Хуулийг нь өөрчлөөд зогсохгүй хувьчлах хэрэгтэй биш үү? | News.MN

Хуулийг нь өөрчлөөд зогсохгүй хувьчлах хэрэгтэй биш үү?

Хуулийг нь өөрчлөөд зогсохгүй хувьчлах хэрэгтэй биш үү?

Хуулийг нь өөрчлөөд зогсохгүй хувьчлах хэрэгтэй биш үү?

УИХ нотой, ноцтой, эрх ашигтай асуудлыг шөнө дөлөөр хэлэлцэж, баталдаг жишгээрээ  өчигдөр /2020.12.10/ 20.00 цагийн орчимд МҮОНРТ-ийн Үндэсний зөвлөлийн зургаан гишүүнийг батлав.

УИХ-аар томилгоог хийхийн өмнө МҮОНРТ-ийн уран бүтээлчид Үндэсний зөвлөлд нэрээ дэвшүүлсэн долоон хүнээс хоёрыг нь буюу “Монголын үнэн” сонины эрхлэгч Б.Ганболд, МҮОНРТ-ийн дэд захирал Ч.Батцэнгэл нарыг УИХ-аар батлахыг эсэргүүцсэн тул Ч.Батцэнгэл нэрээ татаж,  зургаан гишүүнийг томиллоо.

МҮОНРТ-ийн Үндэсний зөвлөлийн гишүүний бүрэлдэхүүнийг шинэчилснээр тус телевиз нь олон нийтийн болж, эрх барьж буй намын савраас гардаг бол сайнсан. Харамсалтай нь, 2005 онд УИХ-аар Олон нийтийн радио телевизийн тухай хуулийг баталсан цагаас эхлээд тус телевиз нь УИХ-ын сонгуульд ялсан намын үзэл суртлын зэвсэг болсоор ирсэн билээ. Эцэс сүүлдээ хууль тогтоогчид нь “Намайг МҮОНРТ-ээр гаргадаггүй” гэх үг хаях болсон.  Тодруулбал, УИХ-ын гишүүн Б.Пүрэвдорж “Өнгөрсөн дөрвөн жилийн хугацаанд МҮОНРТ намайг дөрвөн л удаа гаргасан” гэж өчигдөр “гомдол” тавьсан бол 2016 оны сонгуульд МАН үнэмлэхүй ялалт байгуулсны дараа УИХ-ын гишүүн, Сангийн сайд Ч.Хүрэлбаатар “Намайг МҮОНРТ-ээр нэг ч удаа гаргаагүй” гэж хов зөөж байв. Тэр цагаас хойш Сангийн сайд Ч.Хүрэлбаатар шиг МҮОНТ-ээр байсхийгээд гардаг сайд, хууль  тогтоогч үгүй болсон.

Хуулиараа МҮОНРТ  нь олон нийтийн эрх ашгийн төлөө үйл ажиллагаа явуулах ёстой болохоос биш УИХ-ын гишүүд, эрх барьж буй намын дуу хоолой болох үүрэг хүлээгээгүй.  Гэвч сонгуульд аль нам, фракц бүлэглэл ялна, түүний мэдэлд шилжин, дуу хоолой нь болж, Үндэсний зөвлөлийн гишүүд нэртэй ардаа “эзэдтэй” хүмүүс захирлыг томилдог.

Засгийн газар тогтворгүй, бүлэглэл фракц нь дотроо учраа олохгүй л байвал МҮОНРТ-ийн удирдлага ойр, ойрхон солигдоно.  Дээдсүүд дээгүүр зөрчилтэй ч ялсан намын дуу хоолой байх үүрэг нь хойш шидэгдэхгүй.  Тэгсэн хэрнээ жил бүр татвар төлөгчдийн мөнгөөр санхүүжинэ. УИХ-аас жилд 10 гаруй тэрбум төгрөгийг баталж өгдөг.

Гажуудлыг засах нэг механизм нь хуулийг өөрчилж, улс төрөөс хараат бус болгох явдал гэж уран бүтээлчид нь байр сууриа илэрхийлсээр ирсэн.

Харин УИХ-аас өчигдөр Үндэсний зөвлөлийн гишүүдийг томилсны дараа УИХ-ын дарга Г.Занданшатар Олон нийтийн радио телевизийн тухай хуульд өөрчлөлт оруулж, МҮОНРТ-ийг улс төрөөс ангид болгох эрх зүйн орчин бүрдүүлнэ гэж хэлнэ билээ.  Гэхдээ УИХ-аас нэр дэвшүүлсэн МҮОНРТ-ийн Үндэсний зөвлөлийн хоёр гишүүн нь гологдсоноор нэг нь нэрээ татсан, мөн УИХ улс, олон нийтийн эрх ашгаас илүүтэй намын, өөрсдийн эрх ашгийг хамгаалахад чиглүүлж хуулийг баталдаг буруу аргатай тул улс төрөөс хараат байлгах асуудлыг тогтолцоогоор бүрдүүлж өгөх нь юу л бол…

Учир юу вэ гэвэл нэгд, УИХ эрх мэдлээ Засгийн газарт алдаж, үндсэндээ командаар нь хөдөлдөг болсон гэж хэлэхэд буруудахгүй. МҮОНРТ Засгийн газрын хэрэг эрхлэх газарт харьяалагддаг. Хоёрт,  Засгийн газар МҮОНРТ-ээр хязгаарлахгүй хэвлэл, мэдээллийн бүхий л хэрэгслийг  эрх мэдэлдээ  байлгахыг зорьж, худал мэдээ нэрийн дор өндөр торгууль ногдуулах, сэтгүүлчийг хорих хүртэл арга хэмжээ авахаар хуулиудаа чангалах болсон.

Ирэх оны зургадугаар сард Ерөнхийлөгчийн сонгууль, түүний дараагаас УИХ-ын дараагийн сонгууль ойртох тул эрх мэдэлтэй байгаа дээрээ тултал ашиглахаа л бодно. Иймээс УИХ-аас байгуулагдсан ажлын хэсэг МҮОНРТ-ийг улс төрөөс хараат бус болгож, олон нийтийн эрх ашгийн төлөө дуугардаг болгох эрх зүйн зохицуулалттай болгож өгнө гэдэг юу л бол…

Уг нь УИХ-ын дарга намынхаа эрх ашгийг хойш тавиад хэлсэндээ хүрвэл сайн л байна. Хуулийг нь өөрчлөөд зогсохгүй тодорхой хувийг нь хувьчилбал МҮОНРТ  олон нийтийг тэнцвэртэй мэдээллээр хангах чиг үүргээ биелүүлэх боломж нь нээгдэж болох юм.

Л.ОЮУ

Энэ мэдээнд өгөх таны сэтгэгдэл?
4
ЗөвЗөв
2
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Hatan 2020-12-11 192.82.77.32

Naraa ganbold 2 gej hulgaichuud odoo boli

Avatar

Зочин 2020-12-11 66.181.189.62

Айл бүр телевизийн төлбөр төлдөг. Гэтэл яагаад улс төрчдийн захиалгаар дандаа нэвтрүүлэг гаргадаг юм. Гэр бүлээрээ суугад үзэх сайхан нэвтрүүлэг бараг гарахгүй. Баахан зугаа цэнгэл, эсвэл кино нэртэй гадаад өнгө үзэмжийн утгагүй нэг талыг барьсан дүрсүүд. Мэдээний цаг гэж мөнгө төлсөн яриа, хэнд ашигтайн ойлгомжтой. Нийгмийн сайн сайханд өөрийн байр суурийг олж чадаагүй нэвтрүүлэг хэнд хэрэгтэй юм бэ? Бодож боловсруулж үйл ажиллагаандаа тусгаж байвал ард түмэнд ивээгдэх байлгүй.

Avatar

Үзэгч 2020-12-11 202.9.46.15

Батцэнгэлийг ерөнхий захирлаар тавьчихвал ОН телевиз ч арван цагаан буяныхаа замаар орно доо. Дарга болох гэж л мөн их үхэлдэх юм даа. Овоо унацтай газар даг шүү. Дан хуучин дарга нарын царай л харагдана. Эдний хэн нэг нь чадхийвэл сүнс нь телевизийн овоон дээр эргэлдээд байх юм байна. Гайгүй хүн олж тавиасай. Наад телевизээр чинь үзэх ч юм байхгүй боллоо. Нэг л их суудлын төлөө дайн байлдаан хийсэн улс. Хүн тоож үзэхээр олигтой юм гаргах гэж ингэж уралдвал сайн байна.

Avatar

мэргэн 2020-12-11 203.91.115.53

ҮНДЭСНИЙ ЗӨВЛӨЛГҮЙ БАЙСАН БОЛООД Л БАЙСАН ОДОО Ч ХЭРЭГГҮЙ ГАНЦ ТОМ
ЗАХИРАЛ БАЙХАД Л БОЛОО

Avatar

irgen 2020-12-11 66.181.161.81

deeguur guij undesnii zuvluld orson humuus n ch gytamshig yum

Avatar

irgen 2020-12-11 66.181.161.81

iim yumnyyd bichij setguul zuig gytaah yum da

Avatar

irgen 2020-12-11 66.181.161.81

nyyts nereer zahialgaar ingej yamar ch oilgoltgui yum bichigch bolij uz de

Avatar

хүннү 2020-12-11 202.179.24.198

Зурагтын хураамж гэж айл бүрээс мөнгө авдаг бил үү? Тэр мөнгөө МҮОНРТ-д өгмөөргүй байна. Хэн олон түмний хэрэгцээ шаардлагыг хангаж чадаж байна тэр л ТВ-д өгөх ёстой. Олон ТВ-нүүдэд тендер заралж болно шүү.

Avatar

Зочин 2020-12-11 43.242.243.49

Шал дампуу юм!!! Олж сонгох, томилох журам нь буруу байна шүү дээ!!!!

Avatar

zovhin 2020-12-11 139.5.216.63

Tend ajillagsa;sy erh asygnay moloo zorigmoi dugarch baisan negnee harin ch gants neg nohdiin hatgaasaar boliylvhihaj bgaa yab bish yy

Avatar

Халх 2020-12-11 202.131.236.170

Үнэн бүтэхгүй нөхдүүд сул хүмүүс орсон байна даа. Нэг тогооны хүмүүс тул ОНРТ утгаараа дампуурчээ.

Avatar

Зочин 2020-12-11 202.179.26.42

Алдарт телевизээс тэр бумаар нь хусдаг 2 Уруул Ганболд ах дүү Наранбаатартайгаа зөвлөлийн гишүүн болжээ. Энэ 2-н толгойд телевизийг хувьцалж авах л юм бодож байгаа. Телевизийн хөрөнгө гэдэг томоохон компанийн дайтай том юм байна. Шунал нь хүрээд байж суугаа 2-т сайхан завшаан болжээ.

Avatar

Зочин 2020-12-11 202.179.26.42

Алдарт телевизээс тэр бумаар нь ш****г Уруул Ганболд ах дүү Наранбаатартайгаа зөвлөлийн гишүүн болжээ. Энэ 2-н толгойд телевизийг хувьцалж авах л юм бодоу байгаа. Телевизийн хөрөнгө гэдэг томоохон компанийн дайтай том юм байна. Шунал нь хүрээд байж суугаа 2-т сайхан завшаан болжээ.

Avatar

б 2020-12-11 66.181.182.223

МАН байгаа цагт хэзээ ч чөлөөт ТВ болохгүй

Avatar

Зочин 2020-12-11 192.82.72.175

Уруул Ганболд шиг улс төрждөг коммунист байвал энэ телевиз өөрчлөгдөхөд үнэхээр хэцүү. Үнэхээр чөлөөт ТВ болчихоосой доо.

Avatar

Зочин 2020-12-11 66.181.189.67

Түүхэн биш гадаадын олон ангит киног гаргах нь зохимжгүй. Гадаадын дарга нар өндөр ёс зүйтэй. Том гүрнүүд шүү

NewsMN Гар утасны хувилбар Татах
NEWS.mn

Мэдээллийн эх сурвалж