улсын эсрэг их яргалт үйлдэж сая гаруй хүнийг алж устгасан харамсалтай явдлыг олон улсын арга хэмжээ болгон тэмдэглэсэн байна . Зүүн агр улсын том цөм нь болсон Монголын баруун гурван аймаг нь Монгол улст байгаа учраас манай улс энэ асуудлыг сөхөж тавих нь зүйн хэрэг бизээ.

Зочин 2016-03-17 49.0.204.180

Зэвсэгт Хүчний Командлагч Ц.Элбэгдорж хаана байна яагаад баяр хүргэхгүй байна . Өчигдөр яагаад Жанжин Сүхбаатарын талбай дээр гарч ирсэнгүй вэ?

Ard 2016-03-17 73.133.19.139

Janjnii hushuund tsetseg urguud daraa ni chingisiin hushuund hundetgel uzuuldeg ulamjlaltai bolood udaj bna. Enenii yu ni bolohgui bna umhii ANuusiin ***** doloogchid oo !!!!

Монголын арми 95 хан жилийн түүхтэй юм уу. 2016-03-17 49.173.8.35

МАН нь “Монгол цэргийн өдөр” гэгчийг зохиож, Д.Сүхбаатарын хөшөөнд цэцэг өргөсөн байна. Энэ бусармаг ажиллагааг чинь харвал Монголд хэзээ ч арми гэж байхгүй байж байгаад 1921 онд л Монгол улс анх удаа арми гэдэг юмтай болсон, Д.Сүхбаатар гэдэг хүн л 1921 онд Монголд арми гэдэг юмыг анх санаачилсан гэж ойлгогдохоор болсон байна. Гэтэл Д.Сүхбаатар бол 1921 оноос өмнө Богд хаант Монгол улсын армид алба хааж байсан хүн, арми гэдэг юмыг санаачлах нь битгий хэл, өөрөө Богд хаант Монгол улсын армийн албан хаагч байсан хүн. Мөн Д.Сүхбаатарын хөшөөнд цэцэг өргөснөөрөө Эзэн Чингис, Монголын эзэнт гүрэн энэ тэр бол огт байхгүй байсан юм шиг ойлгогдохоор юм зохион байгуулсан байна. Ер нь Монгол цэргийн өдрийг өөрчилье. Одоохондоо Монгол цэргийн өдөр гэж МАН-ын суртал нэвтрүүлгийн өдөр байх ёсгүй. Хэрэв Монгол цэргийн өдөр гэж байх ёстой юм бол, Эзэн Чингис хаан 1206 онд их Монгол улсыг зарлан тунхагласан өдрийг Монгол цэргийн өдөр болгох хэрэгтэй. Ер нь бол тийм өдөр одоохондоо байх хэрэггүй, хойч үе л тийм өдөр байх ёстой эсэхийг шийдэг.

МАН-ын буруу өнцөг буюу түүхийг гуйвуулахаа зогсоо 2016-03-17 49.173.8.35

МАН нь “Монгол цэргийн өдөр” гэгчийг зохиож, Д.Сүхбаатарын хөшөөнд цэцэг өргөсөн байна. Энэ бусармаг ажиллагааг чинь харвал Монголд хэзээ ч арми гэж байхгүй байж байгаад 1921 онд л Монгол улс анх удаа арми гэдэг юмтай болсон, Д.Сүхбаатар гэдэг хүн л 1921 онд Монголд арми гэдэг юмыг анх санаачилсан гэж ойлгогдохоор болсон байна. Гэтэл Д.Сүхбаатар бол 1921 оноос өмнө Богд хаант Монгол улсын армид алба хааж байсан хүн, арми гэдэг юмыг санаачлах нь битгий хэл, өөрөө Богд хаант Монгол улсын армийн албан хаагч байсан хүн. Мөн Д.Сүхбаатарын хөшөөнд цэцэг өргөснөөрөө Эзэн Чингис, Монголын эзэнт гүрэн энэ тэр бол огт байхгүй байсан юм шиг ойлгогдохоор юм зохион байгуулсан байна. Ер нь Монгол цэргийн өдрийг өөрчилье. Одоохондоо Монгол цэргийн өдөр гэж МАН-ын суртал нэвтрүүлгийн өдөр байх ёсгүй. Хэрэв Монгол цэргийн өдөр гэж байх ёстой юм бол, Эзэн Чингис хаан 1206 онд их Монгол улсыг зарлан тунхагласан өдрийг Монгол цэргийн өдөр болгох хэрэгтэй. Ер нь бол тийм өдөр одоохондоо байх хэрэггүй, хойч үе л тийм өдөр байх ёстой эсэхийг шийдэг.

Зочин 2016-03-17 203.91.118.70

Ядаж байхад гамингийн үнсэн саарал форм өмсчихсөн байгааг нь нэг харчихаарай.

Зочин 2016-03-17 203.91.118.70

1919 онд гоминданы генерал Сүй Шү Жанд сайн дураар зэвсгээ хураалгасан тэр армийн 95 жил юм чинь аргагүй ш дээ. Гоминданыг үнс чандруу болгосон, 1939, 1945 онд самурайн нармайг нээсэн тэр армийн өдөр чинь маргааш болно.

Kkk 2016-03-17 103.229.120.118

Manai tsergiin ansambeliinhan kontserton deeree xyatad tsergiin duu duulj baigaa ni ih evgui sonin sanagdlaa.