Их Британи: Анхны хүн Covid-19-ийн эсрэг вакцинаа хийлгэлээ | News.MN

Их Британи: Анхны хүн Covid-19-ийн эсрэг вакцинаа хийлгэлээ

COVID-19

Их Британи: Анхны хүн Covid-19-ийн эсрэг вакцинаа хийлгэлээ

Их Британи: Анхны хүн Covid-19-ийн эсрэг вакцинаа хийлгэлээ

Их Британийн засгийн газар Covid-19-ийн эсрэг бүх нийтийн вакцинжуулалт өнөөдөр /2020.12.08/ албан ёсоор эхэлж, эхний ээлжний хүмүүс вакцинаа хийлгэж байна. Ингэснээр Их Британид Covid-19-ийн эсрэг вакцинжуулалтыг эхлүүлсэн юм.

Хойд Ирландын иргэн, 90 настай Маргарет Кийнан гэх эмэгтэй Covid-19-ийн эсрэг 95 хувийн үр дүнтэй "Pfizer"-ийн вакциныг хийлгэсэн дэлхийн анхны хүн болж байна. Тэрбээр ирэх долоо хоногт 91 нас хүрэх бөгөөд төрсөн өдрийн хамгийн том бэлгээ төр засгаасаа авлаа хэмээн талархлаа илэрхийлжээ. Их Британид covid-19-ийн эсрэг вакциныг сайн дурын үндсэн дээр хийх юм байна.

Эхний ээлжинд цар тахалтай тэмцэж буй эмнэлгийн ажилтнууд, 80-аас дээш насныхан, ахмадын асрамжийн газрын ажилтнууд вакцинжуулалтад хамрагдахаар болсон байна.  Англи, Шотланд, Уэльс, Умард Ирландад вакцинжуулах төвүүд байгуулагдаж, өнөөдрөөс зэрэг нээгдэхээр болжээ. Зөвхөн Англид 50 ийм төв байгуулагдсан гэнэ.

Тус улс нь "Pfizer/BioNTech" компанийн бүтээсэн Covid-19-ийн эсрэг вакциныг олон нийтэд хэрэглэхийг энэ сарын 2-ны өдөр зөвшөөрсөн юм. Мөн уг вакцин нь Covid-19-ийн эсрэг вакцинуудаас олон нийтийн хэрэглээнд нэвтэрсэн анхны вакцин болж байгаа юм.

Их Британи одоогоор 40 сая тунг захиалаад байгаа ба энэ нь 20 сая хүнд хүрэлцэхүйц хэмжээ юм. АНУ-ын “Pfizer”, Германы “BioNTech” компаниудын хамтран бүтээсэн вакцины туршилтад 43 мянган хүн оролцсоноос ямар нэгэн ноцтой гаж нөлөө илрээгүй байна. Уг вакциныг гурван долоо хоногийн зайтай хоёр тунг хийх шаардлагатай ба -70 хэмийн хүйтэнд зургаан сар хүртэл хадгалах боломжтой бол өрөөний температурт тав хүртэл хоног хадгалах боломжтой аж.

Тээвэрлэлт, хадгалалтын хувьд бусад вакцинуудаас илүү онцгой нөхцөл шаардаж байгаа учир зарим улс орнуудад хүргэхэд хүндрэлтэй. Энэ вакциныг Европын Холбоо хамгийн их буюу 300 сая тун, АНУ 100 сая тун, Япон 120 сая, Канад, Австрали, Чили улсууд дор хаяж 10 сая тун авахаар урьдчилан тохиролцжээ. Үнийн хувьд тун тус бүр нь 20 ам.доллараар зарагдах төлөвтэй байна.

Эх сурвалж: BBC

 

Энэ мэдээнд өгөх таны сэтгэгдэл?
10
ЗөвЗөв
5
ТэнэглэлТэнэглэл
1
ГайхмаарГайхмаар
1
БурууБуруу
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Онигоо мэдэх үү 2020-12-08 172.90.225.129

Үхдэггүй ээ

Avatar

Зочин 2020-12-08 64.119.25.213

Энэ вакцин бразилд туршсан чинь салга мэдрэл болгоод байна гээд байсан. Хийчихэж байгаа юм уу.

Avatar

huuk 2020-12-08 59.153.114.156

Хөгшин Европ тэтгэвэр авахаас өөр улс орондоо нэмэргүй хөгшүүчлээсээ салахаар шийдэж дээ..Эдийн засгийн дарамт, өр гээд асуудал Европт нэлээн бий..

Avatar

Зочин 2020-12-08 150.129.142.203

Чамд аав ээж эмээ өвөө байхгүй юу

Avatar

Зочин 2020-12-08 43.242.243.225

Оросын вакциныг ер нь хэн ч хүлээн зөвшөөрөхгүй байгаашдээ. Өөрсдөө л анхдагч болох гээд улайрад Британаас түрүүлэх гээд зүтгээд бгаашд

Avatar

Зочин 2020-12-08 66.181.180.68

Orosiin vaccine bol mald zoriulagdsan kk

Avatar

Английн л анхны хүн байх 2020-12-08 192.82.76.89

Дэлхийд ОХУ эхэлсэн

Avatar

Зочин 2020-12-08 192.82.76.89

Өчигдөр ОХУ хийгээд эхэлчихсэн ш дээ. Анхны хүн биш байх аа

NewsMN Гар утасны хувилбар Татах
NEWS.mn

Мэдээллийн эх сурвалж