БНХАУ-ын Коронавак вакцины тухай юу мэдэх хэрэгтэй вэ? | News.MN

БНХАУ-ын Коронавак вакцины тухай юу мэдэх хэрэгтэй вэ?

БНХАУ-ын Коронавак вакцины тухай юу мэдэх хэрэгтэй вэ?

БНХАУ-ын Коронавак вакцины тухай юу мэдэх хэрэгтэй вэ?

Олон улс Covid-19 цар тахлыг дарах үр дүнтэй вакцин гарган авахын тулд идэвхтэй өрсөлдөж байгаа энэ үед БНХАУ дөрвөн ч вакцин бүтээж, тэдний нэг Синовак компанийн бүтээсэн Коронавак вакциныг хэдийн экспортлоод эхэлжээ.

Бээжинд төвтэй Синовак компанийн бүтээсэн Коронавак вакцины эхний ээлж аль хэдийн Индонез улсад хүрсэн бөгөөд цаашид ирэх оны нэгдүгээр сар гэхэд 1.8 сая тун нэмж очихоор болжээ. Гэвч вакцин эцсийн шатны туршилтаа хараахан дуусгаж амжаагүй байгаа юм. Тиймээс вакцины талаар эргэлзээ асуултууд олон бий билээ.

Синовакийн вакцин бусад вакцинаас юугаараа ялгаатай вэ?

Синовак компанийн бүтээсэн Коронавак вакцин бол идэвхгүй төрлийн вакцин юм. Өөрөөр хэлбэл, вакцинд идэвхгүй болгосон вирусний ширхэгүүд агуулагддаг бөгөөд тэдгээр нь биед ормогцоо вирусийн тухай мэдээллийг дархлааны системд таниулах замаар ажилладаг аж.

Харин Moderna, Pfizer компаниудын бүтээсэн вакцинууд бол мРНХ технологи ашигладаг вакцинууд юм. Өөрөөр хэлбэл, вакцинд идэвхгүй вирус өөрөө биш, вирусийн генийн код агуулагддаг гэнэ. Тус генийн код биед ормогц хүний бие тухайн кодыг ашиглан вирусийг биш, вирусийн протейнийг үйлдвэрлэж, түүнийгээ дархлааны системд таниулан, жинхэнэ вирус орж ирэхэд эсэргүүцэх чадвар суулгадаг юм.

Харьцуулж үзвэл Синовакийн вакцин олон жилийн турш хэрэглэсээр ирсэн вакцины уламжлалт аргыг ашигласан тул үр дүн нь илүү баталгаатай хэмээн зарим мэргэжилтнүүд үзэж байна. Харин мРНХ технологи бол цоо шинэ, батлагдаагүй технологи бөгөөд мРНХ технологийн амжилттай болсон жишээ одоохондоо байхгүй тул дархлаа хэр удаан тогтох нь одоогоор тодорхойгүй байгаа юм.

Түүнээс гадна Коронавакийн бас нэг давуу тал бол 2-8 хэмийн дулаан бүхий энгийн хөргөгчинд хадгалж болдог чанар юм. Нэгдсэн Вант улсын Оксфордын их сургууль, AstraZeneca компанийн хамтран бүтээсэн вирус ч мөн 2-8 хэмийн дулаанд хадгалж болдгоороо давуу талтай билээ. Гэхдээ Коронавакаас ялгаатай нь Оксфордын вакцинд идэвхгүй вирус биш, сармагчны энгийн ханиадны вирусийн генийг коронавирустэй төстэй болгож өөрчилсөн хувилбар агуулагддаг юм. Мөн ОХУ-ын Гамэлея хүрээлэнгийн бүтээсэн Спутник V вакцин ч гэсэн уламжлалт аргаар бүтээгдсэн бөгөөд энгийн хөргөгчинд хадгалах боломжтой гэнэ.

Харин АНУ-ын Moderna компанийн вакциныг -20 хэм, Pfizer компанийн вакциныг -70 хэмд хадгалах ёстой нь гадаад оронд тээвэрлэхэд хүндрэл учруулж байгаа билээ.

Тиймээс Синовак, Оксфорд, Гамэлея компаниудын бүтээсэн вакцинууд -70 хэмийн хөргөгч их хэмжээгээр бэлдэж, тээвэрлэх чадваргүй зарим орнуудад илүү тохиромжтой юм.

Хэр үр дүнтэй вэ?

Хятад вакцины үр дүнг одоохондоо нарийн хэлэхэд бэрх байгаа аж. Мэргэжилтнүүдийн хэлж байгаагаар Синовакийн вакцины эцсийн шатны туршилт одоо ч дуусаагүй байгаа тул бүрэн тайлан гараагүй, одоохондоо зөвхөн нэг, хоёрдугаар шатны туршилтын үр дүнгийн талаар мэдээлэл л тодорхой болсон байгаа гэнэ.

Тайланг бичсэн эрдэмтдийн нэг Жү Фенцайн мэдээлснээр Коронавак вакцины эхний шатны туршилт 144 хүн хамруулж, хоёр дахь туршилт 600 хүн хамруулсан бөгөөд үр дүн нь яаралтай тусламжийн хөтөлбөр эхлүүлэхэд хангалттай байсан тул эхний ээлжинд сая орчим хүнийг вакцинжуулсан байна.

Вакцины эцсийн шатны туршилт олон оронд үргэлжилж байгаа бөгөөд одоогийн байдлаар ноцтой гаж нөлөө мэдэгдээгүй гэнэ. Мөн зарим эх сурвалжуудын урьдчилан мэдээлж байгаагаар вакцин 85-97 хувийн үр дүнтэй байгаа бөгөөд эцсийн тайланг энэ сарын 15-наас өмнө бэлэн болно хэмээн таамаглаж байгаа аж.

Жилд хэчнээн тун үйлдвэрлэж чадах вэ?

Синовак компани шинээр ашиглалтад оруулсан 20 мянган метр.кв талбайтай үйлдвэртээ жилд 300 сая тун үйлдвэрлэх хүчин чадалтайгаа зарлажээ.

Бусад бүх вакцины адил Коронавак хүнд дархлаа тогтооход хоёр тун шаардлагатай тул жилд 150 сая хүн буюу БНХАУ-ын нийт хүн амын 10 хувьтай тэнцэх хэмжэний хүн дээрх вакциныг тариулах боломжтой гэсэн үг.

Гэвч Синовак компани аль хэдийн Индонезид амласан тунгуудаа экспортолж эхэлсэн бөгөөд түүний дараа Турк, Бразил, Чили улсуудтай байгуулсан гэрээнүүд бас бий гэнэ.

Мөн одоохондоо хятад вакцины үнэ хэд байх нь тодорхойгүй байгаа ч Еивү хотын сувилагч нар 400 юань буюу 60 ам.доллараар вакцин тариулсан гэх мэдээлэл бий. Түүнээс гадна Индонезийн төрийн өмчит Био Фарм фирм тус вакциныг 13.6 ам.долларын үнэтэй байх болно хэмээн мэдээлж байгаа юм.

Харьцуулж үзвэл Оксфордын вакцин илүү хямд буюу 4 ам.доллар, Moderna вакцин нэг тун нь 33 ам.доллар, Pfizer вакцин нэг тун нь 40 ам.доллар, Гамэлеягийн вакцин нэг тун нь 10 ам.доллар байх аж.

Иймд ард түмнийг вакцинуудын талаар мэдээллийг нарийн, сайн судалж, сонголтоо зөв хийхийг мэргэжилтнүүд уриалж байгаа билээ.

Эх сурвалж: BBC.COM

Энэ мэдээнд өгөх таны сэтгэгдэл?
6
ТэнэглэлТэнэглэл
3
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-12-11 66.181.188.201

Оросын вакцин хамгийн сайн нь байх магадлалтай байна.Барууны хэвлэлүүд судалгаан дээрээ тулгуурлаж Орос вакцин нь одоогоор ямар нэг гаж нөлөө үзүүлээгүй 91.6 хувийн дархлаа суулгаж байгаагаас гадна 60-аас дээш насныханд ямарч хүндрэл үзүүлээгүй бөйгааг оныолжээ. Үүнээс гадна хадгалах,тээвэрлэхэд хүндрэлгүй байгааг дурдсан байна.

Avatar

Өвгөн 2020-12-11 139.5.219.150

Оросынхоос хятад нь дээр,хятадаас барууных нь дээр. Яагаад гэвэл хүний төлөөх бүх дэвшилтэт бүхэн баруунаас үүсэлтэй.
Тэгээдч хөгжил дэвшил тэнд л байна. Орос бол зүгээрл пиар шүүдээ, 2-р дайныг эс тооцвол хүн төрлөхтний хөгжил дэвшилд чухам юу хийсэн билээ.

Avatar

Зочин 2020-12-11 202.21.108.13

ter baruunii vactsine hunii gend oorchlot oruulah ch um bil uu. shine arga gedeg ni auyltai baij boloh um. odoohondoo ulamjlalt umaa hiilgeh ni hoishdoo hor honool baga bh

Avatar

хятад ахын будаа 2020-12-11 202.126.88.205

хятад вакцин дээр биздэ хятад гурил будааг олон жил идлээ

Avatar

цог 2020-12-11 103.10.22.80

орос хятадын вакцин уламжлалт аргаар бүтээгдсэн гэнэ энэ бол найдвартай .баруун элдэв
хаяг яагаад зүүж байна вэ гэхээр өөрсдийнхөө вакциныг борлуулж ашиг түрүүлж олох .

Avatar

Бүх сайн вакцинийг хийлгэе 2020-12-11 196.53.0.17

Энэ хэдэн сайн гэсэн вакцинуудыг бүгдийг нь хийлгэчихвэл яадаг юм бол.

Avatar

/*-*/ 2020-12-11 49.0.212.165

Xужаа вакцинуудын талаар юу ч мэдэх хэрэггүй !

Avatar

Зочин 2020-12-11 122.201.21.160

udirdlagatai huuheldei bolloo do

Avatar

123456 2020-12-11 49.0.212.165

Хулхи Xужаа бараа

Avatar

Зочин 2020-12-11 202.126.89.182

yamar ch l bsn orps vaktsi aas hamaagui iluu batalgaatai gej bodoj bna

NewsMN Гар утасны хувилбар Татах
NEWS.mn

Мэдээллийн эх сурвалж