Хэнтий аймагт олон нийтийг хамарсан үйл ажиллагаа зохион байгуулах, архи, согтууруулах ундаагаар үйлчлэх, худалдах, хэрэглэхийг аймгийн хэмжээнд тодорхойгүй хугацаагаар хоригложээ. Аймгийн Шуурхай штаб өчигдөр /2020.12.11/ хуралдаж, аймгийн Засаг даргын А/567 дугаартай захирамж гарсан байна.

Уг захирамжаар Хэнтий аймгийн хэмжээнд:

• Архи, согтууруулах ундааг худалдан борлуулах, түүгээр үйлчлэх үйлчилгээ,
• Олон нийтийг хамарсан хурал зөвлөгөөн,
• Жагсаал цуглаан,
• Соёл урлаг, спортын арга хэмжээ, үзвэр үйлчилгээ зохион байгуулах,
• Сургалтын төв,
• Фитнес, бялдаржуулах төв,
• Баар, караоке, цэнгээний газар,
• Компьютер болон биллиард тоглоомын газар,
• Сүм хийд, шашны байгууллагын үйл ажиллагааг тодорхойгүй хугацаагаар хориглолоо.

Өөрөөр хэлбэл өмнөх А/545 дугаар захирамжаар дээр дурдсан үйлчилгээг өнөөдрийн /2020.12.11/ 06:00 цаг хүртэл хориглосон байсныг тодорхойгүй хугацааг хориглож, өөрчилсөн байна.

А.СҮРЭН